Vivo V40e vs Vivo V40 : ఈ రెండు వీ- సిరీస్​ స్మార్ట్​ఫోన్స్​లో ఏది బెస్ట్​? ఏది వాల్యూ ఫర్​ మనీ?

వివో వీ సిరీస్​కి ఇండియాలో మంచి డిమాండ్​ ఉంది. ప్రస్తుతం ఈ వీ సిరీస్​లో వివో వీ40, వివో వీ40 ప్రో, వివో వీ40ఈ అనే మూడు మోడళ్లు ఉన్నాయి. మీరు ఈ స్మార్ట్​ఫోన్స్​లో దేనినైనా కొనాలని ఆలోచిస్తున్నారా? ఏది ఎంచుకోవాలో తెలియక అయోమయంలో ఉన్నారా? అయితే ఇది మీకోసమే! కొత్తగా లాంచ్ అయిన వివో వీ40ఈ- వివో వీ40ల స్పెసిఫికేషన్స్​ని పోల్చి, ఈ రెండింట్లో ఏది బెస్ట్​? అన్నది ఇక్కడ తెలుసుకుందాము..

వివో వీ40ఈ వర్సెస్ వివో వీ40..

డిజైన్ మరియు డిస్ ప్లే: డిజైన్ పరంగా వివో వీ40ఈ- వివో వీ40 చాలా ఒకే విధంగా ఉంటాయి. అయితే కెమెరా లేఅవుట్లు కొద్దిగా భిన్నంగా ఉంటాయి. వీ40ఈలో ప్లాస్టిక్ రేర్ ప్యానెల్ ఉంటుంది. ఇది గణనీయంగా తేలికగా ఉంటుంది. అయితే వీ40 గ్లాస్ బ్యాక్​ను కలిగి ఉంది. వివో వీ40 స్మార్ట్ ఆరా లైట్​ను కూడా కలిగి ఉంది. అయితే వీ40ఈ సాధారణ ఫ్లాష్ లైట్​ను కలిగి ఉంది.

వివో వీ40ఈలో 120 హెర్ట్జ్ రిఫ్రెష్ రేట్​తో 6.77-ఇంచ్​ 3డీ కర్వ్డ్ అమోలెడ్ డిస్​ప్లే ఉంటుంది. వివో వీ40 స్మార్ట్​ఫోన్​లో 6.78 ఇంచ్​ ఫుల్​ హెచ్​డీ+ అమోఎల్ఈడీ డిస్​ప్లే, 120 హెర్ట్జ్ రిఫ్రెష్ రేట్, 4500 ఇంచ్​ పీక్ బ్రైట్నెస్ ఉన్నాయి. వివో వీ40ఈ ఖచ్చితమైన బ్రైట్​నెస్​ నిట్స్​ని ప్రస్తుతానికి వెల్లడించలేదు.

కెమెరా: కెమెరా పరంగా, వివో వీ40 లో ఓఐఎస్ సపోర్ట్​తో 50 మెగాపిక్సెల్ ఏఎఫ్ ప్రధాన కెమెరా, 50 మెగాపిక్సెల్ ఏఎఫ్ వైడ్ యాంగిల్ సెకండరీ కెమెరాతో కూడిన జియోస్-ఇంటిగ్రేటెడ్ డ్యూయెల్ కెమెరా సెటప్ ఉంది. వీ40ఈ స్మార్ట్​ఫోన్ డ్యూయల్ కెమెరా వ్యవస్థతో వస్తుంది. ఇందులో 50 మెగాపిక్సెల్ సోనీ ఐఎంఎక్స్ 882 ప్రధాన కెమెరా ఓఐఎస్ సపోర్ట్, 8 మెగాపిక్సెల్ అల్ట్రావైడ్ కెమెరా ఉన్నాయి. ముందువైపు రెండు స్మార్ట్​ఫోన్స్​లోనూ 50 మెగాపిక్సెల్ సెల్ఫీ కెమెరాను అందిస్తున్నాయి.

పనితీరు, బ్యాటరీ: మల్టీటాస్కింగ్, పనితీరు పరంగా చూస్తే, వివో వీ40ఈలో మీడియాటెక్ డైమెన్సిటీ 7300 ప్రాసెసర్, 8 జీబీ LPDDR4X ర్యామ్, 256 జీబీ వరకు యూఎఫ్ఎస్ 2.2 స్టోరేజ్ ఉన్నాయి. వివో వి40లో క్వాల్కమ్​ స్నాప్​డ్రాగన్ 7 జెన్ 3 ఎస్​ఓసీ 12జీబీ ర్యామ్, 256 జీబీ స్టోరేజ్ ను కలిగి ఉంది. లాంగ్​ ల్యాస్టింగ్​ పర్ఫార్మెన్స్​ కోసం, వీ40ఈ, వీ40లో 5500 ఎంఏహెచ్ బ్యాటరీ ఉంటుంది. ఇది 80 వాట్ ఫాస్ట్ ఛార్జింగ్​కు మద్దతు ఇస్తుంది.

ధరలను చెక్​ చేయండి: వివో వీ40ఈ 8 జిబి ర్యామ్ + 128 జిబి స్టోరేజ్ వేరియంట్ ప్రారంభ ధర రూ .28,999. వివో వీ40 స్మార్ట్​ఫోన్​ 8 జీబీ ర్యామ్+ 128 జీబీ స్టోరేజ్ వేరియంట్ ధరను రూ.34,999గా నిర్ణయించారు.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..