Manohar Lal Khattar resigns : హరియాణా సీఎం పదవికి మనోహర్​ లాల్​ ఖట్టర్​ రాజీనామా- కూటమిలో విభేదాలే కారణం?-manohar lal khattar resigns as haryana cm amid cracks in bjp jjp alliance ,జాతీయ - అంతర్జాతీయ న్యూస్
తెలుగు న్యూస్  /  National International  /  Manohar Lal Khattar Resigns As Haryana Cm Amid Cracks In Bjp-jjp Alliance

Manohar Lal Khattar resigns : హరియాణా సీఎం పదవికి మనోహర్​ లాల్​ ఖట్టర్​ రాజీనామా- కూటమిలో విభేదాలే కారణం?

Sharath Chitturi HT Telugu
Mar 12, 2024 12:59 PM IST

Manohar Lal Khattar : మనోహర్​ లాల్​ ఖట్టర్​.. హరియాణా సీఎం పదవికి రాజీనామా చేశారు. బీజేపీ- జేజేపీ కూటమి మధ్య విభేదాలే ఇందుకు కారణం అని తెలుస్తోంది.

మనోహర్​ లాల్​ ఖట్టర్​, డిప్యూటీ సీఎం దుశ్యంత్​ చౌతాలా
మనోహర్​ లాల్​ ఖట్టర్​, డిప్యూటీ సీఎం దుశ్యంత్​ చౌతాలా

Manohar Lal Khattar resigns : హరియాణా రాజకీయాల్లో పెను సంక్షోభం! హరియాణా ముఖ్యమంత్రి, బీజేపీ సీనియర్​ నేత మనోహర్​ లాల్​ ఖట్టర్​.. 2024 లోక్​సభ ఎన్నికలకు ముందు తన పదవికి రాజీనామా చేశారు. ఈ మేరకు.. తన రాజీనామా లేఖను హరియాణా గవర్నర్​కి మంగళవారం ఉదయం అందించినట్టు సమాచారం. అధికార బీజేపీ- జేజేపీ (జననాయక్​ జనతా పార్టీ) మధ్య విభేదాలు తీవ్రస్థాయికి చేరినట్టు వార్తలు వస్తున్న తరుణంలో.. ఖట్టర్​ రాజీనామా సర్వత్రా చర్చనీయాంశంగా మారింది. ఖట్టర్​తో పాటు ఆయన కేబినెట్​ కూడా రాజీనామా చేసింది.

ట్రెండింగ్ వార్తలు

బీజేపీ- జేజేపీ మధ్య విభేదాలే కారణామా?

హరియాణా సీఎంగా బీజేపీ నేత మనోహర్​ లాల్​ ఖట్టర్​ ఉండగా.. డిప్యూటీ సీఎం పదవిలో జేజేపీ నేత దుశ్యంత్​ చౌతాలా కొనసాగుతున్నారు. అయితే.. 2024 లోక్​సభ ఎన్నికల విషయంలో వీరి మధ్య విభేదాలు నెలకొన్నట్టు తెలుస్తోంది. సీట్ల సద్దుబాటు విషయం ఇప్పటికీ ఒక కొలిక్కి రాకపోవడం గమనార్హం.

Haryana CM Manohar Lal Khattar : మరోవైపు బీజేపీ- జేజేపీ కూటమిపై కీలక వ్యాఖ్యలు చేశారు స్వతంత్ర ఎమ్మెల్యే నయన్​ పాల్​ రావత్​. బీజేపీ- జేజేపీ కూటమి పతనం అంచున ఉందన్నారు. కానీ స్వతంత్ర ఎమ్మెల్యేలు.. బీజేపీకి మద్దతిస్తారని వ్యాఖ్యానించారు.

లోక్​సభ ఎన్నికలకు ముందు.. హరియాణ సీఎం పదవికి మనోహర్​ లాల్​ ఖట్టర్​ రాజీనామాతో రాష్ట్రంలో రాజకీయాలు అనూహ్యంగా మలుపు తిరిగాయి. ఈ నేపథ్యంలో ఇరు పార్టీలు వేరువేరుగా సమావేశాలను ఏర్పాటు చేసుకుంటున్నాయి. ఖట్టర్​ కూడా.. బీజేపీ మంత్రులతో ఇంకొద్ది సేపట్లో సమావేశమవుతారని తెలుస్తోంది.

అయితే.. మనోహర్​ లాల్​ ఖట్టర్​ అనూహ్య రాజీనామా వెనుక ఉన్న అసలు విషయం బయటకు రావడం లేదు. బీజేపీ పెద్దలు ఈ విషయంపై మౌనంగానే ఉంటున్నారు!

నెంబర్​ గేమ్​ ఇలా..

Haryana politics latest news : హరియాణా అసెంబ్లీలో మొత్తం 90 సీట్లు ఉన్నాయి. ప్రభుత్వాన్ని ఏర్పాటు చేసేందుకు కనీసం 40 సీట్లు కావాలి. 2019లో జరిగిన ఎన్నికల్లో బీజేపీకి 40 సీట్లు వచ్చాయి. కాంగ్రెస్​ 31 చోట్ల గెలిచింది. దుశ్యంత్​ చౌతాలా జేజేపీకి 10 సీట్లు దక్కాయి. చివరికి.. ఏడుగురు స్వతంత్ర ఎమ్మెల్యేలు, జేజేపీతో కలిసి బీజేపీ ప్రభుత్వాన్ని ఏర్పాటు చేసింది.

హరియాణాలో మొత్తం 10 లోక్​సభ సీట్లు ఉన్నాయి. 2019 లోక్​సభ ఎన్నికల్లో బీజేపీ 10 స్థానాల్లో గెలిచింది. జేజేపీ ఒక్క సీటు కూడా గెలవలేదు. కాంగ్రెస్​ పరిస్థితి కూడా ఇంతే!

ఇప్పుడేం జరుగుతుంది..?

మీడియా కథనాల ప్రకారం.. మనోహర్​ లాల్​ ఖట్టార్​.. హరియాణా సీఎంగా మంగళవారం సాయంత్రం తిరిగి ప్రమాణం చేయొచ్చు. ఈసారి.. ఆయనకు 7 ఏడుగురు స్వతంత్రుల మద్దతు ఉంటుంది. అదే కాకుండా.. జేజేపీ నుంచి ఐదుగురు ఎమ్మెల్యేలు.. బీజేపీకి మద్దతు ప్రకటించేందుక సిద్ధంగా ఉన్నారు.

WhatsApp channel

సంబంధిత కథనం