Mizoram election results : మిజోరంలో ఆ రెండు ప్రాంతీయ పార్టీల మధ్య హోరాహోరీ పోరు!

Mizoram election results : మిజోరం అసెంబ్లీ ఎన్నికల ఫలితాల ఓట్ల లెక్కింపు ప్రక్రియ సోమవారం కొనసాగుతోంది. ఎర్లీ ట్రెండ్స్​ ప్రకారం.. అధికార మిజో నేషనల్​ ఫ్రెంట్​- జోరం పీపుల్స్​ మూవ్​మెంట్​ పార్టీల మధ్య హోరాహోరీ పోరు కనిపిస్తోంది. ఈ రెండు కూడా ప్రాంతీయ పార్టీలే!

మిజోరం ఎన్నికల ఫలితాలు 2023..

మిజోరంలో మొత్తం 40 అసెంబ్లీ సీట్లు ఉన్నాయి. ప్రభుత్వాన్ని ఏర్పాటు చేసేందుకు 21 సీట్ల మెజారిటీ అవసరం ఉంది. ఉదయం 9:20 గంటల వరకు.. ఎర్లీ ట్రెండ్స్​ ప్రకారం.. సీఎం జోరంథంగ నేతృత్వంలోని ఎమ్​ఎన్​ఎఫ్​.. 14 సీట్ల ఆధిక్యంలో ఉంది.​ విపక్ష జెడ్​పీఎం.. 12 సీట్లల్లో లీడ్​లో ఉంది. ఫలితంగా.. ఈ రెండు పార్టీల మధ్య హోరాహోరీ పోరు తప్పదనే సంకేతాలు స్పష్టంగా కనిపిస్తున్నాయి. ఇక వీటికి దూరంగా.. కాంగ్రెస్​ కేవలం 2 సీట్లల్లో లీడ్​లో ఉండగా.. ఇతరులు.. 2 చోట్ల ఆధిక్యంలో ఉన్నారు.

Mizoram election results live updates : వాస్తవానికి ఛత్తీస్​గఢ్​, రాజస్థాన్​, తెలంగాణ, మధ్యప్రదేశ్​తో పాటు.. మిజోరం ఎన్నికల ఫలితాలు కూడా ఆదివారమే వెలువడాల్సి ఉంది. కానీ ఓట్ల లెక్కింపు ప్రక్రియ సోమవారానికి వాయిదా పడింది.

మిజోరంలో నవంబర్​ 7న ఎన్నికలు జరిగాయి. రాష్ట్రంలో మొత్తం 8.57లక్షల మంది ఓటర్లు ఉండగా.. 80.66శాతం మంది తమ ఓటు హక్కును వినియోగించుకున్నారు.

Mizoram election results 2023 live : 2018లో అప్పటివరకు అధికారంలో ఉన్న కాంగ్రెస్​ను గద్దె దించి.. ఎమ్​ఎన్​ఎఫ్​ అధికారంలోకి వచ్చింది. నాడు.. 26 సీట్లల్లో గెలిచి ప్రభుత్వాన్ని ఏర్పాటు చేసింది. అప్పుడే కొత్తగా ఏర్పడిన జెడ్​పీఎంకు 8 సీట్లు వచ్చాయి. కాంగ్రెస్​ కేవలం 5 స్థానాలకే పరిమితమైంది బీజేపీ కేవలం ఒక్క సీటుతో సరిపెట్టుకుంది.

తాజా ఎన్నికల్లో ఎమ్​ఎన్​ఎఫ్​, జెడ్​పీఎం, కాంగ్రెస్​లు మొత్తం 40 సీట్లల్లో పోటీ చేశారు. బీజేపీ మాత్రం 23 అభ్యర్థులతోనే బరిలో దిగింది.