Market Mahalakshmi OTT: ఓటీటీలోకి క్లాస్ అబ్బాయి...మాస్ అమ్మాయి ల‌వ్‌స్టోరీ - తెలుగు మూవీ స్ట్రీమింగ్ ఎందులో అంటే?-market mahalaxmi movie streaming on aha ott soon parvateesam telugu love story ott streaming ,ఎంటర్‌టైన్‌మెంట్ న్యూస్
తెలుగు న్యూస్  /  ఎంటర్‌టైన్‌మెంట్  /  Market Mahalakshmi Ott: ఓటీటీలోకి క్లాస్ అబ్బాయి...మాస్ అమ్మాయి ల‌వ్‌స్టోరీ - తెలుగు మూవీ స్ట్రీమింగ్ ఎందులో అంటే?

Market Mahalakshmi OTT: ఓటీటీలోకి క్లాస్ అబ్బాయి...మాస్ అమ్మాయి ల‌వ్‌స్టోరీ - తెలుగు మూవీ స్ట్రీమింగ్ ఎందులో అంటే?

Nelki Naresh Kumar HT Telugu
Jun 22, 2024 11:22 AM IST

Market Mahalakshmi OTT: కేరింత ఫేమ్ పార్వ‌తీశం, ప్ర‌ణీకాన్వీకా హీరోహీరోయిన్లుగా న‌టించిన మార్కెట్ మ‌హాల‌క్ష్మీ మూవీ ఓటీటీలోకి వ‌చ్చేస్తోంది. ఈ క్లాస్ అబ్బాయి...మాస్ అమ్మాయి ల‌వ్‌స్టోరీ త్వ‌ర‌లో ఆహా ఓటీటీలో స్ట్రీమింగ్ కాబోతోంది.

మార్కెట్ మ‌హాల‌క్ష్మి  ఓటీటీ
మార్కెట్ మ‌హాల‌క్ష్మి ఓటీటీ

Market Mahalakshmi OTT: కేరింత ఫేమ్ పార్వ‌తీశం హీరోగా న‌టించిన మార్కెట్ మ‌హాల‌క్ష్మీ మూవీ ఓటీటీలోకి వ‌చ్చేస్తోంది. ఆహా ఓటీటీలో ఈ ల‌వ్ స్టోరీ స్ట్రీమింగ్ కానుంది. మార్కెట్ మ‌హాల‌క్ష్మి పోస్ట‌ర్‌ను త‌మ ట్విట్ట‌ర్ లో షేర్ చేసింది ఆహా ఓటీటీ. త్వ‌ర‌లోనే ఈ మూవీ స్ట్రీమింగ్ కాబోతున్న‌ట్లు వెల్ల‌డించింది.

ప్ర‌ణీకాన్వికా హీరోయిన్‌...

మార్కెట్ మ‌హాల‌క్ష్మీ మూవీలో పార్వ‌తీశానికి జోడీగా ప్రణీకాన్వికా హీరోయిన్‌గా న‌టించింది. ఎస్ ముఖేష్ ద‌ర్శ‌క‌త్వం వ‌హించిన ఈ సినిమాను అఖిలేష్ ప్రొడ్యూస్ చేశాడు. ఏప్రిల్ నెల‌లో ఈ మూవీ థియేట‌ర్ల‌లో రిలీజైంది. క్లాస్ అబ్బాయి...మాస్ అమ్మాయి ల‌వ్ స్టోరీతో ద‌ర్శ‌కుడు ఈ మూవీని తెర‌కెక్కించాడు.

మ‌హాల‌క్ష్మి ప్రేమ‌క‌థ‌...

పార్వ‌తీశం సాఫ్ట్‌వేర్ కంపెనీలో జాబ్ చేస్తుంటాడు. సొంత‌కాళ్ల‌పై ఇండిపెండెంట్‌గా బ‌తికే అమ్మాయి త‌న‌కు భార్య‌గా రావాల‌ని క‌ల‌లు కంటాడు. హీరో తండ్రి (కేదార్ శంక‌ర్‌) మాత్రం క‌ట్నం ఎక్కువ‌గా ఇచ్చే పిల్ల‌తోనే అత‌డి పెళ్లి జ‌రిపించే ప్ర‌య‌త్నాలు చేస్తున్నారు. పార్వ‌తీశానికి ఓ రోజు కూర‌గాయల మార్కెట్‌లో మ‌హాల‌క్ష్మి (ప్రణీకాన్వికా) క‌న‌బ‌డుతుంది.

కూర‌గాయలు అమ్ముతూ త‌న కుటుంబాన్ని పోషించుకుకుంటుంది మ‌హాల‌క్ష్మి. ఆమె తెగువ‌, ఆలోచ‌నావిధానం న‌చ్చి తొలిచూపులోనే మ‌హాల‌క్ష్మితో పార్వ‌తీశం ప్రేమ‌లో ప‌డ‌తాడు. మ‌హాల‌క్ష్మినే పెళ్లి చేసుకోవాల‌ని ఫిక్స‌వుతాడు. మ‌హాల‌క్ష్మి మాత్రం అత‌డి ప్ర‌పోజ‌ల్‌ను రిజెక్ట్ చేస్తుంది.

పార్వ‌తీశం ప్రేమ‌ను మ‌హాల‌క్ష్మి ఎందుకు రిజెక్ట్ చేసింది? మ‌హాల‌క్ష్మి కుటుంబ‌నేప‌థ్య‌మేమిటి? మ‌హాల‌క్ష్మి ప్రేమ కోసం పార్వ‌తీశం ఎలాంటి త్యాగానికి సిద్ధ‌ప‌డ్డాడు? హీరో ప్రేమ‌ను కాద‌న్న పార్వ‌తీశం తండ్రి కొడుకు మంచి మ‌న‌సును ఎలా అర్థం చేసుకున్నాడా? లేదా? అన్న‌దే మార్కెట్ మ‌హాల‌క్ష్మీ మూవీ క‌థ‌.

సందేశంతో

పెళ్లి విష‌యంలో యువ‌త‌రం ఆలోచ‌న‌లు ఎలా ఉంటున్నాయ‌నే పాయింట్‌తో ద‌ర్శ‌కుడు వీఎస్ ముఖేష్ ఈ మూవీని తెర‌కెక్కించాడు. ఆడ‌పిల్ల‌ల‌కు ఇండిపెండెంట్‌గా బ‌తికే స్వేచ్ఛ ఉండాల‌నే సందేశాన్ని ఈ మూవీలో చూపించారు.

కేరింత మూవీతో ఎంట్రీ...

మార్కెట్ మ‌హాల‌క్ష్మీ మూవీలో కేదార్ శంక‌ర్‌, హ‌ర్ష‌వ‌ర్ధ‌న్‌, ముక్కు అవినాష్‌, భాష కీల‌క పాత్ర‌లు పోషించారు. హీరోయిన్‌గా ప్ర‌ణీకాన్వీకాకు ఇదే మొద‌టి మూవీ. కేరింత మూవీతో హీరోగా టాలీవుడ్‌లోకి ఎంట్రీ ఇచ్చాడు పార్వ‌తీశం. దిల్‌రాజు ప్రొడ్యూస్ చేసిన ఈ మూవీ బాక్సాఫీస్ వ‌ద్ద మంచి వ‌సూళ్ల‌ను రాబ‌ట్టింది.

ఆ త‌ర్వాత నాన్న నేను నా బాయ్‌ఫ్రెండ్స్‌, రోజులు మారాయి, సావిత్రి వైఫ్ ఆఫ్ స‌త్య‌మూర్తి, భ‌లే మంచి చౌక‌బేర‌మ్ తో పాటు ప‌లు చిన్న సినిమాల్లో హీరోగా పార్వ‌తీశం క‌నిపించాడు. అవేవీ అత‌డికి విజ‌యాల్నితెచ్చిపెట్ట‌లేక‌పోయాయి. ఈ ఫెయిల్యూర్స్‌తో సంబంధం లేకుండా వ‌రుస‌గా సినిమాలు చేస్తూనే ఉన్నాడు పార్వ‌తీశం.

WhatsApp channel