Priyanka Upendra: హాలీవుడ్ జోన‌ర్‌లో ప్రియాంక ఉపేంద్ర మూవీ - ఫ‌స్ట్ లుక్ రిలీజ్
Priyanka Upendra: హాలీవుడ్‌లో పాపులర్ అయిన ఫౌండ్ ఫుటేజ్ హార‌ర్ జోన‌ర్‌లో ప్రియాంక ఉపేంద్ర ఓ సినిమా చేయ‌బోతున్న‌ది. క్యాప్చ‌ర్ పేరుతో తెర‌కెక్కుతోన్న ఈమూవీ ఫ‌స్ట్ లుక్ రిలీజైంది.
Priyanka Upendra: ఫౌండ్ ఫుటేజ్ హార‌ర్ జోన‌ర్ హాలీవుడ్‌లో చాలా పాపులర్. ఈ జోన‌ర్‌లో వ‌చ్చిన ది విజిట్‌, రెక్‌, ది బ్లెయిర్ విచ్ ప్రాజెక్ట్ సినిమాలు బ్లాక్‌బ‌స్ట‌ర్స్‌గా నిలిచాయి. ఈ జోన‌ర్‌లో ఫ‌స్ట్ టైమ్ ఇండియ‌న్ స్క్రీన్‌పై ఓ మూవీ రాబోతోంది.
క్యాప్చ‌ర్ పేరుతో తెర‌కెక్కుతోన్న ఈసినిమాలో క‌న్న‌డ స్టార్ హీరో ఉపేంద్ర స‌తీమ‌ణి ప్రియాంక ఉపేంద్ర హీరోయిన్‌గా న‌టిస్తోంది. ప్ర‌యోగాత్మ‌క క‌థాంశంతో తెర‌కెక్కుతోన్న ఈ సినిమాకు లోహిత్ హెచ్ ద‌ర్శ‌క‌త్వం వ‌హిస్తోన్నాడు.
ఈ సినిమా ఫ‌స్ట్ లుక్‌ను రిలీజ్ చేశారు. ఈ పోస్టర్ లో ముఖం నిండా ర‌క్త‌పు మ‌ర‌క‌ల‌తో ప్రియాంక ఉపేంద్ర క‌నిపిస్తోంది. ఆమె చుట్టూ సీసీ కెమెరాలు ఉండ‌టం ఆస‌క్తిని పంచుతోంది. సినిమా మొత్తం సీసీ టీవీ ఫుటేజ్ సీన్స్‌తో షూట్ చేసిన‌ట్లు డిఫ‌రెంట్‌గా ఉంటుంద‌ని ద‌ర్శ‌కుడు చెబుతోన్నారు. సింగిల్ లెన్స్‌తో ప్ర‌యోగాత్మ‌కంగా ఈ సినిమాను తెర‌కెక్కించిన‌ట్లు తెలిపాడు.
ఈ సినిమా షూటింగ్ మొత్తం గోవాలోనే జ‌రిపారు. త్వ‌ర‌లోనే రిలీజ్ డేట్‌ను అనౌన్స్ చేయ‌బోతున్నారు. ప్రియాంక ఉపేంద్ర‌తో పాటు మ‌న్విత కామ‌త్ మ‌రో కీల‌క పాత్ర‌లో క‌నిపించ‌బోతున్న‌ది. ఈ సినిమాను తెలుగుతో పాటు క‌న్న‌డ భాష‌ల్లో ఒకేసారి రిలీజ్ చేయ‌బోతున్నారు.
