Wednesday Motivation : గెలవాలంటే కంఫర్ట్ జోన్ నుండి బయటకు రండి

విద్యార్థులు స్వామి వివేకానంద చెప్పిన మాటలను పాటిస్తే గొప్ప విజయాలు సాధించవచ్చు. కెరీర్లో అనుసరిస్తే, వారి కెరీర్ పురోగతి అద్భుతంగా ఉంటుంది. వ్యక్తిగత అభివృద్ధిని కోరుకునే వారు కూడా వివేకానంద నుంచి స్ఫూర్తి పొందగలరు.

ఒక సంఘటనతో ప్రారంభిద్దాం

వివేకానంద ప్రతిరోజూ చికాగో లైబ్రరీ నుండి పెద్ద సంఖ్యలో పుస్తకాలను ఇంటికి తీసుకెళ్లేవారు. ఎల్లప్పుడూ మరుసటి రోజు వాటిని తిరిగి ఇచ్చేవారు. దీంతో ఆశ్చర్యపోయిన లైబ్రేరియన్.. ఇన్ని పుస్తకాలు ఒక్క పగలు, రాత్రి చదవలేవు. అయినా ఎందుకు మోస్తున్నావు?. అని అడిగారు.

వెంటనే వివేకానందుడు 'నేను ప్రతి పుస్తకంలోని ప్రతి పేజీని, అందులోని సమాచారాన్ని చదువుతాను' అని అన్నారు . లైబ్రేరియన్ నమ్మలేకపోయారు. వివేకానందను పరీక్షించడానికి ఒక పుస్తకాన్ని తెచ్చి అందులోంచి ఒక అధ్యాయం తీసి, ఓ పేజీలో ఏముందో చెప్పమని సవాలు చేశారు. వివేకానంద పుస్తకంలో ఉన్నది చెప్పారు. దానికి అర్థవంతమైన వివరణ కూడా ఇచ్చారు. దీంతో ఆశ్చర్యపోయిన లైబ్రేరియన్ వివేకానందుని అసాధారణ జ్ఞాపకశక్తిని కొనియాడారు.

అలాంటి జ్ఞాపకశక్తిని సాధించడానికి ఏదైనా మార్గం ఉందా అని అడిగారు. అప్పుడు వివేకానంద ఇలా అన్నారు. 'క్రమమైన యోగా మరియు ధ్యానంతో ఇది సాధ్యమవుతుంది.' అని సమాధానమిచ్చారు.

నిన్ను నువ్వు నమ్మాలి. మిమ్మల్ని మీరు విశ్వసించాలి. విద్యార్థులు, నిపుణులు లేదా ఎవరైనా ఏదైనా సాధించాలనుకునే వారైనా, ముందుగా మిమ్మల్ని మీరు విశ్వసించడం చాలా ముఖ్యం. నేను చేయలేను అనే ప్రతికూల అంశాలన్నింటినీ వదిలేసి, నేను చేయగలను అనే నమ్మకాన్ని పెంచుకోండి.

'లేవండి, లేవండి, మీ లక్ష్యాన్ని చేరుకునే వరకు విశ్రమించకండి.' అనే వివేకానంద సూక్తి చాలా ప్రజాదరణ పొందింది. లేవండి! మేలుకో! లక్ష్యాన్ని చేరుకునే వరకు ఆగవద్దని స్వామి వివేకానంద చెప్పారు. రోజూ గుర్తుపెట్టుకోవాల్సిన మాట ఇది. విజయం సాధించాలనుకునే వారు కంఫర్ట్ జోన్‌లో ఉండకూడదు. విజయం సాధించాలనుకునే వారు ఈ మాట స్వీకరించాలి. ఈ కార్పొరేట్ ప్రపంచంలో విజయం సాధించాలనుకునే వారు కంఫర్ట్ జోన్ నుండి బయటపడాలి.

ఏ పని చేసినా పూర్తి ఏకాగ్రతతో నిమగ్నమవ్వండి. లక్ష్యంపై మాత్రమే దృష్టి పెట్టండి.. విజయం మీదే అవుతుంది.