Jeff Bezos : కాబోయే భార్యకు 5 బిలియన్​ విలువ చేసే ‘గిఫ్ట్’​ ఇచ్చిన అమెజాన్​ బాస్​!

Jeff Bezos new house : అమెజాన్​ బాస్​ జెఫ్​ బెజోజ్​ మరోమారు వార్తల్లో నిలిచారు. అమెరికాలోని ఫ్లోరిడాలో ఇటీవలే ఆయన ఓ మాన్షన్​ కొన్నారు. దీని ధర 68 మిలియన్​ డాలర్లని సమాచారం. ఇండియన్​ కరెన్సీలో అయితే అది రూ. 5,64,10,52,200. కాబోయే భార్యకు ఈ ఇల్లును గిఫ్ట్​ ఇవ్వనున్నట్టు తెలుస్తోంది.

ఐల్యాండ్​లో ఇల్లు..

ప్రపంచ కుబేరుల జాబితాలో జెఫ్​ బెజోజ్​ ప్రస్తుతం మూడో స్థానంలో కొనసాగుతున్నారు. ఆయన నెట్​ వర్త్​ 165బిలియన్​ డాలర్లు. కాగా.. లారెన్​ శాంచెజ్​ అనే మహిళను ఆయన త్వరలోనే పెళ్లి చేసుకోనున్నారు. గత నెలలో వీరి ఎంగేజ్​మెంట్​ జరిగింది. ఈ ఈవెంట్​లో 2.5 మిలియన్​ డాలర్లు విలువ చేసే రింగ్​ను శాంచెజ్​ వేలికి తొడిగారు బెజోజ్​. ఇక ఇప్పుడు ఆయన ఫ్లోరిడాలోని "బిలియనీర్​ బంకర్​" ఎంక్లేవ్​లో ఓ మాన్షన్​ను కొన్నారు. అది శాంచెజ్​ సొంతమని తెలుస్తోంది.

Jeff Bezos net worth : ఫ్లోరిడాలో ఒక మ్యాన్​ మేడ్​ ఐల్యాండ్​ ఉంది. దీనికి సొంతంగా మున్సిపాలిటీ, మేయర్​, పోలీస్​ ఫోర్స్​ వంటివి ఉన్నాయి. బెజోజ్​ కొన్న కొత్త ఇల్లు.. వీటి మధ్యలోనే ఉంది. టామ్​ బ్రాడీ, ఇవాంక ట్రంప్​, జారెడ్​ కుష్నెర్​ వంటి ప్రముఖుల నివాసలు కూడా ఇక్కడే ఉన్నాయి. 2021 జనాభా లెక్కల ప్రకారం ఈ ఐల్యాండ్​లో కేవలం 81మంది మాత్రమే నివాసముంటున్నారు.

ఈ 9,259 స్క్వేర్​ ఫీట్​ మాన్షన్​ను 2.8 ఎకరాల భూమిలో నిర్మించారు. ఎంటీఎం స్టార్​ ఇంటర్నేషనల్​ కార్ప్​ మాజీ మేనేజర్​ టులియా సౌసి డే గొర్రండానా నుంచి జెఫ్​ బెజోజ్​ ఈ ఇంటిని కొన్నారు. 1982లో ఇది 1.4మిలియన్​ డాలర్లకు అమ్ముడుపోయింది. ద్రవ్యోల్బణాన్ని పరిగణలోకి తీసుకుంటే దీని విలువ 4.4 మిలియన్​ డాలర్లుగా ఉంటుంది.

అమెజాన్​ బాస్​ జెఫ్​ బెజోజ్​ ఇంతటితో ఆగేలా లేరని తెలుస్తోంది. సంబంధిత వర్గాల ప్రకారం.. ఈ మ్యాన్​ మేడ్​ ఐలాండ్​లో బెజోజ్​ మరిన్ని ఇళ్లను కొనాలని ప్లాన్​ చేస్తున్నారు. ఇప్పటికే ఒకటి చూసినట్టు, దాని విలువ, తాజాగా కొన్న దానికన్నా చాలా ఎక్కువగా ఉంటుందని సమాచారం.

Jeff Bezos Lauren Sanchez : ఇక ఫ్లోరిడా మాన్షన్​ రాకతో జెఫ్​ బెజోజ్​ రియల్​ ఎస్టేట్​ పోర్ట్​ఫోలియో మరింత పెరిగింది. 2020లో బేవెర్లి హిల్స్​లో 165 మిలియన్​ డాలర్లు విలువ చేసే ఇంటిని కొన్నారు. ఇది వాషింగ్టన్​లోనే అతిపెద్దది! ఇక హవాయిలో 78మిలియన్​ డాలర్లు పెట్టి మరో భవనం కొనుగోలు చేశారు. ఈ 59ఏళ్ల వ్యాపారవేత్తకు మెదినా అనే ప్రాంతంలో 5.3 ఎకరాల ఎస్టేట్​ ఉంది. టెక్సాస్​లో 30ఎకరాల రాంచ్​ కూడా ఉంది. ఇవే కాకుండా బెజోజ్​ రియల్​ ఎస్టేట్​ ఆస్తుల లిస్ట్​ చాలా పెద్దది.