Kerala FIFA world cup : ‘ఫుట్​బాల్​కు ఇంత క్రేజా? ఇస్లాం మతానికి ఇది వ్యతిరేకం’-muslim body weighs in on fifa world cup craze in kerala calls it as unislamic ,జాతీయ - అంతర్జాతీయ న్యూస్
తెలుగు న్యూస్  /  National International  /  Muslim Body Weighs In On Fifa World Cup Craze In Kerala, Calls It As 'Un-islamic'

Kerala FIFA world cup : ‘ఫుట్​బాల్​కు ఇంత క్రేజా? ఇస్లాం మతానికి ఇది వ్యతిరేకం’

Chitturi Eswara Karthikeya Sharath HT Telugu
Nov 26, 2022 11:20 AM IST

Kerala FIFA world cup : ఫిఫా వరల్డ్​ కప్​ నేపథ్యంలో కేరళలో ఫ్యాన్స్​ మధ్య గొడవలు ఎక్కువగానే జరుగుతున్నాయి. ఈ క్రమంలో.. ఫుట్​బాల్​ కారణంగా యువత చదువుకోవడం లేదని ముస్లిం పెద్దలు అభిప్రాయపడుతున్నారు. ఫుట్​బాల్​ను, ఆటగాళ్లను పూజించడం అనేది ఇస్లాం మతానికి వ్యతిరేకం అంటున్నారు.

అర్జెంటీనా ఫ్యాన్స్​..
అర్జెంటీనా ఫ్యాన్స్​.. (AP)

Kerala FIFA world cup : కేరళలో ఫుట్​బాల్​కి ఉన్న క్రేజ్​ చూస్తుంటే మైండ్​ పోతోంది! ఇక ఫీఫా వరల్డ్​ కప్​ను కేరళలోని యువత బాగా ఫాలో అవుతోంది. తమ అభిమాన ఆటగాళ్ల ఫ్లెక్సీలు వేసి మరీ సంబరాలు చేసుకుంటున్నారు ప్రజలు. అంతేకాకుండా.. వివిధ జట్ల అభిమానుల మధ్య గొడవలు కూడా జరుగుతున్నాయి. ఈ వ్యవహారం పోలీసులకు తలనొప్పిగా మారింది. ఇది ఇలా ఉండగా.. కేరళలో ఫుట్​బాల్​కు ఉన్న క్రేజ్​పై స్పందించారు అక్కడి ముస్లిం పెద్దలు. ఫుట్​బాల్​ను దైవంతో సమానంగా చూస్తూ, ప్రార్థనలు చేయడం.. ఇస్లాం మతాచారాలకు వ్యతిరేకం అని మండిపడుతున్నారు. గతంలో వలసలతో ఇతర దేశాలపై పడిన పోర్చుగల్​ వంటి దేశాల జెండాలు పట్టుకుని తిరగడం సరికాదని అభిప్రాయపడ్డారు.

ట్రెండింగ్ వార్తలు

సమస్త కేరళ జామ్​ ఇయ్యాతుల్​ ఉలామాకు చెందిన కుత్బా కమిటీ ప్రధాన కార్యదర్శి నాజర్​ ఫైజీ.. ఈ విషయంపై స్పందించారు. భారీ ఖర్చులు పెట్టి.. ఆటగాళ్ల కటౌట్​లు ఏర్పాటు చేయడం ఏంటని ప్రశ్నించారు.

Football world cup 2022 : "చాలా దేశాలను పోర్చుగల్​ పాలించింది. అలాంటి దేశం జెండా ఎగరేయడం సరికాదు. అదే సమయంలో.. ఇతర దేశాల జెండాను ఎగరేయడం భారతీయులకు సరైనది కాదు. ఖతార్​లో ఫీఫా వరల్డ్​ కప్​ జరుగుతుంటే.. ఇక్కడి విద్యార్థులు చదువుపై శ్రద్ధను కోల్పోతున్నారు. నేను ఫుట్​బాల్​కు వ్యతిరేకం కాదు. కానీ క్రీడను క్రీడగానే చూడాలి. మతంలా భావించి పూజలు చేయకూడదు. వ్యసనంగా మారకూడదు. ఇది మంచిది కాదు," అని నాజర్​ అన్నారు.

"దేశాన్ని ప్రేమించడం మానేసి.. ఫుట్​బాల్​ స్టార్స్​ను దైవంగా భావిస్తున్నారు. ఇస్లాంలో.. ఎవరికి ప్రార్థనలు చేయాలి అనే అంశంపై ఓ లిమిట్​ ఉంటుంది," అని నాజర్​ స్పష్టం చేశారు.

Football world cup Kerala : నాజర్​ వ్యాఖ్యలను.. ఇండియన్​ యూనియన్​ మిస్లిం లీగ్​ లీడర్​, రాష్ట్ర విద్యాశాఖ మంద్రి వీ శివన్​కుట్టి ఖండించారు. ఫుట్​బాల్​ను చూడటం, ప్రేమించడం అనేది.. వ్యక్తిగత స్వేచ్ఛకు సంబంధించినది అని అన్నారు. ఇతరుల ఇష్టాలపై మాట్లాడే హక్కు ఎవరికీ లేదని తేల్చిచెప్పారు.

"ఫుట్​బాలను ప్రేమించడం, లెజండరీ ఆటగాళ్లను పూజించడం అనేది.. వ్యక్తిగత స్వచ్ఛకు సంబంధించిన విషయం. స్వేచ్ఛను హరించే హక్కు ఎవరికీ లేదు. మాచ్​ చూడాలా? వద్దా? అనే వ్యక్తిగత ఇష్టాలు. మన రాజ్యంగం ఆ హక్కును ఇచ్చింది," అని తెలిపారు.

కేరళలో బ్రెజిల్​, అర్జెంటీనా జట్లకు విపరీతమైన ఫాలోయింగ్​ ఉంది. మెస్సీ, నెయ్​మర్​తో పాటు చాలా మంది ఆటగాళ్లకు ఫ్యాన్స్​ ఉన్నారు.

WhatsApp channel

సంబంధిత కథనం