Instagram nudity protection feature : ఇన్​స్టాగ్రామ్​లో కొత్త ఫీచర్​.. ఇక ఆ ఫొటోల నుంచి రక్షణ​!​-instagram to bring nudity protection feature to shield users from lewd dms ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Instagram Nudity Protection Feature : ఇన్​స్టాగ్రామ్​లో కొత్త ఫీచర్​.. ఇక ఆ ఫొటోల నుంచి రక్షణ​!​

Instagram nudity protection feature : ఇన్​స్టాగ్రామ్​లో కొత్త ఫీచర్​.. ఇక ఆ ఫొటోల నుంచి రక్షణ​!​

Sharath Chitturi HT Telugu
Sep 25, 2022 02:16 PM IST

Instagram nudity protection feature : ఇన్​స్టాగ్రామ్​లో మెసేజ్​ సెక్షన్​లో లైంగిక, అసభ్యకరమైన ఫొటోలతో యూజర్లు ఇబ్బంది పడుతున్నారు. దీనికి చెక్​ పెట్టేందుకు.. సరికొత్త ఫీచర్​ను ఇన్​స్టాగ్రామ్​ తీసుకొస్తోందని తెలుస్తోంది.

ఇన్​స్టాగ్రామ్​లో కొత్త ఫీచర్​.. ఇక ఆ ఫొటోలకు చెక్​!​
ఇన్​స్టాగ్రామ్​లో కొత్త ఫీచర్​.. ఇక ఆ ఫొటోలకు చెక్​!​ (Photo by Claudio Schwarz on Unsplash)

Instagram nudity protection feature : వినియోగదారులకు 'సైబ్​ఫ్లాషింగ్​' నుంచి మరింత రక్షణ కల్పించే దిశగా ఇన్​స్టాగ్రామ్​ కృషిచేస్తున్నట్టు నివేదికలు వచ్చాయి. ఈ మేరకు కొత్త ఫీచర్​ను ఇన్​స్టాగ్రామ్​ పరీక్షిస్తున్నట్టు తెలుస్తోంది. ఈ 'న్యూడిటీ ప్రొటెక్షన్​' ఫీచర్.. లైంగిక, అసభ్యకరమైన ఫొటోలు యూజర్ల ఇన్​బాక్స్​లోకి చేరకుండా ఉపయోగపడుతుందని సమాచారం.

ఆన్​లైన్​లో అసభ్యకర, లైంగికపరమైన ఫొటోలను పంపించి, వేధించడాన్ని సైబర్​ ఫ్లాషింగ్​ అంటారు. ఇన్​స్టాగ్రామ్​లో ఈ మధ్య కాలంలో ఇవి చాలా పెరిగిపోయాయి. ముఖ్యంగా మహిళలకు ఇలాంటి చేదు అనుభవాలు ఎదురవుతున్నాయి. ఇలాంటి ఘటననలు అడ్డుకునేందుకు ఇన్​బాక్స్​లోకి వచ్చే మెసేజ్​లను ఆటోమెటిక్​గా ఫిల్టర్​ చేసే దిశగా కొత్త ఫీచర్​ను తీసుకొచ్చేందుకు ఇన్​స్టాగ్రామ్​ ప్రయత్నిస్తోంది. న్యూడ్​ ఫొటోలు, అసభ్యకర మెసేజ్​ల నుంచి యూజర్లను రక్షించేందుకు మెషిన్​ లర్నింగ్​ సాయాన్ని ఇన్​స్టాగ్రామ్​ తీసుకుంటున్నట్టు నివేదిక పేర్కొంది.

Instagram new feature : ఇన్​స్టాగ్రామ్​ ఓనర్​ సంస్థ 'మెటా' డెవలపర్​ అలెస్సాండ్రో పౌజి.. ఈ కొత్త ఫీచర్​కు సంబంధించి ఓ ట్వీట్​ చేశారు. "ఛాట్​లో న్యూడిటీ నుంచి రక్షణ కల్పించే ఫీచర్​పై ఇన్​స్టాగ్రామ్​ పనిచేస్తోంది. ఫొటోలను ఇన్​స్టాగ్రామ్​ యాక్సెస్​ చేయలేదు. కానీ న్యూడిటీతో కూడిన ఫొటోలను అడ్డుకుంటుంది," అని రాసుకొచ్చారు.

మెటా ప్రతినిధి కూడా ఈ ఇన్​స్టాగ్రామ్​ కొత్త ఫీచర్​పై స్పందించారు. “నిపుణులతో కలిసి.. ప్రజల గోప్యతకు భంగం కలగకుండా.. ఈ కొత్త ఫీచర్​ను తీసుకొచ్చేందుకు ప్రయత్నిస్తున్నట్టు వెల్లడించారు. అయితే.. ఇది ఇంకా అభివృద్ధి దశలోనే ఉందని, ఇది అందుబాటులోకే వస్తే.. ఎనేబుల్​, డిజేబుల్​ చేసుకునే వెసులుబాటు యూజర్లకు ఇస్తాము,” స్పష్టం చేశారు.

Instagram latest features : ఇన్​స్టాగ్రామ్​లో పేరెంట్స్​ కంట్రోల్​ ఫీచర్​.. ఇటీవలే అందుబాటులోకి వచ్చింది. ఈ ఫీచర్​కు సంబంధించిన పూర్తి వివరాల కోసం ఇక్కడ క్లిక్​ చేయండి.

వీటితో పాటు.. ‘రీపోస్ట్​’ ఫీచర్​పైనా ఇన్​స్టాగ్రామ్​ కసరత్తులు చేస్తున్నట్టు తెలుస్తోంది.

WhatsApp channel

సంబంధిత కథనం