Air India : ముంబై- బెంగళూరు మధ్య మరిన్ని విమాన సేవలు!-air india introduces new flights on mumbai bengaluru route all you need to know ,జాతీయ - అంతర్జాతీయ న్యూస్
తెలుగు న్యూస్  /  National International  /  Air India Introduces New Flights On Mumbai Bengaluru Route. All You Need To Know

Air India : ముంబై- బెంగళూరు మధ్య మరిన్ని విమాన సేవలు!

Sharath Chitturi HT Telugu
Aug 21, 2022 02:51 PM IST

Air India flights Mumbai to Bengaluru : రద్దీ ప్రదేశాలైన ముంబై- బెంగళూరు మధ్య మరిన్ని విమాన సేవలను తీసుకొచ్చింది ఎయిర్​ ఇండియా. ఆ వివరాలు..

ముంబై- బెంగళూరు మధ్య మరిన్ని విమాన సేవలు..
ముంబై- బెంగళూరు మధ్య మరిన్ని విమాన సేవలు.. (HT_PRINT)

Air India flights Mumbai to Bengaluru : ముంబై- బెంగళూరు మధ్య అదనపు విమాన సేవలను ప్రారంభించింది ఎయిర్​ ఇండియా. టాటా సంస్థ.. ఎయిర్​ ఇండియాను దక్కించుకున్న తర్వాత.. ఒక రూట్​లో అదనపు విమాన సేవలను అందించడం ఇదే తొలిసారి. ఎయిర్​ ఇండియా తాజా నిర్ణయంతో.. ముంబై బెంగళూరు మధ్య ఆ సంస్థ మొత్తం మీద నాలుగు విమానాలను నడుపుతుంది.

ట్రెండింగ్ వార్తలు

రద్దీ ప్రదేశాలైన ముంబై- బెంగళూరులో నివాసముంటున్న వారికి ఇది ఉపశమనాన్ని కలిగించే విషయమే!

"ముంబై- బెంగళూరు మధ్య ప్రయాణించేందుకు మరిన్ని ఆప్షన్లు వచ్చేశాయి. ఈ నెల 20 నుంచి ఈ రూట్​లో మరిన్ని విమాన సేవలను అందిస్తున్నాము. మొత్తం మీద నాలుగు విమానాల నుంచి మీ ఎంపిక చేసుకోవచ్చు. మరింత సౌకర్యంగా, మరింత వెసులుబాటుతో విమానాలను ఎంపిక చేసుకోండి," అని ఎయిర్​ ఇండియా.. ట్వీట్​ చేసింది.

24 అదనపు విమానాలను నడిపేందుకు ఎయిర్​ ఇండియా తీసుకున్న నిర్ణయంలో ముంబై- బెంగళూరు మార్గం ఒకటి. ఈ 24 విమానాలు కూడా ఈ నెల 20నే మొదలయ్యాయి.

Mumbai Bengaluru flights : పుణె- అహ్మదాబాద్​ మధ్య విమాన సేవలను సైతం శనివారమే ప్రారంభించింది ఎయిర్​ ఇండియా. కొవిడ్​ సంక్షోభం కారణంగా నేల మీదే ఉండిపోయిన విమానాలకు మరమ్మత్తులు చేసి రంగంలోకి దింపింది ఆ సంస్థ.

"విమాన సేవలను తిరిగి పూర్తి స్థాయిలో తీసుకొచ్చేందుకు.. ఆరు నెలలుగా ఎయిర్​ ఇండియా కృషి చేస్తోంది. మా శ్రమకు ప్రతిఫలం దక్కుతుండటం సంతోషకరం," అని ఎయిర్​ ఇండియా సీఈఓ కాంప్​బెల్​ విల్సన్​ తెలిపారు.

ప్రస్తుతం.. ఎయిర్​ ఇండియాకు మొత్తం మీద 70 విమానాలు ఉన్నాయి. వీటిల్లో 54 ప్రస్తుతం పని చేస్తున్నాయి. మిగిలిన 16 విమానాలను.. 2023 నాటికి సర్వీసులోకి తీసుకొచ్చేందుకు ఆ సంస్థ ప్రయత్నిస్తోంది.

WhatsApp channel

సంబంధిత కథనం