Queen Elizabeth funeral : క్వీన్​ ఎలిజబెత్​ అంత్యక్రియలకు ఇంత భారీగా ఖర్చు చేశారా!

Cost of Queen Elizabeth funeral : క్వీన్​ ఎలిజబెత్​ అంత్యక్రియల కోసం ఎంత ఖర్చు చేశారు? ఈ ఖర్చుల భారం బ్రిటన్​ ట్యాక్స్​పేయర్స్​దేనా? లేక రాజ కుటుంబం ఏమైనా చెల్లిస్తుందా? ఈ ప్రశ్నలకు ప్రస్తుతం ఎవరి దగ్గర సమాధానం లేదు. వీటిపై బ్రిటన్​ ప్రభుత్వం ఇంకా స్పందించనూ లేదు. అయితే.. క్వీన్​ ఎలిజబెత్​ 11 రోజుల అంత్యక్రియల కార్యకలాపాల కోసం 10మిలియన్​ పౌండ్ల ఖర్చు జరిగి ఉంటుందని అంచనాలు వెలువడుతున్నాయి. ఇండియా కరెన్సీతో పోల్చుకుంటే అది.. రూ. 90,72,05,300

ఎందుకింత ఖర్చు?

క్వీన్​ ఎలిజబెత్​ అంత్యక్రియల కోసం ప్రపంచవ్యాప్తంగా దేశాధినేతలు బ్రిటన్​కు వెళ్లారు. వారందరు ఆమెకు నివాళుల్పించారు. ఇండియా నుంచి రాష్ట్రపతి ద్రౌపది ముర్ము సైతం యూకేకు వెళ్లారు. వీరితో పాటు అనేకమంది ప్రముఖులు బ్రిటన్​కు వెళ్లి రాజ కుటుంబానికి సానుభూతి తెలిపారు. క్వీన్​ ఎలిజబెత్​ అంత్యక్రియల్లోని కార్యక్రమాలకు అయ్యే ఖర్చులు ఒక ఎత్తు అయితే.. వీరందరికి వసతి, భద్రతను కల్పించేందుకు అయ్యే డబ్బు మరో ఎత్తు. అందుకే అంత భారీగా ఖర్చు అయ్యుంటుందని అంచనాలు వెలువడుతున్నాయి.

Queen Elizabeth funeral : బ్రిటన్​లో ఓ వ్యక్తికి అధికార లాంఛనాలతో అంత్యక్రియలు జరుగుతుండటం.. 60ఏళ్లల్లో ఇదే తొలిసారి! చివరిగా 1965లో విన్​స్టన్​ చర్చిల్​ అంత్యక్రియలు ప్రభుత్వ లాంఛనాలతో జరిగాయి.

అయితే.. 2002లో క్వీన్​ ఎలిజబెత్​ తల్లి అంత్యక్రియలు నిర్వహించారు. అప్పుడు 5.4మిలియన్​ పౌండ్ల ఖర్చు అయ్యింది. ఆ ఖర్చులో సగం క్వీన్​ ఎలిజబెత్​ ఇచ్చారు. ఈసారి అలా జరగకపోవచ్చు ని బ్రిటన్​ మీడియా సంస్థలు భావిస్తున్నాయి. క్వీన్​ ఎలిజబెత్​ అంత్యక్రియలకు అయ్యే ఖర్చులన్నీ బ్రిటన్​లోని పన్నుచెల్లింపుదారులే పెట్టుకుంటారని అభిప్రాయపడుతున్నాయి.

ఇంత భారీ ఖర్చుల గురించి పట్టించుకోవద్దని పలువురు బ్రిటన్​వాసులు అభిప్రాయపడుతుండటం గమనార్హం. తమ రాణి అంత్యక్రియలకు ఎంతైనా ఖర్చు చేస్తామని వారు చెబుతున్నారు. ఇది దేశ గౌరవానికి సంబంధించిన విషయమని అంటున్నారు.

Queen Elizabeth funeral time : కాగా.. క్వీన్​ ఎలిజబెత్​ అంత్యక్రియలకు అయ్యే ఖర్చులపై ఓ మాజీ రాయల్​ సెక్యూరిటీ ఆఫీసర్​ స్పందించారు. 7.5మిలియన్​ డాలర్లు (రూ.59,78,58,000) ఖర్చు అవుతుందని అంచనా వేశారు. ఇదే నిజమైతే.. బ్రిటన్​ చరిత్రలోనే అతి భారీ, అత్యంత ఖరీదైన కార్యక్రమం ఇదే అవుతుందని ఆయన అభిప్రాయపడ్డారు.

"2011లో ప్రిన్స్​ ఆఫ్​ వేల్స్​ వివాహం జరిగింది. చాలా ఖర్చు చేశారు. కానీ క్వీన్​ ఎలిజబెత్​ అంత్యక్రియలతో పోల్చుకుంటే.. ఆ ఖర్చులు చాలా తక్కువ," అని ఆ అధికారులు అన్నారు.

Queen Elizabeth death : కాగా.. క్వీన్​ ఎలిజబెత్​ అంత్యక్రియలకు అయ్యే ఖర్చుల గురించి ప్రభుత్వం ఇప్పటివరకు ఎలాంటి వివరణ ఇవ్వలేదు. భవిష్యత్తులో వివరణ ఇస్తుంది అని ఎవరికి నమ్మకం లేదు.