Bigg Boss Telugu: అదంతా ముష్టి బ్యాచ్, ముష్టి నాయాళ్లు.. మళ్లీ నోరుజారిన శివాజీ

Bigg Boss 7 Telugu Day 102 Episode Highlights: బిగ్ బాస్ 7 తెలుగు సీజన్‌లో ప్రస్తుతం ఫినాలే వీక్ నడుస్తోంది. హౌజ్‌లో టాప్ 6 కంటెస్టెంట్స్ ఉన్నారు. డిసెంబర్ 17న గ్రాండ్ ఫినాలే నిర్వహించి టైటిల్ విజేతను ప్రకటించనున్నారు. ఇదిలా ఉంటే ఈ వారం రోజులు సరదా టాస్క్‌లు, బిగ్ బాస్ జర్నీలతో సాగనుంది. ఇప్పటికే టాప్ 6 కంటెస్టెంట్స్ బిగ్ బాస్ జర్నీలు ప్లే చేశారు. ఇక తాజా ఎపిసోడ్‌లో హౌజ్ మేట్స్ ఇంటి నుంచి వచ్చిన ఫుడ్ కోసం టాస్క్‌లు పెట్టారు.

అయితే కంటెస్టెంట్ల తీరు బోర్ కొట్టిస్తుందని బిగ్ బాస్ హౌజ్‌లోకి గ్రహంతరవాసులు వచ్చారు. వేరే గ్రహం నుంచి హాచీ వచ్చింది. తనే హౌజ్ మేట్స్ కోసం ఇంటి నుంచి ఫుడ్ తీసుకొచ్చి గెలవాల్సిందిగా చెప్పింది. అర్జున్ కోసం భార్య వీడియో మెసేజ్‌తోపాటు తనకు ఇష్టమైన ఫుడ్ పంపింది. దాన్ని షేక్ బేబీ షేక్ టాస్క్ గెలిచి అర్జున్‌కు అందేలా చేశాడు ప్రిన్స్ యావర్. అనంతరం ఆ ఫుడ్‌ను అందరితో కలిసి షేర్ చేసుకున్నాడు అర్జున్.

టాస్క్ తర్వాత స్పై బ్యాచ్ (శివాజీ, ప్రశాంత్, యావర్) కూర్చుని సీజన్ మొత్తంలో వాళ్లను ఎక్కువగా ఎవరు నామినేట్ చేశారని మాట్లాడుకున్నారు. సందీప్, ప్రియాంక, శోభా శెట్టి, అమర్ దీప్ తనను ఎక్కువగా నామినేట్ చేసేవారని ప్రిన్స్ యావర్ చెప్పాడు. అనంతరం మిమ్మల్ని ఎక్కువగా ఎవరు నామినేట్ చేసేవారని శివాజీని అడిగాడు. "ఈ ముష్టి బ్యాచే. అన్ని ముష్టి పాయింట్లు చెబుతారు వాళ్లు. ఒక్కటి కూడా సరిగ్గా.. లాజికల్‌గా మీరు ఇలా తప్పు చేశారు అని చెప్పరు" అని శివాజీ అన్నాడు.

"మీ ఆట నాకు నచ్చలేదు అంటారు. చివరి నామినేషన్‌లో శోభా కూడా అలాగే చెప్పింది. మరి తనదేమైనా ఒలింపిక్ పర్ఫామెన్సా. వాళ్లవి అన్నీ అంతే. అమర్ కూడా మీ ఆట నాకు నచ్చలేదు అంటాడు. మరి వాళ్ల ఆట ఏమైనా బాగుందా. వాళ్లు కూడా ఇంతే ఆడారుగా. ముష్టి పాయింట్లు, ముష్టి నాయాళ్లు" అని మరోసారి స్పా బ్యాచ్ (శోభా శెట్టి, ప్రియాంక, అమర్)పై నోరు జారాడు శివాజీ.