Virupaksha in OTT: ఓటీటీలోనూ దుమ్ము రేపుతున్న విరూపాక్ష

Virupaksha in OTT: సాయి ధరమ్ తేజ్ నటించిన మిస్టరీ థ్రిల్లర్ మూవీ విరూపాక్ష. ఈ సినిమా బాక్సాఫీస్ దగ్గర భారీ వసూళ్లతో బ్లాక్‌బస్టర్ హిట్ గా నిలిచింది. ఏకంగా రూ.100 కోట్లకు పైగా కలెక్షన్లు రాబట్టింది. సాయి ధరమ్ తేజ్ కెరీర్ లోనే అతి పెద్ద హిట్ గా నిలిచిన విరూపాక్ష.. ఇప్పుడు ఓటీటీలోనూ అదే స్థాయిలో దూసుకెళ్తుండటం విశేషం.

ఈ మూవీ నెట్‌ఫ్లిక్స్ లో స్ట్రీమ్ అవుతున్న విషయం తెలిసిందే. ఆ ఓటీటీలోని ఇండియా మూవీస్ సెక్షన్ లో విరూపాక్ష టాప్ ట్రెండింగ్ లో ఉంది. ఈ సినిమాకు ఫ్యాన్స్ ఫిదా అవుతున్నారు. కార్తీక్ దండు డైరెక్షన్ లో వచ్చిన ఈ మూవీలో సాయి ధరమ్ తేజ్ తోపాటు సంయుక్త, బ్రహ్మాజీ, రాజీవ్ కనకాల, సోనియా సింగ్, సాయిచంద్, శ్యామల ముఖ్యమైన పాత్రల్లో నటించారు.

ఈ ఏడాది టాలీవుడ్‌లో వంద కోట్ల క‌లెక్ష‌న్స్ రాబ‌ట్టిన నాలుగో మూవీగా విరూపాక్ష రికార్డ్ క్రియేట్ చేసింది. విరూపాక్ష కంటే ముందు 2023లో వాల్తేర్ వీర‌య్య‌, వీర‌సింహారెడ్డి, ద‌స‌రా మాత్ర‌మే ఈ మైలురాయిని అందుకున్నాయి.వాల్తేర్ వీర‌య్య త‌ర్వాత ఈ ఏడాది వంద కోట్ల క్ల‌బ్‌లోకి ఎంట‌రైన‌ మెగా హీరోగా సాయిధ‌ర‌మ్‌తేజ్ నిలిచాడు.

ఈ సినిమాకు అగ్ర ద‌ర్శ‌కుడు సుకుమార్ స్క్రీన్‌ప్లేను స‌మ‌కూర్చాడు. రుద్ర‌వ‌నం అనే ఊరిలో జ‌రిగే వ‌రుస హ‌త్య‌ల మిస్ట‌రీని ఛేదించే ఓ యువ‌కుడి క‌థ‌తో ఈ సినిమాను రూపొందించారు.

ఇందులో త‌న త‌ల్లిదండ్రుల‌ మ‌ర‌ణానికి కార‌ణ‌మైన వారిపై రివేంజ్ తీర్చుకోవ‌డానికి త‌పించే యువ‌తిగా సంయుక్త న‌ట‌న‌కు ప్ర‌శంస‌లు ద‌క్కాయి. బైక్ యాక్సిడెంట్ కార‌ణంగా రెండేళ్ల పాటు సినిమాల‌కు దూర‌మైన సాయిధ‌ర‌మ్‌తేజ్ విరూపాక్ష‌తోనే రీఎంట్రీ ఇచ్చాడు.