Stock Market Holiday : నేడు స్టాక్​ మార్కెట్​లకు సెలవు.. కారణం ఇదే!

Stock market holiday today : దేశీయ స్టాక్​ మార్కెట్​లకు మంగళవారం సెలవు. దీపావళి బలిప్రాతిపద కారణంగా.. బీఎస్​ఈ, ఎన్​ఎస్​ఈలు మంగళవారం మూతపడి ఉంటాయి. ఈక్విటీ, ఈక్విటీ డెరివేటివ్​, ఎస్​ఎల్​బీ సెగ్మెంట్​ల కార్యకలాపాలు నేడు నిలిచిపోనున్నాయి. కరెన్సీ డెరివేటివ్​ మార్కెట్​ కూడా పనిచేయదు.

ఎంసీఎక్స్​ (మల్టీ కమోడిటీ ఎక్స్​ఛేంజ్​)లోని కమోడిటీ సెగ్మెంట్​.. తొలి భాగం మూతపడి ఉంటుంది. సాయంత్రం సెషన్​ యథాతథంగా సాగుతుంది. ఈవినింగ్​ సెషన్​ అంటే సాయంత్రం 5 గంటల నుంచి. ఇంట్రెస్ట్​ రేట్​ డెరివేటివ్స్​ సెగ్మెంట్​లో ట్రేడింగ్​ జరగదు.

మంగళవారం సెలవు తర్వాత దేశీయ సూచీలు.. తిరిగి బుధవారం యథాతథంగా పనిచేస్తాయి. అన్ని సెగ్మెంట్స్​లో కార్యకలాపాలు సాధారణంగా జరుగుతాయి.

Stock market holiday : దీపావళి నుంచి నాలుగో రోజున దీపావళి బలిప్రాతిపద జరుపుకుంటారు. దీనిని బలి పాడ్యమి అని కూడా అంటారు. కార్తిక మాసం తొలి రోజు ఇది. వామన అవతారంలో వచ్చిన విష్ణు మూర్తి.. బలి చక్రవర్తిపై విజయం సాధించినందుకు గుర్తుగా దీపావళి బలిప్రాతిపద జరుపుకుంటారు.

ఈ నెలలో.. స్టాక్​ మార్కెట్​లకు ఇదే తొలి సెలవు. నవంబర్​ 27న, గురునానక్​ జయంతి నేపథ్యంలో స్టాక్​ మార్కెట్​లకు సెలవు ఉంటుంది.ఇక వచ్చే నెలలో క్రిస్మస్​ రోజున, అంటే డిసెంబర్​ 25న మార్కెట్​లు మూతపడి ఉంటాయి.

దేశీయ సూచీల పరిస్థితి..

India stock market news : ఇక సోమవారం ట్రేడింగ్​ సెషన్​ విషయానికొస్తే.. దేశీయ సూచీలు నష్టపోయాయి. బీఎస్​ఈ సెన్సెక్స్​ 326 పాయింట్లు కోల్పోయి 64,934 వద్ద స్థిరపడింది. ఎన్​ఎస్​ఈ నిఫ్టీ.. 82 పాయింట్ల నష్టంతో 19,444 వద్ద ముగిసింది. మిడ్​క్యాప్​, స్మాల్​క్యాప్​ సూచీలు ఫ్లాట్​గా ముగిశాయి.

ఇక ఆదివారం జరిగిన ముహురత్​ ట్రేడింగ్​లో మార్కెట్​లు భారీగా లాభపడ్డాయి. ఎన్​ఎస్​ఈ నిఫ్టీ.. ఏకంగా 100 పాయింట్లు పెరిగి 19,526 వద్ద ముగిసింది. బీఎస్​ఈ సెన్సెక్స్​ 355 పాయింట్లు వృద్ధి చెంది 65,259 వద్దకు చేరింది.