JEE Main 2023 Session 1 exam : నేటి నుంచి జేఈఈ మెయిన్ సెషన్ 1 పరీక్ష
JEE Main 2023 Session 1 exam today : జేఈఈ మెయిన్ సెషన్ 1 పరీక్ష నేడు ప్రారంభంకానుంది. అభ్యర్థులు గుర్తుపెట్టుకోవాల్సిన పలు విషయాలు ఇక్కడ తెలుసుకోండి.
JEE Main 2023 : దేశంలో నేడు 'పరీక్షల సీజన్' అధికారికంగా ప్రారంభంకానుంది. జేఈఈ మెయిన్ 2023 సెషన్ 1 పరీక్ష నేటి నుంచి జరగనుంది. ఇందుకు సంబంధించిన జేఈఈ మెయిన్ అడ్మిట్ కార్డులను ఎన్టీఏ (నేషనల్ టెస్టింగ్ ఏజెన్సీ) ఇప్పటికే విడుదల చేసింది. అభ్యర్థులు.. తమ అడ్మిట్ కార్డులను jeemain.nta.nic.in లో నుంచి డౌన్లోడ్ చేసుకోవచ్చు.
ఈ జేఈఈ మెయిన్ అడ్మిట్ కార్డులో పరీక్ష తేదీ, టైమ్, ఎగ్జామ్ సెంటర్, రోల్ నెంబర్ వంటి వివరాలు ఉంటాయి. అభ్యర్థులు అడ్మిట్ కార్డులో ఇచ్చిన మార్గదర్శకాలను చదివిన తర్వాత పరీక్షకు హాజరుకావడం మంచిది.
జేఈఈ మెయిన్ 2023 సెషన్ 1 గైడ్లైన్స్..
- JEE Main 2023 Guidelines : పరీక్షకు హాజరవుతున్న అభ్యర్థులు చెప్పులు మాత్రమే వేసుకోవాలి. హై హీల్స్ ధరించకూడదు. షూలను వేసుకోకూడదు.
- లాంగ్ స్లీవ్స్తో కూడిన దుస్తులు వెసుకోకూడదు. మతపరమైన దుస్తులకు అనుమతి ఉంది. కానీ చెకింగ్ కోసం ఎగ్జామ్ హాల్కు ఎంత వీలైతే అంత తొందరగా వెళ్లడం బెటర్.
- JEE Main admit card 2023 : జేయియి మెయిన్ సెషన్ 1 పరీక్షకు వెళ్లే ముందు అడ్మిట్ కార్డు, ఫొటో ఐడీ, ఫొటో వంటివి ప్రింటౌట్ తీసుకోవాల్సి ఉంటుంది. ఎగ్జామ్ సెంటర్లో వీటిని చెక్ చేస్తారు.
- ఎగ్జామ్ సెంటర్ లోపలికి.. హ్యాండ్ బ్యాంగ్, ఎలక్ట్రానిక్ గ్యాడ్జెట్స్ వంటి వస్తువలకు అనుమతి లేదు.
- క్యాప్స్, దుపట్ట, సన్గ్లాసెస్ వంటి వస్తువులను తీసుకెళ్లకూడదు. ఎగ్జామ్ కన్స్లో టైమ్ ఉంటుంది. అందువల్ల అభ్యర్థులకు వాచ్లు తీసుకెళ్లాల్సిన అవసరం లేదు.
- JEE Main session 1 admit card : అడ్మిట్ కార్డుకు సంబంధించిన ఫిజికల్ కాపీని తీసుకెళ్లకపోతే.. ఎగ్జామ్ హాల్ లోపలికి అనుమతి ఉండదన్న విషయం అభ్యర్థులు గుర్తుపెట్టుకోవాలి.
జేఈఈ మెయిన్.. రెండు సెషన్స్లో..
ప్రతియేటా జేఈఈ మెయిన్ పరీక్ష.. రెండు సెషన్స్లో జరుగుతుంది. జేఈఈ మెయిన్ 2023 సెషన్ 1 ఇంజినీరింగ్ ఎగ్జామ్ (పేపర్ 1, బీఈ/ బీటెక్) జనవరి 24, 25, 29, 30, 31తో పాటు ఫిబ్రవరిలో జరగనుంది. ఆయా తేదీల్లో రోజుకు రెండు షిఫ్ట్లలో పరీక్షను నిర్వహిస్తారు. ఇక పేపర్ 2, ఆర్కిటెక్చర్ అండ్ ప్లానింగ్ పేపర్ను జనవరి 28న ఒక షిఫ్ట్లో నిర్వహించేందుకు ఏర్పాట్లు చేశారు.
JEE Main exam schedule :జేఈఈ మెయిన్ 2023 సెకెండ్ సెషన్ ఏప్రిల్లో జరుగుతుంది. మొత్తం మీద ఈ పరీక్షను.. ఇంగ్లీష్, హిందీ, అస్సామీ, బెంగాళీ, గుజరాతీ, కన్నడ, మలయాళం, మరాఠీ, ఒడియా, పంజాబ్, తమిళ్, తెలుగు, ఉర్దూ వంటి 13 భాషల్లో నిర్వహిస్తారు.
సంబంధిత కథనం