Road accident : మోదీ ర్యాలీకి వెళుతుండగా ఘోర ప్రమాదం.. 39మంది బీజేపీ కార్యకర్తలకు తీవ్ర గాయాలు!-many bjp workers injured as their bus crashes into truck in madhya pradesh ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Road Accident : మోదీ ర్యాలీకి వెళుతుండగా ఘోర ప్రమాదం.. 39మంది బీజేపీ కార్యకర్తలకు తీవ్ర గాయాలు!

Road accident : మోదీ ర్యాలీకి వెళుతుండగా ఘోర ప్రమాదం.. 39మంది బీజేపీ కార్యకర్తలకు తీవ్ర గాయాలు!

Sharath Chitturi HT Telugu
Sep 25, 2023 10:01 AM IST

Road accident : మధ్యప్రదేశ్​లో సోమవారం ఉదయం జరిగిన ఓ రోడ్డు ప్రమాదంలో 39మంది బీజేపీ కార్యకర్తలు గాయపడ్డారు. మోదీ ర్యాలీలో పాల్గొనేందుకు వెళుతుండగా.. వీరు బస్సు, ఓ ట్రక్​ను ఢీకొట్టింది.

మోదీ ర్యాలీకి వెళుతుండగా ఘోర ప్రమాదం..
మోదీ ర్యాలీకి వెళుతుండగా ఘోర ప్రమాదం.. (Sanjeev Gupta)

Madhya Pradesh Road accident : మధ్యప్రదేశ్​లో సోమవారం ఉదయం రోడ్డు ప్రమాదం జరిగింది. పార్క్​ చేసిన ఉన్న ఓ ట్రక్​ను.. ఓ బస్సు వెనుక నుంచి బలంగా ఢీకొట్టింది. ఈ ఘటనలో 39మంది గాయపడ్డారు. కాగా.. వీరందరు బీజేపీ కార్యకర్తలని, ఇంకొన్ని గంటల్లో జరగనున్న మోదీ ర్యాలీలో పాల్గొనేందుకు వెళుతుండగా ఈ ప్రమాదం జరిగిందని తెలుస్తోంది.

బీజేపీ కార్యకర్తలకు తీవ్ర గాయాలు..

ఖర్గోన్​ జిల్లాలో.. బీజేపీ కార్యకర్తలు ప్రయాణిస్తున్న ఓ బస్సు ప్రమాదానికి గురైంది. పార్కింగ్​లో ఉన్న ట్రక్​ను ఢీకొట్టింది. సమాచారం అందుకున్న పోలీసులు.. ఘటనాస్థలానికి వెళ్లి సహాయక చర్యలు చేపట్టారు. గాయపడిన వారిని స్థానిక ఆసుపత్రులకు తరలించారు. ప్రస్తుతం వారందరు ఆయా హాస్పిటల్స్​లో చికిత్స పొందుతున్నారు.

గాయపడిన వారు.. ఖపర్​జమ్లి, రూప్​గఢ్​, రాయ్​ సాగర్​ ప్రాంతాలకు చెందిన వారని సమాచారం.

మోదీ సభకు వెళుతుండగా..

Karyakarta Mahakumbh : మధ్యప్రదేశ్​లో త్వరలోనే ఎన్నికలు జరగనున్నాయి. ఈ నేపథ్యంలో భోపాల్​లో సోమవారం 'కార్యకర్త మహాకుంభ్​' పేరుతో ఓ మెగా ఈవెంట్​ను నిర్వహిస్తోంది బీజేపీ. ప్రధానమంత్రి నరేంద్ర మోదీతో పాటు బీజేపీ అగ్రనేతలు ఈ సభలో పాల్గొంటున్నారు. స్థానిక బీజేపీ యంత్రాంగం.. ఈ ఈవెంట్​ను అత్యంత ప్రతిష్ఠాత్మకంగా పరిగణిస్తోంది. రాష్ట్రం నలుమూలల నుంచి తమ కార్యకర్తలను పోగేస్తోంది. ఈ ఈవెంట్​కు కనీసం 10లక్షల మందినైనా తీసుకురావాలని కమలదళం టార్గెట్​ పెట్టుకున్నట్టు తెలుస్తోంది.

ఈ తరుణంలో బీజేపీ కార్యకర్తలకు గాయాలవ్వడంపై పలువురు బీజేపీ నేతలు విచారం వ్యక్తం చేశారు. వారు త్వరగా కోరుకోవాలని ప్రార్థిస్తున్నట్టు తెలిపారు.

WhatsApp channel

సంబంధిత కథనం