Chitta Ranjan Dash : ‘ఇప్పటికీ.. ఎప్పటికీ నేను ఆర్​ఎస్​ఎస్​ సభ్యుడినే’- హైకోర్టు జడ్జి!-in farewell speech calcutta hc judge chitta ranjan dash says ready to go back to rss ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Chitta Ranjan Dash : ‘ఇప్పటికీ.. ఎప్పటికీ నేను ఆర్​ఎస్​ఎస్​ సభ్యుడినే’- హైకోర్టు జడ్జి!

Chitta Ranjan Dash : ‘ఇప్పటికీ.. ఎప్పటికీ నేను ఆర్​ఎస్​ఎస్​ సభ్యుడినే’- హైకోర్టు జడ్జి!

Sharath Chitturi HT Telugu
May 21, 2024 11:44 AM IST

Calcutta HC judge Chitta Ranjan Dash : కలకత్తా హైకోర్టు జడ్జిగా సోమవారం రిటైర్​ అయిన జస్టిస్​ చిట్ట రంజన్​ దాస్​.. తాను ఆర్​ఎస్​ఎస్​ సభ్యుడిని అని చెప్పారు. అవసరమైతే.. ఆర్​ఎస్​ఎస్​కు సేవ చేయడానికి సిద్ధమని స్పష్టం చేశారు.

రిటైర్డ్​ జస్టిస్​ చిట్ట రంజన్​ దాస్​..
రిటైర్డ్​ జస్టిస్​ చిట్ట రంజన్​ దాస్​..

Calcutta HC judge Chitta Ranjan Dash RSS : కలకత్తా హైకోర్టు జడ్జీగా సోమవారం రిటైర్​ అయిన జస్టిస్​ చిట్ట రంజన్​ దాస్​.. ఆర్​ఎస్​ఎస్​ (రాష్ట్రీయ స్వయంసేవక్​ సంఘ్​)పై తన ప్రేమను చాటుకున్నారు. 'ఇప్పటికీ, ఎప్పటికీ నేను ఆర్​ఎస్​ఎస్​ సభ్యుడినే. అవసరమైతే ఆర్​ఎస్​ఎస్​లోకి వెళ్లిపోతాను,' అంటూ.. ఇతర న్యాయమూర్తులు, బార్​ సభ్యుల సమక్షంలో చేసిన వీడ్కోలు ప్రసంగంలో వ్యాఖ్యానించారు జస్టిస్​ చిట్ట రంజన్​ దాస్​.

‘ఆర్​ఎస్​ఎస్​ సభ్యుడిని అని చెప్పడానికి గర్వంగా ఉంది’

"నేను ఇప్పుడు చెప్పేది కొందరికి నచ్చకపోవచ్చు. కానీ.. నేను ఇప్పటికీ, ఎప్పటికీ ఆర్​ఎస్​ఎస్​ సభ్యుడినే. ఇప్పుడు రిటైర్​ అవుతున్నాను. నేను చేయగలిగినది ఏమైనా ఉంటే, ఆర్​ఎస్​ఎస్​ నాకు బాధ్యతలు అప్పగిస్తే.. కచ్చితంగా చేస్తాను," అని చెప్పుకొచ్చారు జస్టిస్​ చిట్ట రంజన్​ దాస్​.

ఒడిశా హైకోర్టు నుంచి ట్రాన్స్​ఫర్​ మీద కలకత్తా హైకోర్టుకు వెళ్లిన జస్టిస్​ దాస్​.. సోమవారం రిటైర్​ అయ్యారు.

"నేను ఆర్​ఎస్​ఎస్​కి చాలా రుణపడి ఉన్నాను. నా బాల్యం, యుక్త వయస్సు అంతా అందులోనే గడిపాను. ధైర్యంగా, నిజాయతీగా ఎలా ఉండాలో అక్కడే తెలుసుకున్నాను. వీటన్నింటి కన్నా ముఖ్యమైన.. దేశభక్తి, పని పట్ల నిబద్ధత వంటివి ఆర్​ఎస్​ఎస్​లోనే నేర్చుకున్నాను," అని జస్టిస్​ చిట్ట రంజన్​ దాస్​ తెలిపారు.

Justice Chitta Ranjan Dash RSS : తాను చేస్తున్న వృత్తి వల్ల.. 37ఏళ్ల పాటు ఆర్​ఎస్​ఎస్​కు దూరంగా ఉండాల్సి వచ్చిందని జస్టిస్​ దాస్​ అన్నారు.

"నా కెరీర్​ కోసమో, వ్యక్తిగత అవసరాల కోసమో.. నేను ఆర్​ఎస్​ఎస్​ సభ్యత్వాన్ని ఎప్పుడూ వాడుకోలేదు. అది నా విలువకు విరుద్ధం," అని జస్టిస్​ చిట్ట రంజన్​ దాస్​ తెలిపారు.

"ధనికుడైనా, పేదవాడైనా, కమ్యునిస్ట్​ అయినా, బీజేపీ- కాంగ్రెస్​- తృణమూల్​ కాంగ్రెస్​ అయినా.. నేను అందరిని సమానంగా చూశాను. నాకు అందరు సమానమే. ఎవరి మీదా నాకు వివక్ష లేదు," అని సోమవారం వరకు కలకత్తా హైకోర్టు న్యాయమూర్తిగా పనిచేసిన జస్టిస్​ దాస్​ చెప్పుకొచ్చారు.

న్యాయం కోసం చట్టాలను వంచినా పర్లేదు కానీ.. చట్టాల కోసం న్యాయం తలొగ్గకూడదని జస్టిస్​ దాస్​ అభిప్రాయపడ్డారు.

"నేను జీవితంలో ఎలాంటి తప్పు చేయలేదు. అందుకే.. నేను ఆర్​ఎస్​ఎస్​ సభ్యుడిని అని ధైర్యంగా చెబుతున్నాను. నేను మంచి వాడినైతే.. తప్పుడు వ్యవస్థలో ఉండను," అని చెప్పుకొచ్చారు జస్టిస్​ చిట్ట రంజన్​ దాస్​.

Chitta Ranjan Dash farewell speech : 1962 ఒడిశా సోనీపూర్​లో జన్మించిన జస్టిస్​ చిట్ట రంజన్​ దాస్​.. ఉల్లుండలో చదువుకున్నారు. భువనేశ్వర్​లో ఉన్నత విద్య పూర్తి చేసుకుని.. 1985లో కటక్​ నుంచి లా పట్టా పొందారు.

1986లో న్యాయవాదిగా ఎన్​రోల్​ చేసుకున్న ఆయన.. 1992లో ఒడిశా ప్రభుత్వానికి అడిషనల్​ స్టాండింగ్​ కౌన్సిల్​గా నియమితులయ్యారు. 1994 వరకు ఆ పదవిలో కొనసాగారు. 1999 ఫిబ్రవరిలో ఒడిశా సుపీరియర్​ జ్యుడీషియల్​ సర్వీస్​లో చేరారు. 2009లో ఒడిశా హైకోర్టు అడిషనల్​ జడ్జిగా ప్రమోషన్​ లభించింది. ఇక 2022 జూన్​ 20న.. కలకత్తా హకోర్టు జడ్జిగా బాధ్యతలు తీసుకున్నారు. 2024 మే 20 వరకు ఆ బాధ్యతలను కొనసాగించారు.

టీ20 వరల్డ్ కప్ 2024

సంబంధిత కథనం