Rashmika deepfake video : అసలు డీప్​ఫేక్​ వీడియో అంటే ఏంటి? ఎలా పసిగట్టాలి?-rashmika deepfake video controversy what is it and how can we spot one ,జాతీయ - అంతర్జాతీయ న్యూస్
Telugu News  /  National International  /  Rashmika Deepfake Video Controversy What Is It And How Can We Spot One

Rashmika deepfake video : అసలు డీప్​ఫేక్​ వీడియో అంటే ఏంటి? ఎలా పసిగట్టాలి?

Sharath Chitturi HT Telugu
Nov 07, 2023 11:16 AM IST

Rashmika deep fake video : డీప్​ఫేక్​ వీడియో అంటే ఏంటి? దీనిని మనం ఎలా పసిగట్టవచ్చు? రష్మిక మందన్నా డీప్​ఫేక్​ వీడియోలో ఏం ఉంది?

అసలు డీప్​ ఫేక్​ వీడియో అంటే ఏంటి? ఎలా పసిగట్టచ్చు?
అసలు డీప్​ ఫేక్​ వీడియో అంటే ఏంటి? ఎలా పసిగట్టచ్చు? (AFP)

Rashmika deepfake video : ప్రముఖ నటి రష్మిక మందన్నాకు సంబంధించిన “డీప్​ఫేక్​ వీడియో”పై దేశవ్యాప్తంగా చర్చలు జరుగుతున్నాయి. ఈ ఘటనతో తాను చాలా బాధపడినట్టు సినీ నటి వ్యాఖ్యానించారు. అమితాబ్​ బచ్చన్​తో పాటు ఎందరో ప్రముఖులు ఆమెకు మద్దతుగా నిలిచారు. ఇలాంటి విషయాలపై న్యాయపరమైన చర్యలు తీసుకోవాలని డిమాండ్​ చేస్తున్నారు. ఈ నేపథ్యంలో ఈ వ్యవహారం సర్వత్రా చర్చనీయాంశంగా మారింది. అసలేంటి ఈ డీప్​ఫేక్​ వీడియో? దీనిని ఎలా పసిగట్టవచ్చు? అన్న వివరాలను ఇక్కడ తెలుసుకుందాము..

ట్రెండింగ్ వార్తలు

డీప్​ఫేక్​ వీడియో అంటే ఏంటి..?

డీప్​ లర్నింగ్​, ఫేక్​ పదాల కలయిక ఈ డీప్​ఫేక్​. దీని అర్థం.. ఒక వీడియోలోని అసలు వ్యక్తి ముఖాన్ని, శరీరాన్ని.. ఆల్గోరిథమ్​ల సహాయంతో మార్ఫ్​ చేయండి. ఇది చాలా తీవ్రమైన సమస్యగా మారుతోంది. మరీ ముఖ్యంగా.. సెలబ్రెటీలు, ప్రముఖులు.. ఈ డీప్​ఫేక్​ వీడియో బారిన పడుతున్నారు.

What is deepfake video : డీప్​ఫేక్ కోసం వాడిన ఆల్గోరిథమ్​ల​ కారణంగా వీడియో చాలా ఆథెంటిక్​గా, నిజంగా కనిపిస్తుంది. డీప్​ లర్నింగ్​ అనే ఆర్టిఫీషియల్​ ఇంటెలిజెన్స్​ని వాడుకుని ఫొటోలు, వీడియోలను మార్ఫ్​ చేస్తూ ఉంటారు. అసలు ఎప్పుడు, ఎక్కడ జరగనివి, జరిగినట్టు చూపిస్తారు. ఆర్టిఫీషియల్​ ఇంటెలిజెన్స్​ టూల్స్​ అందుబాటులోకి వచ్చిన తర్వాత.. ఈ డీప్​ఫేక్​ వ్యవహారం చాలా తలనొప్పిగా మారింది. ఈ సాఫ్ట్​వేర్స్​లో చాలా వరకు ఫ్రీగా ఉపయోగించుకునే అవకాశం ఉండటం ఆందోళనకర విషయం.

డీప్​ఫేక్​ వీడియోలను ఎలా పసిగట్టాలి?

డీప్​ఫేక్​ వీడియోలు దాదాపు నిజంగానే అనిపిస్తాయి. సరిగ్గా చూడకపోతే.. ఒరిజినల్​ వీడియోకు, మార్ఫ్​ చేసిన వీడియోకు మధ్య తేడా కనిపెట్టడం కాస్త కష్టమే. అలా అని.. పసిగట్టడం పూర్తిగా కష్టం కాదు! వీడియోలోని కొన్ని విషయాలను పరిగణించి.. అది ఫేక్​ ఆ? ఒరిజినల్​ ఆ? అన్నది తెలుసుకోవచ్చు.

Deepfake video meaning : కళ్ల కదలికలు, కను రెప్పలు కదలికలు సరిగ్గా లేకపోతే.. అది డీప్​ఫేక్​ వీడియో అయ్యుండొచ్చు.

మనిషికి, వెనకలా ఉన్న బ్యాక్​గ్రౌండ్​కి మధ్య కలర్​, బ్రైట్​నెస్​ వంటివి మ్యాచ్​ అవ్వకపోతే అది ఫేక్​గా భావించొచ్చు.

ఆడియో క్వాలిటీని కూడా చూడాలి. లిప్​ సింక్​ అవ్వకపోతే దానిని డీప్​ఫేక్​ వీడియో అనుకోవచ్చు.

కళ్ల ముందు కనిపిస్తున్న దృశ్యాల్లో శరీరం అకృతి, ముఖ కవళికలు వేరువేరుగా లేక సహజంగా ఉండకపోతే.. అది కచ్చితంగా ఫేక్​ చేసినదే!

Rashmika Mandanna latest news : వీడియో మెటాడేటాను చూసి కూడా.. అది ఫేక్​ ఆ? ఒరిజినల్​ ఆ? అన్నది తెలుసుకోవచ్చు.

డీప్​ఫేక్​ డిటెక్షన్​ టూల్స్​ వంటివి వాడి.. వీడియో ఒరిజినాలిటీని తెలుసుకోవచ్చు. అంతేకాకుండా.. ఇప్పుడు అనేక డిటెక్షన్​ టూల్స్​ అందుబాటులోకి వస్తున్నాయి.

రష్మిక మందన్నా విషయంలో ఏం జరిగింది..?

రష్మిక మందన్నాకు సంబంధించినదిగా.. ఓ వీడియో సోమవారం సోషల్​ మీడియాలో వైరల్​ అయ్యింది. ఆ వీడియోలో రష్మిక లిఫ్ట్​ని ఆపి లోపలికి వచ్చారు. ఆ తర్వాత అక్కడే ఉన్న ఓ వ్యక్తితో మాట్లాడారు.

Deep fake video Rashmika Mandanna : అయితే.. ఆ వీడియోలో ఉన్నది రష్మిక కాదు! ఆ వీడియోలో ఉన్నది మరో మహిళ. ఆమె శరీరానికి.. రష్మిక ముఖాన్ని మార్ఫ్​ చేశారు. ఇందుకోసం డీప్​ఫేక్​ టెక్నాలజీని వాడుకున్నారు.

WhatsApp channel

సంబంధిత కథనం