Bigg Boss Telugu Winners: బాక్సాఫీస్ బ‌రిలో బిగ్‌బాస్ విన్న‌ర్స్ కౌశ‌ల్‌, స‌న్నీ - రిలీజ్ డేట్స్ ఫైనల్

Bigg Boss Telugu Winners: బిగ్‌బాస్ విన్న‌ర్స్ కౌశ‌ల్ మందా, వీజే స‌న్నీ త‌మ సినిమాల‌తో త్వ‌ర‌లో తెలుగు ప్రేక్ష‌కుల ముందుకు రాబోతున్నారు. వీజే స‌న్నీ హీరోగా న‌టించిన అన్‌స్టాపబుల్ మూవీ జూన్ 9న రిలీజ్ కానుంది.

ఈ సినిమా రిలీజ్ డేట్ పోస్ట‌ర్‌ను ఇటీవ‌ల మినిస్ట‌ర్ మ‌ల్లారెడ్డి రిలీజ్ చేశారు. డైమండ్ ర‌త్న‌బాబు ద‌ర్శ‌క‌త్వం వ‌హిస్తోన్నఈ సినిమాలో క‌మెడియ‌న్ స‌ప్త‌గిరి కీల‌క పాత్ర‌ను పోషిస్తోన్నాడు.

న‌క్ష‌త్ర, అక్షాఖాన్ హీరోయిన్‌గా న‌టిస్తోన్నారు. ఔట్ అండ్ ఔట్ ఎంట‌ర్‌టైన‌ర్‌గా ఈ మూవీ తెర‌కెక్కుతోంది. అన్‌స్టాప‌బుల్ టీజ‌ర్‌ను ఇటీవ‌ల నాగార్జున రిలీజ్ చేశారు. ఏటీఎమ్ సిరీస్‌తో చివ‌ర‌గా ప్రేక్ష‌కుల ముందుకొచ్చాడు వీజే స‌న్నీ. ఈ సిరీస్ త‌ర్వాత అత‌డు న‌టిస్తోన్న సినిమా ఇది.

కౌశ‌ల్ మందా రైట్‌...

మ‌రో బిగ్‌బాస్ విన్న‌ర్ కౌశ‌ల్ మందా కూడా ఓ తెలుగు సినిమాతో త్వ‌ర‌లో ప్రేక్ష‌కుల్ని ప‌ల‌క‌రించ‌బోతున్నాడు. రైట్‌పేరుతో రూపొందిన ఈ మూవీని మే 27న రిలీజ్ చేయ‌బోతున్నారు. కౌశ‌ల్ మందా బ‌ర్త్‌డే సంద‌ర్భంగా శ‌నివారం ఈ సినిమాలోని కొత్త పోస్ట‌ర్‌ను రిలీజ్ చేశారు.

ఇందులో మాస్ లుక్‌లో కౌశ‌ల్ క‌నిపిస్తోన్నాడు. రైట్ సినిమాకు శంక‌ర్ ద‌ర్శ‌క‌త్వం వ‌హిస్తోన్నాడు. బిగ్‌బాస్ సీజ‌న్ 2 విన్న‌ర్‌గా నిలిచాడు కౌశ‌ల్‌. ఈ రియాలిటీ షోతో టాలీవుడ్ ప్రేక్ష‌కుల‌కు చేరువైనా పెద్ద‌గా సినిమా అవ‌కాశాల్ని మాత్రం అందుకోలేక‌పోయాడు.

మ‌రోవైపు వీజే స‌న్నీ బిగ్‌బాస్ సీజ‌న్ 5 విజేత‌గా నిలిచాడు. బిగ్‌బాస్ విన్న‌ర్స్‌గా నిలిచిన ఈ ఇద్ద‌రి సినిమాలు ప‌ది రోజుల గ్యాప్‌లోనే ప్రేక్ష‌కుల ముందుకు రాబోతుండ‌టం గ‌మ‌నార్హం. ప్ర‌స్తుతం వీజే స‌న్నీ మ‌రికొన్ని సినిమాల‌తో పాటు వెబ్‌సిరీస్‌ల‌లోనూ న‌టిస్తోన్నాడు.