KGF Chapter 2 | బాహుబలిని మించిన కేజీఎఫ్ 2 కలెక్షన్లు
కేజీఎఫ్ ఛాప్టర్ 2 మూవీ సంచలనాలు కొనసాగుతూనే ఉన్నాయి. బాక్సాఫీస్ దగ్గర ఆ మూవీ కలెక్షన్ల సునామీ సృష్టిస్తోంది. ఆ దెబ్బకు బాహుబలి రికార్డులు బద్ధలయ్యాయి.
యశ్‌, ప్రశాంత్ నీల్‌ కాంబినేషన్‌లో వచ్చిన కేజీఎఫ్ ఛాప్టర్ 2 అంచనాలను మించి సక్సెస్‌ సాధించింది. ముఖ్యంగా బాక్సాఫీస్ దగ్గర కలెక్షన్ల విషయంలో దూసుకెళ్తోంది. సౌత్‌ కంటే ఎక్కువగా హిందీ బెల్ట్‌లో ఈ మూవీ దూకుడుకు గత రికార్డులు మరుగున పడుతున్నాయి. కేవలం హిందీలోనే బుధవారంతో ఈ మూవీ రూ.250 కోట్ల కలెక్షన్లు రాబట్టింది. ఈ క్రమంలో బాహుబలి 2 రికార్డును బీట్‌ చేసింది. బాహుబలి: కన్‌క్లూజన్‌ తొలి ఏడు రోజుల్లో రూ.247 కోట్లు వసూలు చేసింది.
ఇక ఓవరాల్‌గా చూస్తే బాహుబలి ఫస్ట్‌ పార్ట్‌ లైఫ్‌టైమ్‌ కలెక్షన్ల రికార్డును కేజీఎఫ్ ఛాప్టర్ 2 బద్ధలు కొట్టింది. ఈ మూవీ ప్రపంచవ్యాప్తంగా తొలి ఆరు రోజుల కలెక్షన్లు రూ.676.80 కోట్లుగా ఉంది. బాహుబలి లైఫ్‌ టైమ్‌ కలెక్షన్లు రూ.650 రికార్డును యశ్‌ మూవీ అధిగమించినట్లు ట్రేడ్‌ అనలిస్ట్‌ మనోబాల విజయబాల ట్వీట్‌ చేశాడు.
ప్రస్తుతం ఇండియాలో అత్యధిక వసూళ్లు సాధించిన మూవీల్లో కేజీఎఫ్ ఛాప్టర్ 2.. ఎనిమిదవ స్థానంలో ఉంది. ఇండియాలోనే కాదు అటు విదేశాల్లోనూ ఈ మూవీ డ్రీమ్‌ రన్‌ కొనసాగుతోంది. ఇప్పటికీ మూవీ టికెట్లు హాట్‌ కేకుల్లా అమ్ముడవుతున్నాయి. ఫస్ట్‌ పార్ట్‌కు మించి ఈ మూవీకి పాజిటివ్‌ టాక్‌ రావడంతో ఫ్యాన్స్‌ ఎగబడి చూస్తున్నారు. కన్నడనాట అన్ని రికార్డులనూ తిరగరాసిన ఈ మూవీ.. ఆశ్చర్యకరంగా తమిళనాడులోనూ విజయ్‌ మూవీ బీస్ట్‌ను బీట్‌ చేసింది.
సంబంధిత కథనం