Delhi Girl raped : 19ఏళ్ల యువతిపై ‘ఇన్​స్టాగ్రామ్​ ఫ్రెండ్​​’ అత్యాచారం.. ఏడాదిగా!-delhi girl 19 raped by gurugram based instagram friend for a year police ,జాతీయ - అంతర్జాతీయ న్యూస్
తెలుగు న్యూస్  /  National International  /  Delhi Girl, 19, Raped By Gurugram-based Instagram Friend For A Year: Police

Delhi Girl raped : 19ఏళ్ల యువతిపై ‘ఇన్​స్టాగ్రామ్​ ఫ్రెండ్​​’ అత్యాచారం.. ఏడాదిగా!

Sharath Chitturi HT Telugu
Feb 24, 2023 09:53 AM IST

Delhi Girl raped : ఇన్​స్టాగ్రామ్​లో పరిచయమైన ఓ వ్యక్తిని నమ్మింది ఆ యువతి. అదే ఆమె చేసిన నేరం! ఆమెను లొంగదీసుకుని, ఏడాదిగా అత్యాచారానికి పాల్పడుతున్నాడు ఆ వ్యక్తి. ఇందుకు సంబంధించి గురుగ్రామ్​లో కేసు నమోదైంది.

19ఏళ్ల యువతిపై ‘ఇన్​స్టాగ్రామ్​ ఫ్రెండ్​​’ అత్యాచారం..
19ఏళ్ల యువతిపై ‘ఇన్​స్టాగ్రామ్​ ఫ్రెండ్​​’ అత్యాచారం..

Delhi Girl raped : గురుగ్రామ్​లో దారుణ ఘటన వెలుగులోకి వచ్చింది. ఢిల్లీకి చెందిన ఓ యువతిపై.. తన ఇన్​స్టాగ్రామ్​ ఫ్రెండ్​ ఏడాదిగా అత్యాచారానికి పాల్పడుతున్నాడు. తన స్నేహితులతో కూడా సెక్స్​ చేయాలని అతను డిమాండ్​ చేస్తుండటంతో, చివరికి ఆ యువతి, పోలీసులను ఆశ్రయించింది.

ట్రెండింగ్ వార్తలు

మైనర్​గా ఉన్నప్పటి నుంచే..!

సంబంధిత బాలిక ఢిల్లీలో నివాసముంటోంది. కాగా 2020లో, మైనర్​గా ఉన్నప్పుడు.. ఆమెకు అభిషేక్​ అనే వ్యక్తి ఇన్​స్టాగ్రామ్​లో పరిచయం అయ్యాడు. కొన్ని రోజుల తర్వాత వీరిద్దరు గురుగ్రామ్​లోని ఓ పార్కులో తొలిసారి కలిశారు.

Gurugram rape case : 2021 సెప్టెంబర్​లో అభిషేక్​ను ఆ యువతి మళ్లీ కలిసింది. గురుగ్రామ్​లోని ఎంజీఎఫ్​ మాల్​ ఇందుకు వేదికైంది. అక్కడి నుంచి ఆమెను ఓ గెస్ట్​ హౌజ్​కి తీసుకెళ్లాడు అభిషేక్​. అక్కడే ఆమెపై అత్యాచారానికి ఒడిగట్టాడు. ఆ దృశ్యాలను వీడియో తీసి బ్లాక్​మెయిల్​ చేయడం మొదలుపెట్టినట్టు తెలుస్తోంది.

అప్పటి నుంచి ఆ యువతిని అభిషేక్​ లొంగదీసుకున్నాడు. బెదిరింపులకు పాల్పడి.. ఏడాది కాలంగా ఆమెపై అత్యాచారానికి ఒడిగడుతున్నాడు.

స్నేహితులతో కూడా..!

Instagram friend rapes Delhi girl : ఇటీవలే అభిషేక్​ మరో దారుణానికి ఒడిగట్టేందుకు ప్రయత్నించాడు. తన స్నేహితులతో కూడా పడుకోవాలని, లేకపోతే వీడియోలు లీక్​ చేస్తానని, చంపేస్తానని బెదిరించాడు. ఆ యువతి విలవిలలాడిపోయింది. ఇక అతని వేధింపులు తట్టుకోలేక.. పోలీసులను ఆశ్రయించింది. గురుగ్రామ్​ డీఎల్​ఎఫ్​ ఫేజ్​ 2 పోలీస్​ స్టేషన్​లో ఫిర్యాదు చేసింది. ఘటనపై సెక్షన్​ 506 కింద కేసు నమోదు చేసుకున్నారు పోలీసులు. యువతిని వైద్య పరీక్షల కోసం ఆసుపత్రికి తరలించి, అక్కడి నుంచి ఆమె స్టేట్​మెంట్​ కోసం కోర్టుకు తీసుకెళ్లారు.

మరోవైపు నిందితుడు పరారీలో ఉన్నట్టు తెలుస్తోంది. అతడిని పట్టుకునేందుకు పోలీసులు.. సంబంధిత ప్రాంతాల్లో రైడ్​లు నిర్వహిస్తున్నారు. నిందితుడిని అరెస్ట్​ చేసేందుకు అన్ని విధాలుగా ప్రయత్నిస్తామని బాధిత కుటుంబానికి హామీనిచ్చారు.

14ఏళ్ల బాలికపై..

Uttar Pradesh rape case : దేశంలో మహిళలు, బాలికలపై అత్యాచార ఘటనలు రోజురోజుకు పెరిగిపోతున్నాయి. ముఖ్యంగా ఉత్తర్​ ప్రదేశ్​లో పరిస్థితులు ఆందోళనకరంగా ఉన్నాయి. ఓ 14ఏళ్ల బాలికను అపహరించి, అత్యాచారానికి పాల్పడిన ఘటన.. తాజాగా నాగ్రా ప్రాంతంలో కలకలం సృష్టించింది.

బాలిక కనిపించడం లేదన్న ఫిర్యాదుపై స్పందించిన పోలీసులు.. దర్యాప్తును ముమ్మరం చేసి కొన్ని గంటల్లోనే నిందితుడిని పట్టుకున్నారు. 21ఏళ్ల హరికేశ్​.. అప్పటికే బాలికపై అఘాయిత్యానికి ఒడిగట్టాడు.

UP minor girl raped : ఘటనపై పోక్సోతో పాటు సంబంధిత సెక్షన్​ల కింద కేసు నమోదు చేసుకున్నారు పోలీసులు.

WhatsApp channel