NEET PG Admit Card : నీట్​ పీజీ 2024 అడ్మిట్​ కార్డులను ఇలా డౌన్​లోడ్​ చేసుకోండి..

నేషనల్ బోర్డ్ ఆఫ్ ఎగ్జామినేషన్స్ ఇన్ మెడికల్ సైన్సెస్ (ఎన్బీఈఎంఎస్) నీట్ పీజీ 2024 అడ్మిట్ కార్డును తాజాగా విడుదల చేసింది. ఆగస్టు 11న పరీక్ష రాసే అభ్యర్థులు natboard.edu.in అధికారిక వెబ్​సైట్​ నుంచి అడ్మిట్ కార్డులను డౌన్​లోడ్​ చేసుకోవచ్చు.

నీట్ పీజీ అడ్మిట్ కార్డు 2024 డౌన్​లోడ్​ చేసుకోవడానికి డైరెక్ట్ లింక్ కోసం ఇక్కడ క్లిక్​ చేయండి.

నీట్​ పీజీ 2024 హాల్​టికెట్​లో అభ్యర్థులు పరీక్ష నగరం, వేదిక, సమయం తదితర వివరాలను చూడవచ్చు.

నీట్ పీజీ పరీక్షను 2024 ఆగస్టు 11న సీబీటీ (కంప్యూటర్ బేస్డ్ టెస్ట్) విధానంలో రెండు షిఫ్టుల్లో నిర్వహించనున్నారు. పరీక్ష 3 గంటల 30 నిమిషాల పాటు జరుగుతుంది.

నీట్ పీజీ ప్రశ్నపత్రంలో 200 మల్టిపుల్ చాయిస్ ప్రశ్నలు ఉంటాయని, ఇందులో అభ్యర్థులకు ఇంగ్లిష్ భాషలోనే 4 రెస్పాన్స్ ఆప్షన్లు ఉన్న ప్రశ్నలు ఇస్తారని అధికారులు తెలిపారు. అభ్యర్థులు ప్రతి ప్రశ్నలో ఇచ్చిన 4 ఆప్షన్స్​లో సరైన / ఉత్తమ / అత్యంత సముచితమైన ప్రతిస్పందన / సమాధానాన్ని ఎంచుకోవాల్సి ఉంటుంది.

ఇదీ చూడండి:- CBSE 10th: సీబీఎస్ఈ 10వ తరగతి కంపార్ట్మెంట్ రిజల్ట్, రీవాల్యుయేషన్ డేట్స్ ఇవే..

వాస్తవానికి నీట్​ పీజీ 2024 పరీక్ష జూన్ 23న ఎన్బీఈఎంఎస్ పరీక్షను నిర్వహించాల్సి ఉంది. అయితే నీట్ యూజీ, ఇతర ప్రవేశ పరీక్షలకు సంబంధించి పేపర్ లీక్​ వివాదాల నేపథ్యంలో నీట్​ పీజీ వాయిదా పడింది. ముందుజాగ్రత్త చర్యగా పరీక్షను వాయిదా వేసిన ఎన్బీఈఎంఎస్ 2024 జూలై 5న కొత్త తేదీని ప్రకటించింది. ఆగస్ట్​ 11న పరీక్ష నిర్వహించనున్నట్టు వెల్లడించింది.

నీట్ పీజీ 2024 అడ్మిట్ కార్డును ఇలా డౌన్​లోడ్​ చేసుకోండి..

నీట్ పీజీ పరీక్షకు హాజరయ్యే అభ్యర్థులు అడ్మిట్ కార్డును ఇల డౌన్​లోడ్​ చేసుకోవచ్చు..

• natboard.edu.in వద్ద ఎన్బీఈ అధికారిక వెబ్​సైట్​ని సందర్శించండి.
• హోమ్ పేజీలో నీట్ పీజీ 2024 అడ్మిట్ కార్డు లింక్​పై క్లిక్ చేయాలి.
• కొత్త పేజీలో లాగిన్ వివరాలు ఎంటర్ చేసి సబ్మిట్​పై క్లిక్ చేయాలి.
• నీట్ పీజీ 2024 అడ్మిట్ కార్డు స్క్రీన్​పై కనిపిస్తుంది.
• అడ్మిట్ కార్డు చెక్ చేసుకుని పేజీని డౌన్​లోడ్​ చేసుకోవాలి.
• తదుపరి అవసరాల కోసం దాని ప్రింటెడ్ కాపీని తీసుకుంటే బెటర్​.

మరిన్ని వివరాలకు అభ్యర్థులు ఎన్బీఈఎంఎస్ అధికారిక వెబ్​సైట్​ని సందర్శించాల్సి ఉంటుంది.

నీట్​ పీజీ వాయిదాపై సుప్రీంకోర్టు విచారణ..

మరోవైపు నీట్ పీజీ 2024 పరీక్షను వాయిదా వేయాలని కోరుతూ దాఖలైన పిటిషన్​ని సుప్రీంకోర్టు శుక్రవారం విచారించనుంది. అభ్యర్థులకు వివిధ నగరాల్లో పరీక్షా కేంద్రాలను కేటాయించారని, అవి చేరుకోవడం కష్టమని పిటిషనర్​ పేర్కొన్నారు. అదే సమయంలో స్కోర్లను నార్మలైజేషన్​ చేయాల్సిన అవసరం ఉందని వెల్లడించారు.

న్యాయవాది అనాస్ తన్వీర్ దాఖలు చేసిన పిటిషన్​ను విచారించేందుకు సుప్రీంకోర్టు ప్రధాన న్యాయమూర్తి జస్టిస్ డీవై చంద్రచూడ్, న్యాయమూర్తులు జస్టిస్ జేబీ పర్దివాలా, జస్టిస్ మనోజ్ మిశ్రాలతో కూడిన ధర్మాసనం గురువారం అనుమతించింది.