RRR vs Pushpa 2: ఆర్ఆర్ఆర్ కంటే పుష్ప -2 గొప్ప సినిమా - బాలీవుడ్ న‌టుడి ట్వీట్ వైరల్

RRR vs Pushpa 2 : గోల్డెన్ గ్లోబ్ స‌హా ప‌లు అంత‌ర్జాతీయ అవార్డుల‌ను కైవ‌సం చేసుకొని ఆర్ఆర్ఆర్ చ‌రిత్ర‌ను సృష్టించింది. బెస్ట్ ఒరిజిన‌ల్ సాంగ్ విభాగంలోనూ ఈ సినిమా ఆస్కార్‌కు నామినేట్ అయ్యింది. ఈ విభాగంలో ఆర్ఆర్ఆర్‌కు అవార్డ్ ద‌క్కే అవ‌కాశం ఉన్న‌ట్లు వార్త‌లు వినిపిస్తున్నాయి. గ‌త ఏడాది మార్చిలో రిలీజైన ఈ సినిమా 1200 కోట్ల‌కుపైగా క‌లెక్ష‌న్స్ రాబ‌ట్టి ఇండియాలో అత్య‌ధిక వ‌సూళ్ల‌ను రాబ‌ట్టిన సినిమాల్లో ఒక‌టిగా నిలిచింది.

ఆర్ఆర్ఆర్ సినిమాను అల్లు అర్జున్ అప్‌క‌మింగ్ సీక్వెల్ పుష్ప‌-2తో కంపేర్ చేస్తూ బాలీవుడ్ న‌టుడు క‌మ‌ల్ ఆర్ ఖాన్ చేసిన ట్వీట్ సోష‌ల్ మీడియాలో వైర‌ల్‌గా మారింది. పుష్ప -2 అన్ని రైట్స్‌కు క‌లిపి అల్లు అర్జున్ 1050 కోట్లు డిమాండ్ చేస్తున్నాడు. ఆర్ఆర్ఆర్ రైట్స్ మాత్రం 750 కోట్ల‌కే అమ్ముడుపోయాయి. ఆర్ఆర్ఆర్ కంటే పుష్ప -2నే గొప్ప సినిమా అని అల్లు అర్జున్ భావిస్తోన్నాడు అంటూ క‌మ‌ల్ ఆర్ ఖాన్ సెటైరిక‌ల్‌ ట్వీట్ చేశాడు.

అత‌డి ట్వీట్‌పై నెటిజ‌న్లు భిన్నంగా స్పందిస్తోన్నారు. కొంద‌రు ఆర్ఆర్ఆర్ కంటే పుష్ప బెట‌ర్ సినిమా అంటూ కామెంట్స్ చేస్తోన్నారు. పుష్ప -2 బాలీవుడ్‌లో హిట్ కావ‌డంలో రాజ‌మౌళిపాత్ర ఉంద‌ని మ‌రో నెటిజ‌న్ కామెంట్ చేశాడు. పుష్ప బ్రాండ్ అయితే ఆర్ఆర్ఆర్ బోరింగ్ మూవీ మ‌రో నెటిజ‌న్ పేర్కొన్నారు. మ‌రికొంద‌రు మాత్రం క‌మ‌ల్ ఆర్ ఖాన్‌పై సెటైర్స్ వేశారు.