Boyfriend kills woman: హెయిర్ కట్ బాలేదని గర్ల్ ఫ్రెండ్ ను చంపేశాడు
Boyfriend kills woman: పెన్సిల్వేనియాకు చెందిన ఓ వ్యక్తి తనకు నచ్చని హెయిర్ కట్ చేయించుకున్న తన ప్రియురాలిని కత్తితో పొడిచి, చంపేశాడు. ఆమె సోదరుడిని కత్తితో పొడిచి గాయపర్చాడు. రక్తసిక్తమైన కత్తితో సంఘటనా స్థలంలోనే అతన్ని అరెస్టు చేశారు.
Boyfriend kills woman: పెన్సిల్వేనియాలో ఓ వ్యక్తి తనకు నచ్చని విధంగా తన ప్రేయసి జుట్టును కత్తిరించినందుకు కోపంతో ఆమెను దారుణంగా పొడిచి చంపాడు. బెంజమిన్ గార్సియా గ్వాల్ (49) అనే ఆ వ్యక్తిని చేతిలో రక్తసిక్తమైన కత్తితో సంఘటనా స్థలంలోనే పోలీసులు అరెస్ట్ చేశారు. అక్కడ అతడి ప్రియురాలి మృతదేహంతో పాటు బెంజమిన్ చేతిలో గాయపడిన మరో ఇద్దరిని ఆసుపత్రికి తరలించారు.
హెయిర్ కట్ నచ్చలేదని..
50 ఏళ్ల కార్మెన్ మార్టినెజ్-సిల్వా ఒక రోజు ముందు హెయిర్ కట్ చేయించుకుంది. ఆమె ఇంటికి తిరిగి వచ్చినప్పుడు ఆమె ప్రియుడు బెంజమిన్ గార్సియా గ్వాల్ కు ఆమె కొత్త హెయిర్ స్టైల్ నచ్చలేదు. ఆ రాత్రి అతను తనను ఏం చేస్తాడోనని భయపడిన ఆమె ఆ రాత్రి తన కుమార్తె ఇంటికి వెళ్లింది. బెంజమిన్ తన తల్లిపై చాలా కోపంగా ఉన్నాడని, హెయిర్ కట్ కారణంగా తనను పొడిచి చంపేస్తానని బెదిరించాడని ఆమె కుమార్తె పోలీసులకు తెలిపింది.
తమ్ముడి ఇంట్లో దాక్కున్నా..
బాయ్ ఫ్రెండ్ కు భయపడిన కార్మెన్ తన కుమార్తె ఇంటిని కూడా వదిలి తన సోదరుడి ఇంటికి వెళ్లింది. అక్కడి నుంచి తన స్నేహితుడికి కాల్ చేసి, బెంజమిన్ తో తన సంబంధం ముగిసిందని బెంజమిన్ కు చెప్పాలని తన స్నేహితుడికి చెప్పింది. ఆ స్నేహితుడు ఆ విషయం బెంజమిన్ కు చెప్పాడు. దీంతో కోపోద్రిక్తుడైన బెంజమిన్ ఆమెను వెతుక్కుంటూ సోదరుడి ఇంటికి వెళ్లాడు. మొదట ఆమె అక్కడ లేదని అబద్ధం చెప్పి ఆమె సోదరుడు అతన్ని తిప్పి పంపాడు. కానీ అతను వెంటనే తిరిగి వచ్చాడు. సోదరుడు తలుపు తెరిచిన వెంటనే అతను అతన్ని కత్తితో పొడిచడం ప్రారంభించాడు. తన సోదరుడిని రక్షించడానికి కార్మెన్ ఇంట్లో నుంచి బయటకు పరిగెత్తుకుంటూ వచ్చింది. దాంతో, బెంజమిన్ ఆమెపై కత్తితో దాడికి దిగాడు. ఆమె కేకలు వేయడంతో పలుమార్లు కత్తితో పొడిచి ఇంట్లో ఉన్న మరో వ్యక్తిని కూడా కత్తితో పొడిచేందుకు ప్రయత్నించాడు. తనను అడ్డుకునేందుకు ప్రయత్నించిన వారిపై కూడా దాడి చేసినట్లు సమాచారం.
సంఘటనా స్థలంలోనే అరెస్ట్
సంఘటనా స్థలంలోనే కత్తితో కనిపించిన బెంజిమిన్ ను సమాచారం తెలుసుకుని అక్కడికి వెళ్లిన పోలీసులు అదుపులోకి తీసుకున్నారు. అప్పటికే అతని ప్రియురాలు కార్మెన్ మృతి చెందగా, ఆమె సోదరుడికి పలు కత్తిపోట్లు ఉన్నాయి. ఇద్దరినీ ఆస్పత్రికి తరలించారు. సోదరుడు బతికే అవకాశం ఉందని అధికారులు చెబుతున్నారు. ప్రస్తుతం బెంజమిన్ పై హత్య, హత్యాయత్నం, తీవ్ర దాడి, నిర్లక్ష్యపు బెదిరింపు అభియోగాలు ఉన్నాయి.
