iPhone 15 price: ఐ ఫోన్ 15 ధర ఎంత ఉండబోతోందో తెలుసా? ఇండస్ట్రీ అంచనా ఇదే..

iPhone 15 price: సెప్టెంబర్ 12న జరిగే యాపిల్ ఈవెంట్ లో ఐ ఫోన్ 15 సిరీస్ ఫోన్స్ లాంచ్ కానున్నాయి. అంటే, ఐ ఫోన్ లవర్స్ ఎదురు చూపులు మరో 10 రోజుల్లో ఫలించనున్నాయి. ఇప్పటివరకు ఐ ఫోన్ 15 కు ఫీచర్స్, అప్ డేట్స్, స్పెసిఫికేషన్స్, ప్రైస్ కు సంబంధించి చాలా అంచనాలు వెలువడ్డాయి. కానీ అవన్నీ వాస్తవాలో కాదో, సెప్టెంబర్ 12న తెలియనున్నది.

కెమెరా అప్ గ్రేడ్

యాపిల్ సంస్థ ఐ ఫోన్ 14 లో పెద్దగా అప్ గ్రేడ్స్ ఏమీ చేయలేదు. దాదాపు అన్ని ఐ ఫోన్ 13 ఫీచర్స్ నే కొనసాగించింది. అయితే, ఐ ఫోన్ 15 లో మాత్రం చాలా అప్ గ్రేడ్స్ ఉండబోతున్నాయని తెలుస్తోంది. ముఖ్యంగా అద్భుతమైన కెమెరా క్వాలిటీతో ముందంజలో ఉన్న సామ్సంగ్ ప్రీమియం ఫోన్లతో పోటీ పడాలంటే కెమెరా క్వాలిటీని పెంచాల్సిందేనని యాపిల్ నిర్ణయించుకున్నట్లు తెలుస్తుంది. అందువల్ల ఐ ఫోన్ 15 లో అడ్వాన్స్డ్ CMOS image sensor (CIS) టెక్నాలజీ తో 48 ఎంపీ ప్రైమరీ రియర్ కెమెరా ను పొందుపర్చనుందని సమాచారం. అలాగే, ఐ ఫోన్ 14 ప్రొ తో స్టార్ట్ చేసిన డైనమిక్ ఐలాండ్ డిజైన్ ను మరింత మెరుగుపర్చి ఐ ఫోన్ 15 లో పొందుపర్చనున్నారు.

యూఎస్బీ సీ పోర్ట్

ఐ ఫోన్ 15 సిరీస్ ఫోన్లలో చార్జింగ్ కూడా యూరోప్ యూనియన్ నిబంధనల ప్రకారం యూఎస్బీ టైప్ సీ కనెక్టర్ చార్జర్ ను అందివ్వనున్నారు. అలాగే, ఐ ఫోన్ 15 సిరీస్ ఫోన్లలో ఏ 16 బయోనిక్ చిప్ సెట్ ను అమర్చనున్నారు. కొన్ని ఎంపిక చేసిన మోడల్స్ కు ఏ 17 బయోనిక్ చిప్ సెట్ ను అమర్చే అవకాశముంది. ఐఫోన్ 15 సిరీస్ ఫోన్స్ బ్లాక్, వైట్, బ్లూ, పింక్ రంగుల్లో రానున్నాయి.

ధర ఎంత?

మరో 10 రోజుల్లో ఐ ఫోన్ 15 సిరీస్ ఫోన్స్ లాంచ్ అవుతున్న నేపథ్యంలో ఇప్పుడు అందరి దృష్టి వాటి ధరపైననే ఉంది. ఐ ఫోన్ 15 ధర ఎంత ఉండోబోతోందన్న అంచనాలు స్మార్ట్ ఫోన్ మార్కెట్ లో ఊపందుకున్నాయి. ఐ ఫోన్ 14 సిరీస్ తో పోలిస్తే, ఐ ఫోన్ 15 ప్రో, ఐ ఫోన్ 15 ప్రొ మాక్స్ ధర 100 డాలర్ల నుంచి 200 డాలర్ల వరకు ఎక్కువ ఉండొచ్చని భావిస్తున్నారు. ఐ ఫోన్ 15 ధరలో అంత ఎక్కువ పెరుగుదల ఉండకపోవచ్చని, ఖఐ ఫోన్ 15 799 డాలర్లకు లభించవచ్చని అంచనా వేస్తున్నారు. అంటే, ఐ ఫోన్ 15 భారత్ లో సుమారు రూ. 79900 లకు లభించే అవకాశం ఉంది.