Indian 2 Box Office Day 7: మళ్లీ దిగజారిన ఇండియన్ 2 కలెక్షన్స్.. వారం రోజుల్లో వచ్చింది ఎంతంటే?
Indian 2 Worldwide Box Office Collection Day 7: శంకర్ దర్శకత్వంలో కమల్ హాసన్ సేనాపతి పాత్రలో రెండోసారి నటించిన చిత్రం 'భారతీయుడు 2'. జూలై 12న విడుదలైన ఈ సినిమా వారం రోజులు పూర్తి చేసుకుంది. ఈ నేపథ్యంలో ఇండియన్ 2 7 డేస్ కలెక్షన్స్ ఎలా ఉన్నాయో చూద్దాం.
Indian 2 7 Days Box Office Collection: ఎన్నో అంచనాల మధ్య విడుదలైన ఇండియన్ 2 సినిమా ప్రేక్షకులను అంతగా మెప్పించలేకపోయింది. దీంతో ఆ రిజల్ట్ కలెక్షన్స్‌పై పడుతోంది. జూలై 12న విడుదలైన ఈ సినిమాకు మొదటి మూడు రోజుల కలెక్షన్స్ పర్వాలేదనిపించాయి.
ఆ తర్వాత కలెక్షన్లలో తగ్గుదల కనిపిచంది. ఇక వీక్ డేస్ అయిన సోమవారం, మంగళవారం అయితే దారుణంగా కలెక్షన్స్ పడిపోయాయి. అనంతరం రెండు మూడు రోజులగా రూ. 3 కోట్ల నెట్ కలెక్షన్స్‌తో నిలకడగా రాణిస్తున్న ఇండియన్ 2 సినిమాకు ఏడో రోజు మళ్లీ తగ్గుదల కనిపించింది. ఏడో రోజున ఇండియాలో భారతీయుడు 2 సినిమాకు కేవలం రూ. 2 కోట్ల నెట్ కలెక్షన్స్ మాత్రమే వసూలు అయ్యాయి.
అంటే, ఆరో రోజుతో పోలిస్తే ఏడో రోజున ఇండియన్ 2 చిత్రానికి వచ్చిన కలెక్షన్స్ 10 శాతం వరకు తగ్గిపోయాయి. అయితే, ఏడో రోజున వచ్చిన 2 కోట్ల కలెక్షన్లలో తెలగు నుంచి రూ. 46 లక్షలు, హిందీ నుంచి రూ. 31 లక్షలు, తమిళం నుంచి రూ. 1.21 కోట్లుగా ఉన్నాయి. ఇలా మొత్తంగా వారం రోజుల్లో ఇండియాలో భారతీయుడు 2 సినిమాకు రూ. 70.45 కోట్ల నెట్ కలెక్షన్స్ వసూలు అయ్యాయి.
అందులో నుంచి తమిళంలో రూ. 48.78 కోట్లు, తెలుగు వెర్షన్‌కు రూ. 16.80 కోట్లు, హిందీ బెల్ట్ నుంచి రూ. 5.41 కోట్లు వసూలు అయ్యాయి. ఇక ప్రపంచవ్యాప్తంగా వారం రోజుల్లో భారతీయుడు 2 చిత్రానికి రూ. 121.65కిపైగా గ్రాస్ కలెక్షన్స్ వచ్చాయి. కాగా పలు రిపోర్ట్స్ ప్రకారం ఇండియన్ 2 సినిమాకు మొదటి రోజు రూ. 25.6 కోట్లు వచ్చిన విషయం తెలిసిందే.
వాటిలో తమిళంలో రూ.16.5 కోట్లు, హిందీ నుంచి రూ.1.2 కోట్లు, తెలుగు నుంచి రూ.7.9 కోట్లుగా ఉన్నాయి. రెండో రోజున 18.2 కోట్లు (తమిళం: రూ.13.7 కోట్లు, హిందీ: రూ.1.3 కోట్లు; తెలుగు: రూ.3.2 కోట్లు) వసూలు చేసింది ఈ చిత్రం. మూడో రోజున 15.35 కోట్లు (తమిళం: రూ.11.35 కోట్లు, హిందీ: రూ.1.4 కోట్లు; తెలుగు: రూ.2.6 కోట్లు) కలెక్షన్స్ వచ్చాయి.
ఇక నాలుగో రోజు భారతీయుడు 2 కలెక్షన్స్ తగ్గుముఖం పట్టాయి. 4వరోజున రూ.3 కోట్లు (తమిళం: రూ.2 కోట్లు, హిందీ: రూ.35 లక్షలు; తెలుగు: రూ.65 లక్షలు) రాబట్టింది. ఇక లైకా ప్రొడక్షన్స్ బ్యానర్‌లో భారతీయుడు 2 రూపొందింది.
ఈ చిత్రంలో కమల్ హాసన్ సేనాపతి పాత్రలో నటించారు. మనీషా కొయిరాలా, ఊర్మిళ మటోండ్కర్, కస్తూరి శంకర్ ప్రధాన పాత్రల్లో నటించిన ఇండియన్ సినిమాకు 'ఇండియన్ 2' సీక్వెల్ అని తెలిసిందే.
