Save The Tigers Telugu Web Series: సేవ్ ది టైగర్స్ వెబ్ సిరీస్ స్ట్రీమింగ్ డేట్ ఫిక్స్ - ఏ ఓటీటీలో రిలీజ్ కానుందంటే

Save The Tigers Telugu Web Series: బ‌ల‌గం సినిమాతో కెరీర్‌లోనే మ‌ర‌చిపోలేని విజ‌యాన్ని అందుకున్నాడు ప్రియ‌ద‌ర్శి. ఈ స‌క్సెస్ త‌ర్వాత ఓ వెబ్‌సిరీస్‌తో ప్రేక్ష‌కుల ముందుకు రాబోతున్న‌ది అత‌డు. సేవ్ ది టైగ‌ర్స్ టైటిల్‌తో రూపొందుతోన్న ఈ సిరీస్ డిస్నీ ప్ల‌స్ హాట్‌స్టార్‌లో స్ట్రీమింగ్ కానుంది.

ఈ సిరీస్ రిలీజ్ డేట్‌ను శుక్ర‌వారం అనౌన్స్‌చేశారు. ఏప్రిల్ 27 నుంచి స్ట్రీమింగ్ కానున్న‌ట్లు వెల్ల‌డించారు. పెళ్లికి ముందు, పెళ్లి త‌ర్వాత ఓ ముగ్గురు యువ‌కుల జీవితాల్లో చోటు చేసుకున్న ప‌రిణామాల‌తో ఔట్ అండ్ ఔట్ ఎంట‌ర్‌టైన‌ర్‌గా సేవ్ ది టైగ‌ర్స్‌ వెబ్ సిరీస్ తెర‌కెక్కుతోన్నట్లు సమాచారం.

ఇందులో ప్రియ‌ద‌ర్శితోపాటు అభిన‌వ్ గోమ‌టం, చైత‌న్య కృష్ణ‌, పావ‌ని గంగిరెడ్డి, సుజాత‌, దేవ‌యాని ప్ర‌ధాన పాత్ర‌ల్లో న‌టిస్తోన్నారు. ఈ వెబ్‌సిరీస్‌కు తేజ కాకుమాను ద‌ర్శ‌క‌త్వం వ‌హిస్తోన్నాడు. ఈ న‌గ‌రానికి ఏమైంది, ఓరి దేవుడా, ఫ‌ల‌క్‌నుమాదాస్‌తో పాటు ప‌లు సినిమాల్లో యాక్ట‌ర్‌గా క‌నిపించాడు తేజ కాకుమాను ఈ సిరీస్‌తో ద‌ర్శ‌కుడిగా ఎంట్రీ ఇస్తోన్నాడు. సేవ్ ది టైగ‌ర్స్ సిరీస్‌కు ద‌ర్శ‌కుడు మ‌హి వి రాఘ‌వ్ క్రియేట‌ర్‌గా వ్య‌వ‌హ‌రించ‌గా ప్ర‌దీప్ అద్వైతం క‌థ‌ను అందించాడు.