Heavy rains alert : నైరుతి రుతుపవనాల ఉపసంహరణ- ఈ ప్రాంతాల్లో భారీ వర్షాలు!

Heavy rains alert : దేశ్యాప్తంగా అనేక రాష్ట్రాల్లో రానున్న రోజుల్లో జోరుగా వర్షాలు పడతాయని భారత వాతావరణశాఖ వెల్లడించింది. ముఖ్యంగా.. శనివారం నాడు బిహార్​, ఝార్ఖండ్​, పశ్చిమ్​ బెంగాల్​లోని హిమాలయ ప్రాంతం, ఈశాన్య భారతంలో భారీ వర్షాలు కురుస్తాయని స్పష్టం చేసింది. అదే సమయంలో. వాయువ్య భారతం నుంచి ఈ నెల 25న నైరుతి రుతపవనాల ఉపసంహరణ ప్రక్రియ మొదలవుతుందని వెల్లడించింది.

సాధారణంగా నైరుతి రుతుపవనాలు జూన్​ 1వ తేదీకి అటు, ఇటుగా కేరళను తాకుతాయి. అనంతరం ఇండియావ్యాప్తంగా విస్తరిస్తాయి. ఆ తర్వాత.. సెప్టెంబర్​ 17కు అటు, ఇటుగా.. వాయువ్య భారతం నుంచి ఉపసంహరణ ప్రక్రియ మొదలవుతుంది. అక్టోబర్​ 15 నాటికి ఈ ప్రక్రియ పూర్తవుతుంది.

ఈ ఏడాది రుతుపవనాల కారణంగా దేశవ్యాప్తంగా 780.3ఎంఎం వర్షపాతం నమోదైంది. గత కొన్నేళ్లుగా చూసుకుంటే.. ఈ సంఖ్య సాధారణంగా ఇది 832.4ఎంఎంగా ఉంటుంది. ఎల్​పీఏ (లాంగ్​ పీరియడ్​ యావరేజ్​)లో 94-106శాతం మధ్యలో వర్షపాతం నమోదైతే.. దానిని సాధారణంగా గుర్తిస్తారు.

వివిధ రాష్ట్రాలపై వర్షాల ప్రభావం ఇలా..

Telangana rain alert : తెలంగాణకు యెల్లో అలర్ట్​ జారీ చేసింది ఐఎండీ. శనివారం నాడు రాష్ట్రంలోని ఉత్తర, ఈశాన్య ప్రాంతాల్లో భారీ వర్షాలు పడతాయని హెచ్చరించింది. మంచిర్యాల, కామారెడ్డి, నిజామాబాద్​, నిర్మల్​, జయ్​శంకర్​ భూపాలపల్లి, ములుగు ప్రాంతాలకు ఈ సూచనలు ఇచ్చింది. ఇక తెలంగాణవ్యాప్తంగా తేలికపాటి, మోస్తరు వర్షాలు కురవొచ్చని చెప్పింది. రాయలసీమలో కూడా శనివారం అక్కడక్కడ వర్షాలు పడొచ్చు.

దేశ రాజధాని దిల్లీలో శనివారం.. వాతావరణం చల్లగా ఉంటుంది. తేలికపాటి వర్షం పడే సూచనలు ఉన్నాయి.

Southwest monsoon retreat : కోల్​కతాలో మాత్రం గత కొన్ని రోజులుగా జోరుగా వానలు పడుతున్నాయి. 24 గంటల వ్యవధిలో నగరంలో 21.8ఎంఎం వర్షపాతం నమోదైంది. శుక్రవారం నాడు అనేక లోతట్టు ప్రాంతాలు జలమయం అయ్యాయి.