Allu Arjun |పుష్ప‌-2 షూటింగ్ మొద‌ల‌య్యేది అప్పుడే..

అల్లు అర్జున్ హీరోగా సుకుమార్ ద‌ర్శ‌క‌త్వంలో రూపొందిన ‘పుష్ప’ గ‌త ఏడాది టాలీవుడ్‌లో అత్య‌ధిక వ‌సూళ్ల‌ను సాధించిన సినిమాల్లో నంబ‌ర్‌వ‌న్ స్థానంలో నిలిచింది. క‌రోనా ఉధృతి ఎక్కువ‌గా ఉన్న సమయంలో రిలీజ్ అయిన ఈ సినిమా అడ్డంకులను దాటుకొని బాక్సాఫీస్ వ‌ద్ద భారీ విజ‌యాన్ని న‌మోదు చేసుకున్న‌ది.

అల్లు అర్జున్ కెరీర్‌లో బిగ్గెస్ట్ హిట్‌గా నిలిచింది. ఎర్ర‌చంద‌నం అక్ర‌మ ర‌వాణా నేప‌థ్యంలో రియ‌లిస్టిక్‌గా ద‌ర్శ‌కుడు సుకుమార్ ఈ సినిమాను తెర‌కెక్కించారు. ముఖ్యంగా కూలీగా జీవితాన్ని మొద‌లుపెట్టి సిండికేట్ నాయ‌కుడిగా ఎదిగిన పుష్ప‌రాజ్ అనే యువ‌కుడిగా బ‌న్నీ న‌ట‌న‌కు ప్ర‌శంస‌లు ద‌క్కాయి. ఎమోష‌న్స్‌,యాక్ష‌న్‌,హీరోయిజం అంశాల‌తో మాస్ కోణంలో సాగిన పాత్ర‌లో బ‌న్నీ అస‌మాన న‌ట‌న‌ను క‌న‌బ‌రిచాడు. ‘పుష్ప’ సినిమాలో అత‌డి డైలాగ్స్‌,పాట‌ల్లో వేసిన స్టెప్పులు పాపుల‌ర్ అయ్యాయి.

ఈ నేప‌థ్యంలో ‘పుష్ప‌-2’ పై అంచ‌నాలు భారీగా పెరిగిపోయాయి. ఈ సినిమా కోసం భాషాభేదాల‌కు అతీతంగా సినీ అభిమానులంద‌రూ ఆస‌క్తిగా ఎదురుచూస్తున్నారు. జూన్ లేదా జూలైలో సెకండ్ పార్ట్ షూటింగ్ ప్రారంభంకాబోతున్న‌ట్లు స‌మాచారం. ప్ర‌స్తుతం స్ర్కిప్ట్ కు కు తుది మెరుగులు దిద్దే పనిలో సుకుమార్ ఉన్నట్లు తెలిసింది. డైలాగ్స్ విషయంలో సుకుమార్ స్పెషల్ కేర్ తీసుకుంటున్నట్లు చెబుతున్నారు.వచ్చే ఏడాది వేసవిలో ఈ సినిమాను రిలీజ్ చేయనున్నట్లు తెలిసింది. శుక్రవారం అల్లు అర్జున్ పుట్టినరోజు సందర్భంగా అతడికి శుభాకాంక్షలు చెప్పింది చిత్ర నిర్మాణ సంస్థ. తన సామ్రాజ్యాన్ని పాలించడానికి పుష్ప సిద్ధమయ్యాడు అంటూ పేర్కొన్నది. ఫ్యామిలీ ఎమోష‌న్స్ తో పాటు పోలీస్ ఆఫీస‌ర్ భన్వర్ సింగ్ తో పుష్ప పోరాటం ప్ర‌ధానంగా సెకండ్ పార్ట్ తెరకెక్కనున్నట్లు సమాచారం.