Israel war : హమాస్​ ఉగ్రవాదులు నగ్నంగా ఊరేగించిన మహిళ మృతి

Shani Louk death : ఇజ్రాయెల్​పై దండయాత్ర చేసిన అనంతరం.. హమాస్​ ఉగ్రవాదులు, ఓ మహిళను కిడ్నాప్​ చేసి, నగ్నంగా రోడ్లపై ఊరేగించారు. అప్పట్లో ఈ వార్త సంచలనం సృష్టించింది. కాగా.. ఈ ఘటనలో బాధితురాలి మృతిచెందినట్టు, ఆమె కుటుంబం తాజాగా ప్రకటించింది.

ఇదీ జరిగింది..

జర్మనీకి చెందిన షానీ లౌక్​ అనే మహిళ.. మ్యూజిక్​ ఫెస్టివల్​లో పాల్గొనేందుకు ఇజ్రాయెల్​కు వెళ్లింది. అక్టోబర్​ 7న ఈ ఈవెంట్​ జరిగింది. సరిగ్గా అదే సమయంలో.. ఇజ్రాయెల్​పై యుద్ధం ప్రకటిస్తూ.. 5వేలకుపైగా రాకెట్లతో విరుచుకుపడింది హమాస్​ బృందం. ఆ వెంటనే.. సరిహద్దులను దాటుకొచ్చి, ఇజ్రాయెల్​ వీధుల్లో బీభత్సం సృష్టించారు. మ్యూజుక్​ ఫెస్టివల్​లోకి ప్రవేశించి, హింసను రేకెత్తించారు. ఒక్కొక్కరినీ కాల్చుకుంటూ వెళ్లారు. కాగా.. అదే సమయంలో షానీ లౌక్​ని ఉగ్రవాదులు కిడ్నాప్​ చేశారు. ఆ తర్వాత.. ఆమెను నగ్నంగా చేసి, ట్రక్​లో వీధుల్లో ఊరేగించారు. ఈ వీడియో సోషల్​ మీడియాలో వైరల్​గా మారింది. ప్రపంచ దేశాలు, హమాస్​పై తమ ఆగ్రహాన్ని వ్యక్తం చేశాయి.

Shani Louk latest news : కాగా.. షానీ లౌక్​ బతికే ఉందా? లేదా? అన్ని విషయంపై ఆ వీడియోలో స్పష్టత రాలేదు. తన బిడ్డను కాపాడాలని షానీ లౌక్​ తల్లి రికార్డ.. ప్రపంచ దేశాలను వేడుకున్నారు. సోషల్​ మీడియాలోకి వచ్చి అభ్యర్థనలు చేశారు. కొన్ని గంటల తర్వాత.. మరో అప్డేట్​ ఇచ్చారు. "షానీ లౌక్​కు తీవ్రంగా గాయాలయ్యాయి. గాజాలోని ఓ ఆసుపత్రిలో ఆమెకు చికిత్స ఇస్తున్నారని తెలిసింది," అని పోస్ట్​ చేశారు.

షానీ లౌక్​ సురక్షితంగా ఉండాలని, గాయాల నుంచి కోలుకోవాలని ప్రపంచవ్యాప్తంగా ప్రజలు ప్రార్థనలు చేశారు. కానీ ఈ ప్రార్థనలు ఫలించలేదు. షానీ లౌక్​ మృతదేహాన్ని గుర్తించినట్టు, పోలీసులు.. ఆమె కుటుంబానికి సమాచారం అందించారు.

Israel Palestine war : "నా సోదరి మరణించిందని చెప్పడం చాలా బాధగా ఉంది. పోలీసులు ఆమెను కనుగొన్నారు. ఆమెను గుర్తించారు. ఆమె మరణించింది," అని షానీ లౌక్​ సోదరి.. ట్విట్టర్​లో పోస్ట్​ చేసింది.

షానీ లౌక్​కు జర్మన్ పౌరసత్వంతో పాటు ఇజ్రాయెల్​ సిటీజెన్​షిప్​ కూడా ఉన్నట్టు తెలుస్తోంది. మీడియా కథనాల ప్రకారం.. ఆమె ఎప్పుడూ జర్మనీలో నివాసం ఉండలేదు. బంధువులను చూసేందుకు మాత్రమే వెళ్లేది. ఆమె తల్లికి జర్మన్​ మూలలు ఉన్నాయి. చాలా కాలం క్రితం, ఆమె తన కుటుంబంతో కలిసి ఇజ్రాయెల్​కు వలస వచ్చేసింది.