CBSE sample papers 2025 : సీబీఎస్​ఈ విద్యార్థులకు అలర్ట్​- క్లాస్​ 10, 12 శాంపిల్​ పేపర్స్​ విడుదల..

10, 12వ తరగతి శాంపిల్​ (నమూనా) పేపర్లను విడుదల చేసింది సెంట్రల్ బోర్డ్ ఆఫ్ సెకండరీ ఎడ్యుకేషన్ సీబీఎస్ఈ. ప్రస్తుత 2024-25 విద్యాసంవత్సరానికి సంబంధించి 10, 12 తరగతుల నమూనా ప్రశ్నపత్రాలు cbseacademic.nic.in సీబీఎస్ఈ అకడమిక్ అధికారిక వెబ్సైట్​లో అభ్యర్థులకు అందుబాటులో ఉన్నాయి.

పాఠ్యప్రణాళిక ఏకరూపత (యూనిఫార్మిటీ), సరైన కవరేజీని నిర్ధారించడానికి ఒక మార్గదర్శిగా పనిచేయడానికి ఈ శాంపిల్​ పేపర్లను బోర్డు ప్రతియేటా విడుదల చేస్తుంది. 10,12 తరగతుల కోసం నమూనా ప్రశ్నపత్రాలతో (ఎస్​క్యూపీలు) పాటు మార్కింగ్ స్కీమ్స్ (ఎంఎస్) ని కూడా జారీ చేస్తుంది.

క్వశ్చన్​ పేపర్​ ఎలా ఉండబోతోంది? అన్న విషయంపై అంచనా వేసేందుకు ఈ సీబీఎస్​ఈ శాంపిల్​ పేపర్లు విద్యార్థులకు ఉపయోగపడతాయి. క్లాస్​రూమ్​లో నేర్చుకున్న అంశాలను రియల్​ లైఫ్​లో అప్లై చేసేందుకు వీలును కల్పిస్తాయి.

10వ తరగతి నమూనా పేపర్లను డౌన్​లోడ్ చేసుకోవడానికి డైరెక్ట్​ లింక్ కోసం ఇక్కడ క్లిక్​ చేయండి.

సీబీఎస్ ఈ 10, 12వ తరగతి నమూనా పేపర్లను డౌన్ లోడ్ చేసుకోవడానికి డైరెక్ట్ లింక్ కోసం ఇక్కడ క్లిక్​ చేయండి.

సీబీఎస్ ఈ 10, 12వ తరగతి నమూనా పేపర్లను డౌన్​లోడ్ చేసుకోవడానికి విద్యార్థులు ఈ క్రింది సరళమైన దశలను అనుసరించవచ్చు..

• cbseacademic.nic.in వద్ద సీబీఎస్ఈ అకాడమిక్ అధికారిక వెబ్సైట్​ని సందర్శించండి.
• హోమ్ పేజీలో అందుబాటులో ఉన్న సీబీఎస్ఈ 10వ తరగతి, 12 శాంపిల్ పేపర్స్ 2025 లింక్​పై క్లిక్ చేయండి.
• 10వ తరగతి, 12వ తరగతి నమూనా పేపర్ల లింకులను జత చేసిన చోట కొత్త పీడీఎఫ్ ఫైల్ ఓపెన్ అవుతుంది.
• ఆ లింక్స్​పై క్లిక్ చేస్తే స్క్రీన్​పై శాంపిల్ పేపర్ కనిపిస్తుంది.
• ఇప్పుడు మీరు శాంపిల్ పేపర్ చెక్ చేయాలనుకుంటున్న సబ్జెక్టుపై క్లిక్ చేయండి.
• ఇది పూర్తయిన తర్వాత, పేజీని డౌన్​లోడ్ చేయండి. తదుపరి అవసరాల కోసం దాని హార్డ్ కాపీని తీసుపెట్టుకోండి.

ఇదిలా ఉండగా, 2025 సీబీఎస్ఈ క్లాస్​ 10, 12 పరీక్షలకు అభ్యర్థుల జాబితా సమర్పణను ప్రారంభించింది. పరీక్షా సంఘం వెబ్సైట్​లో 2024 సెప్టెంబర్ 5న డేటా సమర్పణ ప్రారంభమైంది. 2025లో 10, 12 వ తరగతి బోర్డు పరీక్షకు హాజరయ్యేందుకు విద్యార్థులను మాత్రమే అనుమతిస్తారు. వారి పేర్లను ఎల్ఓసీ సమర్పించే ఆన్​లైన్ ప్రక్రియ ద్వారా సమర్పించాల్సి ఉంటుంది. మరిన్ని వివరాలకు అభ్యర్థులు సీబీఎస్ఈ అధికారిక వెబ్సైట్​ని చూడవచ్చు.

ఈ ఏడాది.. సీబీఎస్​ఈ ప్రాక్టికల్​ పరీక్షలు ఫిబ్రవరి మొదలైన మార్చ్​లో ముగిశాయి. అనంతరం సీబీఎస్​ఈ క్లాస్​ 10, సీబీఎస్​ఈ క్లాస్​ 12 పరీక్షలు జరిగాయి. ఆ తర్వాత మే నెలలో ఫలితాలు వెలువడ్డాయి. వచ్చే ఏడాది సీబీఎస్​ఈ పరీక్షల షెడ్యూల్​, ఫలితాలకు సంబంధించిన డేట్​లను బోర్డు ఇంకా ప్రకటించలేదు. కొన్ని రోజుల తర్వాత వీటిపై ఒక అప్డేట్​ వచ్చే అవకాశం ఉంది.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్​లో అందుబాటులో ఉంది. ఎడ్జ్యుకేషన్​కి సంబంధించిన అప్డేట్స్​ తెలుసుకునేందుకు వాట్సాప్​లో హెచ్​టీ తెలుగు ఛానెల్​ని ఇప్పుడే ఫాలో అవ్వండి.