Vivo Phone Discount : వివో ఫోన్ మీద మంచి డిస్కౌంట్.. 50 ఎంపీ కెమెరా, 5000mAh బ్యాటరీ
Vivo Y200e 5G Discount : వివో ఫోన్ కొనాలని చూస్తున్నారా? అయితే మీ కోసం మంచి డిస్కౌంట్ అందుబాటులో ఉంది. వివో వై200ఈ 5జీ ఫోన్‌ను తక్కువ ధరలో కొనుగోలు చేయవచ్చు.
వివో ఫోన్ ఇష్టపడేవారి కోసం మంచి ఆఫర్ దొరుకుతుంది. కస్టమర్లకు నచ్చే విధంగా ఈ కంపెనీ నుంచి కొత్త ఫోన్లు వస్తున్నాయి. దానికి తగ్గట్టుగానే.. అనేక స్మార్ట్‌ఫోన్‌లపై మంచి ఆఫర్స్ ప్రకటిస్తోంది. వివో వై200ఈ 5G మొబైల్‌ను రూ.3,500 డిస్కౌంట్‌తో పొందవచ్చు. అంతేకాకుండా బ్యాంక్ ఆఫర్, నో కాస్ట్ ఈఎంఐ, ఎక్స్ఛేంజ్ ఆఫర్ కూడా అందుబాటులో ఉన్నాయి. ఈ 5జీ ఫోన్‌ను తక్కువ ధరకు కొనుగోలు చేయవచ్చు. దీనికి సంబంధించిన పూర్తి వివరాలు ఇక్కడ చూడండి..
వివో వై200ఈ 5జీ మొబైల్ ఫిబ్రవరి నెలలో విడుదలైంది. రెండు స్టోరేజ్ ఆప్షన్స్‌లో ఫోన్ లభిస్తుంది. ఈ ఫోన్‌లో 50-మెగాపిక్సెల్ ప్రధాన కెమెరా, 16 మెగాపిక్సెల్ సెల్ఫీ కెమెరా ఉన్నాయి. ఇది స్నాప్‌డ్రాగన్ 4 జెన్ 2 ప్రాసెసర్‌పై పనిచేస్తుంది. ఈ మొబైల్ 6.67 అంగుళాల డిస్‌ప్లేను కలిగి ఉంది. ఇది 5000mAh బ్యాటరీ, 44W ఫాస్ట్ ఛార్జింగ్‌తో సహా అనేక ఫీచర్లు ఉన్నాయి.
వివో వై200ఈ 5జీ ఫోన్ రెండు స్టోరేజ్ ఆప్షన్‌లపై రూ. 3,500 వరకు తగ్గింపును ప్రకటించింది. కంపెనీ 6జీపీ ర్యామ్ ప్లస్ 128జీబీ స్టోరేజ్ వేరియంట్‌ను రూ.19,999కి విడుదల చేసింది. దీని పైన 2,000 కూపన్ తగ్గింపు, 1,500 రూ బ్యాంక్ ఆఫర్ అందుబాటులో ఉంది. డిస్కౌంట్ తర్వాత రూ.16,499కి కొనుగోలు చేయవచ్చు.
వివో వై200ఈ 5జీ 8జీబీ ర్యామ్ ప్లస్ 128జీబీ స్టోరేజ్ వేరియంట్ రూ. 20,999 వద్ద ఉంది. ప్రస్తుతం రూ.1,500 కూపన్ తగ్గింపు, 1,500 బ్యాంక్ ఆఫర్ అందుబాటులో ఉంది. 17,999 తగ్గింపుతో కొనుగోలు చేయవచ్చు. కంపెనీ 3 నుండి 6 నెలల నో కాస్ట్ ఈఎంఐ ఆప్షన్ అందిస్తోంది. అంతేకాకుండా రూ. 19,600 ఎక్స్చేంజ్ ఆఫర్ అందుబాటులో ఉంది.
వివో వై200ఈ 5జీ మొబైల్ 6.67 అంగుళాల అమోఎల్ఈడీ డిస్‌ప్లేను కలిగి ఉంది. ఇది పూర్తి హెచ్‌డీ ప్లస్ రిజల్యూషన్, 120Hz రిఫ్రెష్ రేట్, 1,200 నిట్స్ గరిష్ట బ్రైట్‌నెస్‌కు మద్దతు ఇస్తుంది. ఈ స్నాప్‌డ్రాగన్ 4 జెన్ 2 ప్రాసెసర్‌తో కంపెనీ విడుదల చేసింది. ఈ స్మార్ట్‌ఫోన్ ఆండ్రాయిడ్ 14 ఆధారిత ఫన్‌టచ్ ఓఎస్‌లో పనిచేస్తుంది.
వివో వై200ఈ 5జీ స్మార్ట్‌ఫోన్‌లో 50-మెగాపిక్సెల్ ప్రైమరీ కెమెరా ఉంది. 2-మెగాపిక్సెల్ సెకండరీ కెమెరా, ఫ్లికర్ సెన్సార్, ఎల్ఈడీ ఫ్లాష్ కూడా ఉన్నాయి. సెల్ఫీలు, వీడియో కాలింగ్ కోసం ఫోన్ 16-మెగాపిక్సెల్ ఫ్రంట్ కెమెరాను అందిస్తుంది. ఫోన్‌లో కంపెనీ 5000mAh కెపాసిటీ బ్యాటరీని ఇన్‌స్టాల్ చేసింది. దీనిని ఛార్జ్ చేయడానికి 44W ఫాస్ట్ ఛార్జింగ్ ఆప్షన్ ఉంది. నీరు, దుమ్ము నుండి రక్షణ కోసం ఐపీ54 రేటింగ్‌ను కలిగి ఉంది.
