Narudi Brathuku Natana: అర‌వై అవార్డులు గెలుచుకున్న తెలుగు మూవీ థియేట‌ర్ల‌లోకి వ‌స్తోంది - రిలీజ్ డేట్ ఇదే
Narudi Brathuku Natana:పీపుల్ మీడియా ఫ్యాక్ట‌రీ నిర్మించిన న‌రుడి బ్ర‌తుకు న‌ట‌న మూవీ ఏప్రిల్ 26న థియేట‌ర్ల‌లో రిలీజ్ కాబోతోంది. రిలీజ్‌కు ముందే ఈ మూవీ అర‌వై అవార్డుల‌ను గెలుచుకుంది.
Narudi Brathuku Natana: టాలీవుడ్‌లో టాప్ ప్రొడ‌క్ష‌న్ హౌజ్ పీపుల్ మీడియా ఫ్యాక్ట‌రీ నిర్మిస్తోన్న తెలుగు మూవీ న‌రుడి బ్ర‌తుకు న‌ట‌న రిలీజ్ డేట్ ఫిక్స‌యింది. కేరళ బ్యాక్‌డ్రాప్‌లో యూత్‌ఫుల్ ఎంట‌ర్‌టైన‌ర్‌గా తెర‌కెక్కిన ఈ సినిమాకు రిషికేశ్వ‌ర్ యోగి ద‌ర్శ‌క‌త్వం వ‌హిస్తున్నారు. ఈ సినిమాలో శివ కుమార్ రామచంద్రవరపు, నితిన్ ప్రసన్న, శృతి జయన్, ఐశ్వర్యా అనిల్ కుమార్, వైవా రాఘవ కీల‌క పాత్ర‌లు పోషిస్తున్నారు. కంటెంట్ ఓరియెంటెడ్ స‌బ్జెక్ట్‌తో రూపొందిన ఈ సినిమాను ఏప్రిల్ 26న థియేట‌ర్ల ద్వారా ప్రేక్ష‌కుల ముందుకు తీసుకురాబోతున్న‌ట్లు పీపుల్స్ మీడియా ఫ్యాక్ట‌రీ సంస్థ ప్ర‌క‌టించింది.
గ్లింప్స్ రిలీజ్...
శ‌నివారం ఈ మూవీ గ్లింప్స్‌ను రిలీజ్ చేసింది. ఈ గ్లింప్స్‌లోని డైలాగ్స్ చూస్తుంటే స‌త్య అనే ఓ సినిమా న‌టుడి జీవితం చుట్టూ ఈ మూవీ క‌థ సాగ‌నున్న‌ట్లు తెలుస్తోంది. లైఫ్‌లో బాధ‌లు, క‌ష్టాలు, అవ‌మానాలు వ‌స్తుంటాయి. అడ్జెస్ట్ అవుతూ వెళ్లిపోవాలి అంతే డైలాగ్ ఆక‌ట్టుకుంటోంది. విజువ‌ల్స్‌, లొకేష‌న్స్‌, మ్యూజిక్ ఈ గ్లింప్స్‌కు హైలైట్‌గా నిలిచాయి.
గ్లింప్స్ చూస్తుంటే ప్ర‌తి ఒక్క‌రి జ్ఞాపకాలను నెమరు వేసుకున్నట్టుగా, ఓ జీవితాన్ని చూసినట్టుగా అనిపిస్తోంది. నవ్వు, బాధ, ప్రేమ, స్నేహం ఇలా అన్ని ఎమోషన్స్‌ను ఎంతో సహజంగా చూపించినట్టుగా అనిపిస్తోంది. న‌రుడి బ్ర‌తుకు న‌ట‌న షూటింగ్ అంతా కూడా కేరళలో జ‌రిగిన‌ట్లు చిత్ర యూనిట్ చెబుతోంది. కేరళ ప్రకృతి అందాలు ఈ మూవీకి హైలైట్‌గా నిల‌వ‌బోతున్న‌ట్లు ప్ర‌క‌టించారు.
అర‌వై అవార్డులు...
రిలీజ్‌కు ముందే ఈ సినిమాను ప‌లు ఇంట‌ర్నేష‌న‌ల్ ఫిలిం ఫెస్టివ‌ల్స్‌లో స్క్రీనింగ్ చేశారు. ఇప్ప‌టివ‌ర‌కు అరవైకి పైగా అంతర్జాతీయ అవార్డులనుఈ మూవీ గెలుచుకున్న‌ట్లు నిర్మాత‌లు తెలిపారు.న‌రుడి బ్ర‌తుకు న‌ట‌న‌లో కీల‌క పాత్ర పోషించిన నితిన్ ప్రసన్న ఇటీవ‌ల రిలీజైన అంబాజీపేట మ్యారేజీ బ్యాండులో విల‌న్‌గా క‌నిపించాడు.
ఈ ఏడాది ర‌వితేజ తో ఈగ‌ల్ మూవీని నిర్మించింది. ధ‌మాకా త‌ర్వాత పీపుల్ మీడియా ఫ్యాక్ట‌రీ బ్యాన‌ర్‌లో ర‌వితేజ చేసిన ఈ మూవీ ఫెయిల్యూర్‌గా నిలిచింది. ప‌వ‌న్ క‌ళ్యాణ్‌ బ్రో, నిఖిల్‌, కార్తికేయ 2తో పాటు పీపుల్ మీడియా ఫ్యాక్ట‌రీ లాభాల‌ను తెచ్చిపెట్టాయి. ఓ వైపు నిర్మాణంలో కొన‌సాగుతూనే ఆదిపురుష్ తో పాటు మ‌రికొన్ని భారీ బ‌డ్జెట్ సినిమాల‌ను పంపిణీచేశారు.
