Animal: ప్రేక్షకులను అవమానించిన యానిమల్ డైరెక్టర్ సందీప్ రెడ్డి వంగా.. ఆ ఒక్క బూతు సైగతో ఘోరంగా!
Animal End Credit Scene: బోల్డ్ డైరెక్టర్ సందీప్ రెడ్డి వంగా తెరకెక్కించిన లేటెస్ట్ మూవీ యానిమల్. డిసెంబర్ 1న విడుదలైన ఈ సినిమా గురించి సోషల్ మీడియాలో మోత మోగిపోతోంది. అయితే, యానిమల్ సినిమాలో ఒకే ఒక్క సీన్‌తో ప్రేక్షకులందరిని సందీప్ అవమానించాడనే టాక్ నడుస్తోంది.
Sandeep Reddy Vanga Insults Audience: అర్జున్ రెడ్డి మూవీతో తానెంత బోల్డ్ డైరెక్టరో చూపించాడు సందీప్ రెడ్డి వంగా. 3 గంటల 6 నిమిషాల నిడివితో అర్జున్ రెడ్డి తెరకెక్కించి సెన్సేషనల్ హిట్ కొట్టిన సందీప్ 3 గంటల 21 నిమిషాల రన్ టైమ్‌తో యానిమల్ తీసుకొచ్చాడు. మూడున్నర గంటల సినిమాతో కూడా హిట్ కొట్టి చూపించి ప్రేక్షకులంతా తప్పు అని నిరూపిస్తానని ఓ ఇంటర్వ్యూలో చెప్పాడు సందీప్ రెడ్డి.
అవమానించిన తీరుపై
అయితే, ఇప్పుడు అంతా యానిమల్ ఫీవర్ నడుస్తోంది. డిసెంబర్ 1న విడుదలైన ఈ సినిమాకు బయట మిశ్రమ స్పందన వచ్చినప్పటికీ సోషల్ మీడియాలో మాత్రం మోత మోగిపోతోంది. యానిమల్ మూవీలోని బీజీఎమ్, సాంగ్స్, సీన్స్, స్క్రీన్ ప్లేపై ప్రశంసలు కురిపిస్తూ మీమ్స్, వీడియోలు షేర్ చేస్తున్నారు నెటిజన్స్. ఈ క్రమంలోనే ఆడియెన్స్‌ను డైరెక్టర్ సందీప్ రెడ్డి వంగా అవమానించిన తీరుపై కూడా నెట్టింట్లో మీమ్స్ దర్శనం ఇస్తున్నాయి.
కోతి స్టోరీ చెప్పి
యానిమల్ సినిమా ప్రారంభంలో ఓల్డ్ మ్యాన్ గెటప్‌లో ఉన్న రణ్ బీర్ కపూర్ ఒక కోతి స్టోరీ చెబుతాడు. దానికి రిలేటెడ్‌గా విలన్ బాబీ డియోల్‌తో క్లైమాక్స్ ఫైటింగ్ సీన్‌లో ఓ సీన్ ఉంటుంది. అది కాకుండా పోస్ట్ క్రెడిట్ టైటిల్స్ పడిన తర్వాత ప్రేక్షకులు అంతా లేచివెళ్లిపోయే టైమ్‌కు కోతి స్టోరీ చెప్పిన రణ్ బీర్ కపూర్ కనిపిస్తాడు. అప్పుడు కోతి స్టోరీ చెప్పినా ఓ వల్గర్ సైగను ప్రేక్షకులకు చూపిస్తాడు. నిజానికి అది ఒక బూతు.
చెప్పి మరి
టైటిల్స్ తర్వాత ఏం చూపిస్తారన్న ఎదురుచూసిన ప్రేక్షకులకు బూతు సైగ చూపించి సందీప్ రెడ్డి అవమానించాడని ప్రచారం జరుగుతోంది. రణ్ బీర్ కపూర్ చేసిన ఆ సైగతో ఆడియెన్స్ హర్ట్ అయినట్లుగా మీమ్స్ వస్తున్నాయి. యానిమల్ మూవీ ప్రమోషన్స్‌లో సినిమా స్టార్టింగ్ పది నిమిషాలు, చివరి పది నిమిషాలు కచ్చితంగా చూడాలని సందీప్ రెడ్డి చెప్పాడు. ఆ వీడియోను కూడా షేర్ చేస్తూ.. చెప్పి మరి XX దించావ్ కదా అంటూ కామెంట్స్ పెడుతున్నారు.
ఆర్జీవీకి మించి
ఇదిలా ఉంటే ఇప్పటివరకు ప్రేక్షకులతో కాస్తా హార్ష్‌గా బిహేవ్ చేసింది రామ్ గోపాల్ వర్మే. ఆయన సినిమాలు చూస్తే చూడండి లేకపోతే చావండి అంటారు. కానీ, ఇలా ప్రేక్షకులకు బూతు సైగలు చూపించి ఆర్జీవీనే సందీప్ రెడ్డి మించిపోయాడని అంటున్నారు. అలాగే, అలా చేసిన సందీప్ రెడ్డి వంగా ధైర్యాన్ని కూడా పలువురు మెచ్చుకోవడం గమనార్హం.
