Top Scooters : దేశంలో అధికంగా అమ్ముడవుతున్న టాప్ 5 స్కూటర్లు.. బడ్జెట్ ధరలో మంచి మైలేజీతో
Top Scooters In India : భారత్‌లో టూ వీలర్ మార్కెట్‌ విపరీతంగా పెరిగింది. స్కూటర్లు కూడా తీసుకునేవారి సంఖ్య అధికమైంది. అయితే ఎక్కువగా జనాలు ఇష్టపడే 5 స్కూటర్ల గురించి తెలుసుకుందాం..
ప్రపంచంలోనే అతిపెద్ద ద్విచక్ర వాహనాల మార్కెట్‌ భారత్‌‌ది. ఇటీవలే చైనాను వెనక్కు నెట్టి టాప్ 1 పొజిషన్‌లోకి వచ్చింది. ప్రతి నెలా వివిధ స్కూటర్లు, బైక్‌లు అమ్మకానికి వస్తుంటాయి. ఎక్కువ మంది కస్టమర్లు రోజువారీ ఉపయోగం కోసం స్కూటర్లపై ఇంట్రస్ట్ చూపిస్తున్నారు. ఈ సెగ్మెంట్లో హోండా యాక్టివా, సుజుకి యాక్సెస్ 125, హోండా డియో 110, టీవీఎస్ ఎన్‌టార్క్ 125, టీవీఎస్ జూపిటర్ స్కూటర్లు ఎక్కువ మంది కొంటున్నారు.
హోండా యాక్టివా
హోండా యాక్టివా చాలా మందికి ఇష్టమైన స్కూటర్. యాక్టివా 125, యాక్టివా 6G కొనుగోలు కోసం అందుబాటులో ఉన్నాయి. హోండా యాక్టివా 125 స్కూటర్ ఎక్స్-షోరూమ్ ధర రూ. 84,085 నుండి రూ. 92,257 మధ్య ఉంది. ఇది 124 సీసీ పెట్రోల్ ఇంజన్ పొందుతుంది. 51.23 మైలేజీని అందిస్తుంది. హోండా యాక్టివా 6G కూడా ఫేమస్ స్కూటర్. దీని ధర రూ. 79,624 నుండి రూ. 84,624 (ఎక్స్-షోరూమ్)గా ఉంది. ఇది 109.51 సీసీ పెట్రోల్ ఇంజన్తో 59.5 మైలేజీని అందిస్తుంది. సెమీ డిజిటల్ క్లస్టర్‌తో సహా వివిధ ఫీచర్లను కలిగి ఉంటుంది. భద్రత కోసం డ్రమ్ బ్రేక్ ఉంది.
సుజుకి యాక్సెస్ 125
సుజుకి యాక్సెస్ 125 స్కూటర్ రూ.83,482 నుండి రూ.94,082 ఎక్స్-షోరూమ్ ధర వద్ద కొనవచ్చు. ఇందులో 124 సీసీ సింగిల్ సిలిండర్ పెట్రోల్ ఇంజన్ ఉంటుంది. 45 మైలేజీని అందిస్తుంది. భద్రత కోసం డిస్క్/డ్రమ్ బ్రేక్ ఆప్షన్ అందుబాటులో ఉంది. ఇది సెమీ డిజిటల్ సమాచార ప్యానెల్‌తో సహా వివిధ ఫీచర్లను కలిగి ఉంది.
టీవీఎస్ జూపిటర్
టీవీఎస్ జూపిటర్ యాక్టివా తర్వాత అధికంగా అమ్ముడైన స్కూటర్‌గా నిలిచింది. జూపిటర్ 110, జూపిటర్ 125.. రెండు వేరియంట్లలో అందుబాటులో ఉన్నాయి. టీవీఎస్ జూపిటర్ 110 స్కూటర్ ఎక్స్-షోరూమ్ ధర రూ. 77,400 నుండి రూ. 90,150 వరకు ఉంది. ఇది 113.3 సీసీ పెట్రోల్ ఇంజన్‌ని పొందుతుంది. 62 మైలేజీ వరకు అందిస్తుందని అంచనా. టీవీఎస్ జూపిటర్ 125 స్కూటర్ ఎక్స్-షోరూమ్ ధర రూ. 89,155 నుండి రూ. 99,805 వరకు ఉంది. ఇది 57.27 మైలేజీని అందించే 124.8 cc పెట్రోల్ ఇంజన్తో ఉంది. డిజిటల్ ఇన్‌స్ట్రుమెంట్ కన్సోల్‌తో సహా వివిధ ఫీచర్లను పొందుతుంది. ఇది రైడర్ రక్షణ కోసం డ్రమ్/డిస్క్ బ్రేక్‌లను కలిగి ఉంది.
టీవీఎస్ ఎన్‌టార్క్ 125
టీవీఎస్ ఎన్‌టార్క్ 125 రూ. 93,126 నుండి రూ. 1.09 లక్షల ఎక్స్-షోరూమ్ ధరతో ఉంది. ఇందులో 124.8 సీసీ పెట్రోల్ ఇంజన్ ఉంటుంది. ఇది 47 మైలేజీని అందిస్తుంది. డిజిటల్ ఇన్‌స్ట్రుమెంట్ కన్సోల్‌తో సహా అనేక ఫీచర్లతో వస్తుంది.
హోండా డియో 110
హోండా డియో 110 స్కూటర్‌ను పెద్ద సంఖ్యలో కస్టమర్లు కొనుగోలు చేస్తున్నారు. దీని ధర రూ.75,630 నుండి రూ.82,580 ఎక్స్-షోరూమ్. ఇది 50 kmpl మైలేజీని అందించే 109.51 సీసీ పెట్రోల్ ఇంజన్తో వస్తుంది. ఇది పూర్తి డిజిటల్ ఇన్‌స్ట్రుమెంట్ క్లస్టర్‌తో సహా వివిధ ఫీచర్లతో ఉంటుంది.
టాపిక్