లవ్ ప్రపోజల్ తిరస్కరించిందని విద్యార్థినిని కత్తితో పొడిచిన సహ విద్యార్థి-girl student stabbed by collegemate in mangaluru for rejecting proposal ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  లవ్ ప్రపోజల్ తిరస్కరించిందని విద్యార్థినిని కత్తితో పొడిచిన సహ విద్యార్థి

లవ్ ప్రపోజల్ తిరస్కరించిందని విద్యార్థినిని కత్తితో పొడిచిన సహ విద్యార్థి

HT Telugu Desk HT Telugu
Aug 21, 2024 02:29 PM IST

కర్ణాటక రాష్ట్రం మంగళూరులోని పుత్తూరులో ఓ కాలేజీ విద్యార్థినిపై తోటి విద్యార్థి దాడి చేశాడు. ప్రేమ ప్రతిపాదనను తిరస్కరించడంతో ఆమె చేతిని కత్తితో పొడిచి గాయపరిచాడు.

విద్యార్థినిపై అఘాయిత్యం (ప్రతీకాత్మక చిత్రం)
విద్యార్థినిపై అఘాయిత్యం (ప్రతీకాత్మక చిత్రం)

ప్రేమ ప్రతిపాదనను తిరస్కరించిందని తోటి విద్యార్థి ఆమెపై అఘాయిత్యానికి పాల్పడ్డాడు. బాధితురాలు తన కళాశాలకు వెళ్తుండగా ఉదయం ఈ ఘటన చోటు చేసుకుంది.

yearly horoscope entry point

బాధితురాలికి తెలిసిన విద్యార్థి ఆమె వద్దకు వచ్చాడని, అతడి ప్రేమ ప్రతిపాదనను తిరస్కరించిన తర్వాత ఆమె చేతిపై కత్తితో దాడి చేశాడని, దీంతో ఆమె చేతికి తీవ్ర గాయమైందని బెంగళూరు పోలీసు సూపరింటెండెంట్ యతీష్ ఎన్ విలేకరులకు తెలిపారు. బాధితురాలిని వెంటనే ప్రభుత్వాసుపత్రికి తరలించి చికిత్స అందిస్తున్నారు.

ఈ ఘటనపై వెంటనే స్పందించిన పుత్తూరు పోలీసులు సీసీటీవీ ఫుటేజీలను పరిశీలించి నిందితులను అదుపులోకి తీసుకున్నారు. దాడి వార్త వ్యాప్తి చెందడంతో పరిస్థితి ఉద్రిక్తతలకు దారితీసింది. కళాశాల, ఆసుపత్రి వద్ద పెద్దఎత్తున జనం గుమికూడారు. గాజు ముక్క వల్లనే గాయమైందని చెప్పాలని కాలేజీ అధికారులు తొలుత బాధితురాలిపై ఒత్తిడి తెచ్చారని సమాచారం. ఉద్రిక్తతను అదుపు చేసేందుకు పుత్తూరు పోలీసులు జోక్యం చేసుకుని రెండు చోట్లా జనాన్ని చెదరగొట్టారు.

పోక్సో చట్టం నిబంధనలతో సహా పలు సెక్షన్ల కింద డికె మహిళా పోలీస్ స్టేషన్లో అధికారిక కేసు నమోదైంది. ప్రస్తుతం ఈ ఘటనపై దర్యాప్తు కొనసాగుతోందని, త్వరలోనే మరిన్ని వివరాలు తెలియాల్సి ఉందన్నారు.

(ఏఎన్ఐ, పీటీఐ నుంచి అందిన సమాచారంతో)

Whats_app_banner
జాతీయ, అంతర్జాతీయ తాజా వార్తలను మన తెలుగు హిందుస్తాన్ టైమ్స్ న్యూస్ సైట్‌లోని జాతీయ అంతర్జాతీయ సెక్షన్‌లో చూడవచ్చు.