Naga Chaitanya crush: నాగచైతన్య మొదటి సెలబ్రెటీ క్రష్ ఎవరో తెలుసా?

టాలీవుడ్ యంగ్ హీరో నాగచైతన్య ఇటీవలే లాల్ సింగ్ చడ్ఢా సినిమాతో బాలీవుడ్‌లో అరంగేట్రం చేసిన విషయం తెలిసిందే. ఆగస్టు 11న ప్రపంచ వ్యాప్తంగా విడుదలైన ఈ చిత్రానికి మిక్స్‌డ్ టాక్ వచ్చింది. ఆమిర్ ఖాన్ ప్రధాన పాత్ర పోషించిన ఈ సినిమాలో చై కీలక పాత్రలో నటించాడు. అయితే ఈ చిత్ర ప్రమోషన్లలో బిజీగా పాల్గొన్నాడు. ఇందులో భాగంగా ఇటీవలే ఓ బాలీవుడ్ మీడియాకు ఇచ్చిన ఇంటర్వ్యూలో ఆసక్తికర విషయాలను పంచుకున్నాడు. తన సెలబ్రెటీ క్రష్‌తో పాటు బాలీవుడ్ తాను నటించాలనుకున్న హీరోయిన్ల గురించి తెలియజేశాడు.

ర్యాపిడ్ ఫైర్ రౌండులో భాగంగా తన మొదటి సెలబ్రెటీ క్రష్ గురించి అడుగ్గా.. నాగ చైతన్య తడుముకోకుండా సుస్మితా సేన్ పేరు చెప్పాడు. అంతేకాకుండా తన సినిమాల్లో హిందీలో రీమేక్ చేస్తే ఏ పాత్రకు ఎవరు సూటవుతారనే ప్రశ్నకు.. మనం సినిమాలోని తన పాత్రకు రణ్‌బీర్ కపూర్ బాగా సెట్ అవుతాడని సమాధానమిచ్చాడు. అలాగే తడాఖా రీమేక్‌లో వరుణ్ ధావన్, 100 పర్సెంట్ లవ్‌ను కార్తీక్ ఆర్యన్ రీమేక్ చేస్తే బాగుంటుందని తెలిపాడు.

బాలీవుడ్ ఏ హీరోయిన్‌తో నటించాలని అనుకుంటున్నారు? అనే ప్రశ్నకు లిస్టులో చాలా మందిలో ఉన్నారని బదులిచ్చారు. ముందుగా ఆలియా భట్‌తో చేయాలని ఉందని, ఆ తర్వాత ప్రియాంక చోప్రా, కరీనా, కత్రీనా కైఫ్ ఇలా చాలామంది ఉన్నారని చై స్పష్టం చేశాడు.

ప్రస్తుతం నాగచైతన్య నటించిన లాల్ సింగ్ చడ్ఢా ఆగస్టు 11న విడుదలై మిక్స్‌‍డ్ టాక్ తెచ్చుకుంది. ఇందులో ఆమీర్ ఖాన్ ప్రధాన పాత్ర పోషించగా.. కరీనా కపూర్, మోనా సింగ్ తదితరులు కీలక పాత్రల్లో నటించారు. అద్వైత్ చందన్ దర్శకత్వం వహించారు. ఇది కాకుండా అతడు ధూత అనే వెబ్‌సిరీస్‌తో ఓటీటీలో అరంగేట్రం చేశాడు. ఇందులో ప్రాచీ దేశాయ్ కీలక పాత్ర పోషించింది.