WhatsApp data breach : వాట్సాప్​ డేటా బ్రీచ్​.. 50కోట్ల మంది యూజర్ల వివరాలు లీక్​!-whatsapp data breach 500 million users phone numbers on sale ,బిజినెస్ న్యూస్
తెలుగు న్యూస్  /  Business  /  Whatsapp Data Breach, 500 Million Users Phone Numbers On Sale

WhatsApp data breach : వాట్సాప్​ డేటా బ్రీచ్​.. 50కోట్ల మంది యూజర్ల వివరాలు లీక్​!

Chitturi Eswara Karthikeya Sharath HT Telugu
Nov 26, 2022 11:58 AM IST

WhatsApp data breach : వాట్సాప్​లో వినియోగదారుల డేటా లీక్​ అయినట్టు తెలుస్తోంది. యూజర్ల వాట్సాప్​ నెంబర్లు.. ఆన్​లైన్​లో అమ్మకానికి ఉన్నట్టు సమాచారం.

వాట్సాప్​ డేటా బ్రీచ్​.. 50కోట్ల మంది యూజర్ల వివరాలు లీక్​!
వాట్సాప్​ డేటా బ్రీచ్​.. 50కోట్ల మంది యూజర్ల వివరాలు లీక్​! (PTI)

WhatsApp data breach : వాట్సాప్​ డేటా బ్రీచ్​ మరోమారు కలకలం సృష్టించింది. వాట్సాప్​ను వాడుతున్న 500మిలియన్​(50కోట్లు) మంది ఫోన్​ నెంబర్​లు లీక్​ అయినట్టు తెలుస్తోంది. వాటిని ఆన్​లైన్​లో సేల్​కు పెట్టినట్టు సమాచారం. ఇదే నిజమైతే.. వాట్సాప్​ చరిత్రలోనే అతిపెద్ద డేటా లీక్​గా ఈ ఘటన నిలిచిపోతుంది.

ట్రెండింగ్ వార్తలు

సైబర్​న్యూస్​ నివేదిక ప్రకారం.. హ్యాకింగ్​ కమ్యూనిటీ ఫోరంలో ఓ యాడ్​ను చూసినట్టు ఓ వ్యక్తి చెప్పాడు. 2022 డేటాబేస్​ నుంచి 487మిలియన్​ మంది వాట్సాప్​ యూజర్ల ఫోన్​ నెంబర్లను అమ్మకానికి పెట్టినట్టు పేర్కొన్నాడు. ఇండియా, సౌదీ అరేబియా, ఇటలీ, ఈజిప్ట్​, యూకే, యూఎస్​తో పాటు 84 దేశాలకు చెందిన వాట్సాప్​ యూజర్ల ఫోన్​ నెంబర్లు ఉన్నట్టు తెలిపాడు.

ఈ డేటాతో సైబర్​ నేరగాళ్లు ఫిషింగ్​ దాడులకు పాల్పడే అవకాశం ఉంది. అందువల్ల.. తెలియని ఫోన్​ నెంబర్ల నుంచి మెసేజ్​లు, ఫోన్​ కాల్స్​ వస్తే అటెండ్​ చేయవద్దని నిపుణులు సూచిస్తున్నారు.

సేల్​కు వాట్సాప్​ డేటాసెట్​..!

WhatApp phone number on sale : ఈ డేటా బ్రీచ్​లో అమెరికాకు చెందిన 32 మిలియన్​ మంది రికార్డులు ఉన్నట్టు నివేదిక పేర్కొంది. ఈజిప్ట్​ నుంచి 45మిలియన్​, ఇటలీ నుంచి 35మిలియన్​, సౌదీ నుంచి 29మిలియన్​, ఫ్రాన్స్​నుంచి 20మిలియన్​, టర్కీ నుంచి 20మిలియన్​ మంది డేటా ఉన్నట్టు పేర్కొంది. రష్యా నుంచి 10మిలియన్​ మంది, యూకే నుంచి 11మిలియన్​ మంది వాట్సాప్​ డేటా లీక్​ అయినట్టు స్పష్టం చేసింది.

యూఎస్​ డేటా సెట్​ను 7000డాలర్లు(సుమారు రూ. 5,71,690)కి, యూకే డేటా సెట్​ను 2,500డాలర్లు(రూ. 2,04,175)కి, జర్మనీ డేటా సెట్​ను 2000డాలర్లు(రూ. 1,63,340)కి అమ్ముతున్నట్టు నివేదిక పేర్కొంది. ఈ ఫోన్​ నెంబర్లన్నీ.. మెటా ఆధారిత వాట్సాప్​లో యాక్టివ్​గానే ఉన్నట్టు వివరించింది.

WhatsApp data on sale : మెటాలో ఫేస్​బుక్​, వాట్సాప్​, ఇన్​స్టాగ్రామ్​లు ఉన్నాయి. కాగా.. వీటిల్లో డేటా లీక్​ అనేది కొత్త విషయమేమీ కాదు. గతేడాది.. ఓ వ్యక్తి.. ఫేస్​బుక్​కు చెందిన 500మిలియన్​ మంది డేటాను ఆన్​లైన్​లో ఫ్రీగా ఆఫర్​ చేశాడు. ఈ డేటాలో వ్యక్తిగత వివరాలు, ఫోన్​ నెంబర్లు కూడా ఉన్నాయి.

WhatsApp channel

సంబంధిత కథనం