OTT Official: ఓటీటీలోకి మిస్ శెట్టి మిస్టర్ పోలిశెట్టి.. ఆరోజు నుంచే స్ట్రీమింగ్.. అధికారికంగా ప్రకటన

Miss Shetty Mr Polishetty OTT Release Official: జాతి రత్నాలు సినిమాతో సూపర్ క్రేజ్ అందుకున్న హీరో నవీన్ పోలిశెట్టి. అరుంధతి, బిల్లా, విక్రమార్కుడు, బాహులి వంటి చిత్రాలతో అగ్ర హీరోయిన్‌గా స్టార్‌డమ్ తెచ్చుకుంది అనుష్క శెట్టి. నవీన్, అనుష్క వంటి రేర్ కాంబినేషన్‌లో వచ్చిన సినిమానే మిస్ శెట్టి మిస్టర్ పోలిశెట్టి. ఈ సినిమాకు మహేశ్ బాబు పచ్చిగొళ్ల దర్శకత్వం వహించారు. యూవీ క్రియేషన్స్ బ్యానర్‌పై వంశీ, ప్రమోద్ సంయుక్తంగా నిర్మించిన ఈ సినిమాకు రధన్ సంగీతం అందించారు. సినిమాలో మ్యూజిక్ బాగుందని టాక్ కూడా వచ్చింది.

సెప్టెంబర్ 7న థియేటర్లలో విడుదలైన మిస్ శెట్టి మిస్టర్ పోలిశెట్టి సినిమా బ్లాక్ బస్టర్ హిట్ కొట్టింది. సినిమాలోని నవీన్ పోలిశెట్టి కామెడీ టైమింగ్ సూపర్బ్ అంటూ రివ్యూలు వచ్చాయి. అంతేకాకుండా కొన్ని సీన్స్ సైతం సోషల్ మీడియాలో వైరల్ అయ్యాయి. స్టాండ్ అప్ కమెడియన్‌గా నవీన్, 40 ఏళ్లు దాటిన పెళ్లి చేసుకోని చెఫ్ క్యారెక్టర్‌లో అనుష్క కనిపించారు. ఇదిలా ఉంటే థియేటర్లలో సినిమాను చూడని వారు ఓటీటీల్లో చూస్తారని తెలిసిందే.

మిస్ శెట్టి మిస్టర్ పోలిశెట్టి సినిమా ఓటీటీ రిలీజ్ డేట్ కోసం ఎంతగానో ఎదురుచూస్తున్నారు ప్రేక్షకులు. ఈ నేపథ్యంలో ఎట్టకేలకు మిస్ శెట్టి మిస్టర్ పోలిశెట్టి ఓటీటీ విడుదల తేదిని అధికారికంగా సోషల్ మీడియాలో ప్రకటించారు. ఈ సినిమాను ప్రముఖ ఓటీటీ దిగ్గజం నెట్‌ఫ్లిక్స్ భారీ ధరకు కొనుగోలు చేసింది. తాజాగా ఈ సినిమాను అక్టోబర్ 5 నుంచి స్ట్రీమింగ్ చేయనున్నట్లు సోషల్ మీడియాలో ప్రకటించింది నెట్‍ఫ్లిక్స్.

మిస్ శెట్టి మిస్టర్ పోలిశెట్టి సినిమా నెట్‌ఫ్లిక్స్ ఓటీటీలో అక్టోబర్ 5 నుంచి తెలుగుతోపాటు తమిళం, హిందీ, కన్నడ, మలయాళ భాషల్లో అందుబాటులో ఉండనుందని సంస్థ పేర్కొంది. ఇదిలా ఉంటే ఈ సినిమా శాటిలైట్ హక్కులను జీ తెలుగు ఛానెల్ సొంతం చేసుకుంది.