Upcoming smartphones in August : ఆగస్ట్​లో లాంచ్​కు సిద్ధమవుతున్న స్మార్ట్​ఫోన్స్​ ఇవే..!

Upcoming smartphones in August : ఆగస్ట్​లో కొత్త కొత్త లాంచ్​లతో స్మార్ట్​ఫోన్స్​ మార్కెట్​ కళకళలాడిపోనుంది. ఇండియాతో పాటు అంతర్జాతీయ మార్కెట్​లో పలు ఆకర్షిణీయమైన గ్యాడ్జెట్స్ బయటకు రానున్నాయి. ఈ నేపథ్యంలో మొబైల్స్​ లాంచ్​తో పాటు వాటి ఫీచర్స్​ వంటి వివరాలను ఇక్కడ తెలుసుకుందాము..

షావోమీ మిక్స్​ ఫోల్డ్​ 3..

మిక్స్​ ఫోల్డ్​ 3పై షావోమీ భారీ ఆశలే పెట్టుకుంది. చైనాలో ఇది ఆగస్ట్​లో లాంచ్​కానుంది. శామ్​సంగ్​ గెలాక్సీ జెడ్​ ఫోల్డ్​ 5కి ఇది గట్టిపోటీనిచ్చే విధంగా ఉంటుందని సమాచారం. ఇందులోని కెమెరా ఫీచర్​ హైలైట్​గా ఉంటుందని తెలుస్తోంది.

వివో వీ29 సిరీస్​..

Vivo V29 series launch : వీ29 సిరీస్​ను అంతర్జాతీయ మార్కెట్​లో లాంచ్​ చేసేందుకు ఏర్పాట్లు చేసుకుంటోంది వివో సంస్థ. ఈ సిరీస్​లో వివో వీ29, వివో వీ29 ప్రో వంటి మోడల్స్​ ఉంటాయి. వివో ఎస్​17 సిరీస్​కు ఇవి రీబ్రాండెడ్​ వర్షెన్​లని సమాచారం. ఆగస్ట్​లో చైనాలో లాంచ్​ తర్వాత ఇది ఇండియాలోకి కూడా రానుంది.

రియల్​మీ జీటీ 5..

పలు నివేదికల ప్రకారం.. జీటీ5ని అంతర్జాతీయంగా ఆవిష్కరించేందుకు సిద్ధమవుతోంది రియల్​మీ సంస్థ. ఇదొక ఫ్లాగ్​షిప్​ మోడల్​. స్నాప్​డ్రాగన్​ 8 జెన్​ 2 ఎస్​ఓసీ చిప్​సెట్​ ఇందులో ఉంటుంది. 144హెచ్​జెడ్​ ఓఎల్​ఈడీ డిస్​ప్లే స్టన్నింగ్​గా ఉండనుంది. 50ఎంపీతో కూడిన ట్రిపుల్​ రేర్​ కెమెరా దీని సొంతం.

ఇదీ చూడండి:- బడ్జెట్​ ఫ్రెండ్లీ స్మార్ట్​ఫోన్స్​.. వీటి ధర రూ. 10వేల కన్నా తక్కువే!

ఇన్ఫీనిక్స్​ జీటీ 10 ప్రో..

ఆగస్ట్​ 3న ఈ మోడల్​ లాంచ్​ అవుతుంది. ఇందులో మీడియాటెక్​ డైమెన్సిటీ 8050 చిప్​సెట్​ ఉంటుంది. 108ఎంపీ ప్రైమరీ కెమెరా వస్తుందని సమాచారం.

రెడ్​మీ 12 5జీ..

Redmi 12 launch date in India : ఆగస్ట్​ 1న.. రెడ్​మీ 12 5జీని లాంచ్​ చేయనున్నట్టు ప్రకటించింది షావోమీ సంస్థ. ఇదొక మచ్​ అవైటెడ్​ మోడల్​. ఎంట్రీ లెవల్​ సెగ్మెంట్​లో గట్టిపోటీనిచ్చే విధంగా దీనిని రూపొందించింది సంస్థ. ఫీచర్స్​, ధరపై లీక్​ అయిన వివరాలను తెలుసుకునేందుకు ఇక్కడ క్లిక్​ చేయండి.

వన్​ప్లస్​ ఓపెన్​..

హెచ్​టీ టెక్​ ప్రకారం.. ఓపెన్​ అనే పేరుతో ఓ ఫోల్డెబుల్​ ఫోన్​ను లాంచ్​ చేసేందుకు సిద్ధమవుతోంది వన్​ప్లస్​ సంస్థ. ఈ వన్​ప్లస్​ ఓపెన్​లో స్నాప్​డ్రాగన్​ 8 జెన్​ 2 ఎస్​ఓసీ, 2కే అమోలెడ్​ డిస్​ప్లే వంటివి ఉంటాయి. న్యూయార్క్​ వేదికగా ఆగస్ట్​ 29న జరగనున్న ఈవెంట్​లో సంస్థ దీనిని లాంచ్​ చేస్తుందని తెలుస్తోంది.