Crime news : 16ఏళ్ల స్నేహితుడిని నడిరోడ్డు మీద కిరాతకంగా చంపిన 15ఏళ్ల బాలుడు.. కారణం ఒక అమ్మాయి!

గురుగ్రామ్​లో అత్యంత దారుణ ఘటన వెలుగులోకి వచ్చింది. ఓ 16ఏళ్ల బాలుడిని ఓ 15ఏళ్ల బాలుడు రోడ్డు మీద కిరాతకంగా చంపేశాడు. తన ఎక్స్​ గర్ల్​ఫ్రెండ్​తో ఆ వ్యక్తి చాటింగ్​ చేస్తుండటమే ఇందుకు కారణం!

ఇదీ జరిగింది..

ఆ 16ఏళ్ల బాలుడు, 15ఏళ్ల బాలుడు రెండేళ్లుగా ఇన్​స్టాగ్రామ్​లో ఫ్రెండ్స్​. వీరు మధ్యప్రదేశ్​కి చెందినవారు. కాగా వీరిద్దరు సెక్టార్​ 39లోని ఝార్సా సెక్టార్​లో నివాసముంటున్నారు.

3 నెలల క్రితం వీరిద్దరి మధ్య తొలిసారి విభేదాలు వచ్చాయి. 16ఏళ్ల బాలుడు, తన ఎక్స్​ గర్ల్​ఫ్రెండ్​తో చాట్​ చేస్తున్నాడని ఈ 15ఏళ్ల బాలుడు తెలుసుకున్నాడు. చాట్​ చేయొద్దు అని హెచ్చరించాడు. ఇక నుంచి చాట్​ చేయనని స్పష్టం చేశాడు ఆ 16ఏళ్ల బాధితుడు.

కానీ అతను ఇంకా తన ఎక్స్​ గర్ల్​ఫ్రెండ్​తో చాటింగ్​ చేస్తున్నాడని తెలుసుకున్నాడు ఆ 15ఏళ్ల బాలుడు. చివరికి అతడిని చంపేయాలని నిర్ణయించుకున్నాడు. ఇందుకోసం భారీ స్కెచ్​ వేశాడు.

నిందితుడు ఇంట్లో నుంచి రూ. 20వేలు దొంగలించాడు. మంగళవారం ఇంట్లో నుంచి వచ్చేసి, ఓ హోటల్​లో బస చేశాడు. రూ. 12వేలు విలువ చేసే ఫోన్​ కొనుగోలు చేసి బాధితుడితో టచ్​లోకి వచ్చాడు. బుధవారం తనని కలవాలని చెప్పాడు. ఇంతలో ఒక షాపు నుంచి పదునైన కత్తిని తీసుకున్నాడు.

గురుగ్రామ్​ సెక్టార్​ 40లోని ఓ పార్క్​ వద్ద వారిద్దరు కలుసుకున్నారు. కోపంతో ఊగిపోయిన ఆ 15ఏళ్ల బాలుడు, బాధితుడి గొంతు, ఛాతీ, మెడ, కడుపు భాగాల్లో కత్తితో బలంగా పొడిచాడు.

తీవ్ర రక్తస్రావంతో ఆ వ్యక్తి పరిగెత్తుకుంటూ, పరిగెత్తుకుంటూ 500 మీటర్ల దూరంలోని ఓ ఇంటి ముందు పడిపోయి, అక్కడే ప్రాణాలు కోల్పోయాడు. నిందితుడు అక్కడి నుంచి పారిపోయి, రేవారీలో కశోలాలోని తన మామ ఇంటికి వెళ్లేందుకు ప్రయత్నించాడు. గురుగ్రామ్​ రైల్వే స్టేషన్​కి వెళ్లాడు. కానీ అక్కడ ట్రైన్​ మిస్​ అయ్యాడు. చివరికి బస్​స్టాండ్​కి వచ్చి రేవారీకి బస్సు ఎక్కాడు.

మరోవైపు తన ఇంటి ఎదురుగా మృతదేహం పడి ఉండటాన్ని గమనించిన యజమాని షాక్​ అయ్యాడు. షాక్​ నుంచి తేరుకున్న అనంతరం పోలీసులకు ఫోన్​ చేశారు.

ఘటనాస్థలానికి పరుగులు తీసిన పోలీసులు.. మృతదేహాన్ని స్వాధీనం చేసుకుని దర్యాప్తు చేపట్టారు. స్థానికంగా ఉన్న ఓ దుకాణం నుంచి మృతుడి వివరాలను సేకరించారు.

దర్యాప్తులో భాగంగా పోలీసులు బాధితుడి ఇంటికి వెళ్లారు. మృతదేహం వెరిఫికేషన్​ జరిగింది. నిందితుడి గురించి తెలుసుకునేందుకు సీసీటీవీ ఫుటేజ్​ని చెక్​ చేశారు. అతను స్థానికంగా నివాసముండే వ్యక్తి అని తేలింది. చివరికి నిందితుడిని అతని మామ ఇంటి నుంచి గురువారం మధ్యాహ్నం అరెస్ట్​ చేశారు.

దర్యాప్తులో భాగంగా నిందితుడు నిజం ఒప్పుకున్నాడు. తన ఎక్స్​ గర్ల్​ఫ్రెండ్​తో చాటింగ్​ చేస్తున్నాడనే కారణంతో చంపేసినట్టు వివరించాడు.

పోలీసుల ప్రకారం బాధితుడు 8వ తరగతి వరకు చదువుకుని రెస్టారెంట్లు, వెడ్డింగ్​ ఫంక్షన్స్​లో వెయిటర్​గా పనిచేస్తున్నాడు. నిందితుడు 10వ క్లాస్​ డ్రాపౌట్​. ఆటో నడుపుకుంటున్నాడు.