Naga Chaitanya Custody Movie: 'కస్టడీ' నుంచి మరో అప్డేట్...సింగిల్ సాంగ్ కోసం ఏడు భారీ సెట్లు
Naga Chaitanya bilingual project Custody Movie: అక్కినేని నాగ చైతన్య, వెంకట్ ప్రభు కాంబినేషన్లో తెలుగు-తమిళ భాషల్లో రూపొందుతున్న చిత్రం ‘కస్టడీ’ అన్నపూర్ణ స్టూడియోస్లో చిత్రీకరణ జరుపుకుంటోంది. ఇందులో భాగంగా నాగచైతన్య, కృతి శెట్టిపై ఓ పాటను చిత్రీకరిస్తున్నారు. ఈ పాట చిత్రీకరణ కోసం ఏడు ప్రత్యేక సెట్లు ఏర్పాటు చేశారు.
Naga Chaitanya Custody Movie Updates: అక్కినేని నాగ చైతన్య, వెంకట్ ప్రభు కాంబినేషన్లో రూపొందుతున్న‘కస్టడీ' చిత్రానికి సంబంధించి ఇంట్రెస్టింగ్ అప్డేట్ వచ్చింది. తెలుగు, తమిళ భాషల్లో తీస్తున్న ఈ చిత్రంలో ఓ పాటను ప్రతిష్టాత్మకంగా రూపొందిస్తున్నారు. ప్రస్తుతం హైదరాబాద్ లోని అన్నపూర్ణ స్టూడియోస్ లో లీడ్ పెయిర్ నాగచైతన్య, కృతీశెట్టి పై ఓ పాటను గ్రాండ్ గా చిత్రీకరిస్తున్నారు. ఈ పాట చిత్రీకరణ కోసం ఏకంగా ఏడు భారీ సెట్లు వేశారు. ప్రొడక్షన్ డిజైనర్ రాజీవన్, ఆర్ట్ డైరెక్టర్ డివై సత్యనారాయణ కలిసి అద్భుతమైన ఈ సెట్స్ని రూపొందించారు.
ఈ చిత్రానికి మాస్ట్రో ఇళయరాజా, లిటిల్ మాస్ట్రో యువన్ శంకర్ రాజా కలిసి సంగీతం అందిస్తున్నారు. ప్రస్తుతం చిత్రీకరిస్తున్న పాటకు ప్రముఖ డ్యాన్సర్ శేఖర్ మాస్టర్ కొరియోగ్రఫీ చేస్తున్నారు. ఈ డ్యాన్స్ నంబర్ బిగ్ స్క్రీన్పై విజువల్ ఫీస్ట్ గా ఉండబోతుందని నిర్మాత శ్రీనివాస చిట్టూరి వెల్లడించారు.
ఇప్పటికే ఈ సినిమాకు సంబంధించిన ప్రతి అప్డేట్కి మంచి స్పందన రాగ... నాగ చైతన్య, కృతి శెట్టి ఫస్ట్-లుక్ పోస్టర్ కూడా విడుదలైన సంగతి కూడా తెలిసిందే. అరవింద్ స్వామి విలన్ పాత్రలో నటిస్తుండగా, ప్రియమణి పవర్ ఫుల్ పాత్రలో కనిపించనుంది. సంపత్ రాజ్, శరత్ కుమార్, ప్రేమ్ జీ, వెన్నెల కిషోర్, ప్రేమి విశ్వనాథ్ తదితరులు కీలక పాత్రలు పోషిస్తున్నారు. నాగ చైతన్య కెరీర్లో అత్యంత ఖరీదైన చిత్రాల్లో కస్టడీ ఒకటి. శ్రీనివాస సిల్వర్ స్క్రీన్ బ్యానర్పై శ్రీనివాస చిట్టూరి ఈ చిత్రాన్ని ప్రతిష్టాత్మకంగా నిర్మిస్తున్నారు. ఈ చిత్రానికి సంబంధించిన తారాగణం, అద్భుతమైన సాంకేతిక బృందం ప్రస్తుతం చిత్రీకరణలో బిజీగా ఉన్నారు. అత్యున్నత నిర్మాణ విలువలు, సాంకేతిక ప్రమాణాలతో ఈ సినిమా రూపొందుతోంది. ఈ ప్రతిష్టాత్మక ప్రాజెక్ట్ని పవన్కుమార్ సమర్పిస్తున్నారు. అబ్బూరి రవి డైలాగ్స్ రాస్తుండగా, ఎస్ఆర్ కత్తిర్ సినిమాటోగ్రఫీ అందిస్తున్నారు. కస్టడీ మే 12, 2023న ప్రపంచవ్యాప్తంగా గ్రాండ్ గా విడుదల కానుంది.
నటీనటులు: నాగ చైతన్య, కృతి శెట్టి, అరవింద్ స్వామి, ప్రియమణి, శరత్ కుమార్, ప్రేమ్జీ అమరెన్, సంపత్ రాజ్, వెన్నెల కిషోర్, ప్రేమి విశ్వనాథ్ తదితరులు
సాంకేతిక విభాగం :
కథ, స్క్రీన్ప్లే, దర్శకత్వం: వెంకట్ ప్రభు
నిర్మాత: శ్రీనివాస చిట్టూరి
బ్యానర్: శ్రీనివాస సిల్వర్ స్క్రీన్
సమర్పణ: పవన్ కుమార్
సంగీతం: మాస్ట్రో ఇళయరాజా, లిటిల్ మాస్ట్రో యువన్ శంకర్ రాజా
సినిమాటోగ్రాఫర్: ఎస్ఆర్ కతీర్
ఎడిటర్: వెంకట్ రాజన్
డైలాగ్స్: అబ్బూరి రవి
ప్రొడక్షన్ డిజైనర్: రాజీవ్
యాక్షన్: మహేష్ మాథ్యూ
ఆర్ట్ డైరెక్టర్: డివై సత్యనారాయణ
పీఆర్వో: వంశీ శేఖర్
మార్కెటింగ్: విష్ణు తేజ్ పుట్ట
సంబంధిత కథనం