Suspense Thriller OTT: ఓటీటీలోకి విజ‌య్ ఆంటోనీ రివేంజ్ థ్రిల్ల‌ర్ మూవీ - తెలుగులోనూ స్ట్రీమింగ్‌!

Suspense Thriller OTT: విజ‌య్ ఆంటోనీ హీరోగా న‌టించిన హిట్ల‌ర్ మూవీ ఈ వారమే ఓటీటీలోకి వ‌స్తోంది. అక్టోబ‌ర్ 25 నుంచి అమెజాన్ ప్రైమ్‌లో స‌స్పెన్స్ థ్రిల్ల‌ర్ మూవీ స్ట్రీమింగ్ కాబోతోంది. హిట్ల‌ర్ మూవీ పోస్ట‌ర్‌ను అమెజాన్ ప్రైమ్ అభిమానుల‌తో పంచుకున్న‌ది. ఓటీటీలో త‌మిళంతో పాటు తెలుగులోనూ ఈ మూవీ రిలీజ్ అవుతోంది.

రియా సుమ‌న్ హీరోయిన్‌...

హిట్ల‌ర్ మూవీలో విజ‌య్ ఆంటోనీకి జోడీగా రియా సుమ‌న్ హీరోయిన్‌గా న‌టించింది. గౌత‌మ్ వాసుదేవ‌మీన‌న్‌, చ‌ర‌ణ్ రాజ్ కీల‌క పాత్ర‌ల్లో న‌టించారు. ఈ సినిమాకు మ‌ణిర‌త్నం శిష్యుడు ధ‌న ద‌ర్శ‌క‌త్వం వ‌హించారు.

దేవ‌ర కార‌ణంగా...

హిట్ల‌ర్ మూవీ త‌మిళ వెర్ష‌న్‌ సెప్టెంబ‌ర్ 27న థియేట‌ర్ల‌లో రిలీజైంది. తెలుగులోనూ అదేరోజు ఈ మూవీ రిలీజ్ కావాల్సింది. తెలుగు వెర్ష‌న్‌కు సంబంధించి ప్ర‌మోష‌న్స్ భారీగానే చేశారు. టీజ‌ర్‌, ట్రైల‌ర్స్ రిలీజ్ చేశారు.

సెప్టెంబ‌ర్ 27న ఎన్టీఆర్ దేవ‌ర రిలీజ్ కావ‌డంతో హిట్ల‌ర్‌కు థియేట‌ర్లు దొర‌క్క‌పోవ‌డంతో విజ‌య్ ఆంటోనీ మూవీ వాయిదాప‌డింది. ఆ త‌ర్వాత త‌మిళ వెర్ష‌న్ డిజాస్ట‌ర్ టాక్ రావ‌డంతో తెలుగు లో ఈ మూవీ రిలీజ్ కాలేదు. తాజాగా హిట్ల‌ర్‌ తెలుగులో నేరుగా ఓటీటీలోనే విడుద‌ల అవుతోంది.

మినిస్ట‌ర్ టార్గెట్‌...

మినిస్ట‌ర్ మైఖేల్ (చ‌ర‌ణ్ రాజ్‌)మ‌నుషులు ఒక్కొక్క‌రిగా హ‌త్య‌కు గుర‌వుతుంటారు. మినిస్ట‌ర్‌కు చెందిన కోట్ల రూపాయ‌ల బ్లాక్ మ‌నీ ఓ అప‌రిచిత వ్య‌క్థి తెలివిగా ఎత్తుకుపోతాడు. ఈ కేసును డిప్యూటీ పోలీస్ క‌మీష‌న‌ర్ (గౌత‌మ్ వాసుదేవ‌మీన‌న్‌) ఇన్వేస్టిగేట్ చేయ‌డం మొద‌లుపెడ‌తాడు.

అత‌డి అన్వేష‌ణ‌లో సెల్వ‌(విజ‌య్ ఆంటోనీ) ఈ నేరాల‌న్నింటికి కార‌ణం అనే నిజం తెలుస్తుంది. ఓ ప‌ల్లెటూరి నుంచి చెన్నైసిటీకి వ‌చ్చిన సెల్వ మినిస్ట‌ర్‌ను ఎందుకు టార్గెట్ చేశాడు? అత‌డు ప్రేమించిన అభి ఎవ‌రు అన్న‌దే ఈ మూవీ క‌థ‌.

ఈ ఏడాది హ్యాట్రిక్ ఫ్లాప్‌...

ఈ ఏడాది హిట్ల‌ర్ మూవీలో మూడో ఫ్లాప్ విజ‌య్ ఆంటోనీ ఖాతాలో చేరింది. హిట్ల‌ర్ కంటే ముందు చేసిన రోమియో, తుఫాన్ కూడా డిజాస్ట‌ర్స్ అయ్యాయి. హిట్టు కోసం సినిమాల స్పీడును త‌గ్గించిన విజ‌య్ ఆంటోనీ ఇటీవ‌లే గ‌గ‌న్ మార్గ‌న్ పేరుతో ఓ పాన్ ఇండియ‌న్ మూవీని అనౌన్స్‌చేశాడు. మ‌ర్డ‌ర్ మిస్ట‌రీ థ్రిల్ల‌ర్‌గా తెర‌కెక్కుతోన్న ఈ మూవీకి లియో జాన్ పాల్ ద‌ర్శ‌క‌త్వం వ‌హిస్తున్నాడు. స‌ముద్ర‌ఖ‌ని కీల‌క పాత్ర‌లో క‌నిపించ‌బోతున్నాడు.

నాని మ‌జ్ను మూవీతో...

హిట్ల‌ర్ హీరోయిన్ రియా సుమ‌న్ కెరీర్ తెలుగు సినిమాల‌తోనే మొద‌లైంది. నాని మ‌జ్ను మూవీతో హీరోయిన్‌గా మారింది. ఆ త‌ర్వాత పేప‌ర్‌బాయ్, మెన్ టూ, టాప్ గేర్‌, కిస్మ‌త్ సినిమాలు చేసింది.