LPG gas price | గుడ్​ న్యూస్​.. తగ్గిన వంట గ్యాస్​ ధర

LPG gas price | దేశప్రజలకు మరో గుడ్​ న్యూస్​ అందింది! వంట గ్యాస్​ ధర తగ్గింది. 19కేజీల వాణిజ్య ఎల్​పీజీ సిలిండర్​పై రూ. 135 తగ్గిస్తున్నట్టు ఓఎంసీ(ఆయిల్​ మార్కెటింగ్​ కంపెనీ) ప్రకటించింది. తాజా ధరలు నేటి నుంచే అమల్లోకి వచ్చాయి.

తాజా తగ్గింపుతో.. దేశ రాజధాని ఢిల్లీలో 19కేజీల ఎల్​పీజీ సిలిండర్​.. రూ. 2219కు చేరింది. అంతకుముందు ఈ ధర రూ. 2355.50గా ఉండేది. ముంబైలో ఎల్​పీజీ ధర రూ. 2,171.50గా ఉంది.

మరోవైపు ఢిల్లీలో 14.2కేజీ ఎల్​పీజీ సిలిండర్​ ధర రూ. 1,003గా ఉంది. ప్రధానమంత్రి ఉజ్వల్​ యోజన లబ్ధిదారులకు రూ. 200 సబ్సిడీ లభిస్తోంది. ఫలితంగా ధర రూ. 803గా ఉంటుంది.

ద్రవ్యోల్పణంతో ఉక్కిరిబిక్కిరి అవుతున్న ప్రజలకు ఇది గుడ్​న్యూస్​. ఇప్పటికే ప్రెట్రోల్​, డీజిల్​ ధరలను ప్రభుత్వం తగ్గించిన విషయం తెలిసిందే.