Skoda new SUV : మారుతీ సుజుకీ బ్రెజాకు పోటీగా స్కోడా కొత్త ఎస్​యూవీ..!-skoda new suv spotted ahead of launch maruti brezza kia sonet rival ,బిజినెస్ న్యూస్
తెలుగు న్యూస్  /  బిజినెస్  /  Skoda New Suv : మారుతీ సుజుకీ బ్రెజాకు పోటీగా స్కోడా కొత్త ఎస్​యూవీ..!

Skoda new SUV : మారుతీ సుజుకీ బ్రెజాకు పోటీగా స్కోడా కొత్త ఎస్​యూవీ..!

Sharath Chitturi HT Telugu
May 18, 2024 01:40 PM IST

స్కోడా కొత్త ఎస్​యూవీకి సంబంధించిన స్పై షాట్స్​ లీక్​ అయ్యాయి. వాటితో.. కొత్త ఎస్​యూవీకి సంబంధించిన పలు కీలక విషయాలు బయటపడ్డాయి. వాటిని ఇక్కడ తెలుసుకోండి..

స్కోడా కొత్త ఎస్​యూవీ ఇదే..!
స్కోడా కొత్త ఎస్​యూవీ ఇదే..! (Facebook/ Vaibhav Gagare)

Skoda new SUV 2024 : ఇండియా ఆటోమొబైల్​ మార్కెట్​లో ఎస్​యూవీ సెగ్మెంట్​కు కనిపిస్తున్న డిమాండ్​ని క్యాష్​ చేసుకునేందుకు సంస్థలు ప్రయత్నిస్తున్నాయి. వీటిల్లో స్కోడా సంస్థ కూడా ఉంది. స్కోడా ఆటో ఇండియా.. సరికొత్త సబ్-4 మీటర్ల కాంపాక్ట్ ఎస్​యూవీని లాంచ్​ చేసేందుకు రెడీ అవుతోంది. ప్రస్తుతానికి, కొత్త కాంపాక్ట్ ఎస్​యూవీ పేరు ఖరారు కాలేదు కానీ ఈ వాహనం స్పై షాట్లు ఇంటర్నెట్​లో కనిపించడం ప్రారంభించాయి. ఈ స్కోడా కొత్త కాంపాక్ట్ ఎస్​యూవీ టెస్ట్​ డ్రైవర్​ చేస్తూ.. ఇటీవల భారత రోడ్లపై కనిపించింది.

స్కోడా కొత్త ఎస్​యూవీ హైలైట్స్​..!

స్పై షాట్స్​ని చూస్తుంటే.. స్కోడా కొత్త ఎస్​యూవీ టెయిల్ ల్యాంప్ డిజైన్ కుషాక్​ను పోలి ఉంటుందని అనిపిస్తోంది. హెడ్​ల్యాంప్ సెటప్.. అనేది స్ల్పిట్​ యూనిట్, ఇక్కడ ఎల్​ఈడీ డేటైమ్ రన్నింగ్ ల్యాంప్ స్ట్రిప్ పైన ఉంటుంది. మెయిన్ హెడ్​ల్యాంప్ క్రింద ఉంటుంది. ముందు భాగంలో స్కోడా సిగ్నేచర్ గ్రిల్ ఉంటుంది. ఈ ఎస్​యూవీలో రూఫ్ రైల్స్, అలాయ్ వీల్స్ కూడా ఉన్నాయి.

ఇందులోని 1.0-లీటర్ టీఎస్ఐ పెట్రోల్ ఇంజిన్.. గరిష్టంగా 113బీహెచ్ పీ పవర్, 178ఎన్ఎమ్ గరిష్ట టార్క్​ను జనరేట్​ చేస్తుంది. ఇది 6-స్పీడ్ మేన్యువల్ గేర్ బాక్స్ లేదా 6-స్పీడ్ టార్క్ కన్వర్టర్ ఆటోమేటిక్ ట్రాన్స్ మిషన్​తో కనెక్ట్​ చేసి ఉంటుంది.

స్కోడా కొత్త ఎస్​యూవీ..
స్కోడా కొత్త ఎస్​యూవీ.. (Facebook/ Vaibhav Gagare)

Skoda new SUV latest updates : ఈ కొత్త కాంపాక్ట్ ఎస్​యూవీ.. మారుతీ సుజుకీ బ్రెజా, హ్యుందాయ్ వెన్యూ, కియా సోనెట్, మహీంద్రా ఎక్స్ యూవీ300, టాటా నెక్సాన్ వంటి బెస్ట్​ సెల్లింగ్​ మోడల్స్​కి గట్టి పోటీ ఇవ్వనుంది.

ప్రస్తుతం స్కోడా ఇండియాలో కొడియాక్, కుషాక్, స్లావియా, సూపర్బ్ కార్లను విక్రయిస్తోంది. కాబట్టి, రాబోయే ఎస్​యూవీ., స్కోడా లైనప్​లో ఐదొవ మోడల్ అవుతుంది. కుషాక్, స్లావియాలతో తన ప్లాట్​ఫామ్​ని పంచుకోనుంది ఈ కొత్త ఎస్​యూవీ. ఈ ప్లాట్​ఫామ్​ను ఎంక్యూబీ-ఏ0-ఐఎన్​ అని పిలుస్తారు.

Skoda new SUV : ప్రస్తుతం... స్థానిక సప్లై నెట్వర్క్​ ఏర్పాటు చేసుకునే పనిలో ఉంది స్కోడా సంస్థ. ఫలితంగా వెహికిల్స్​ ధరలు మరింత తగ్గొచ్చు. కొత్త కాంపాక్ట్ ఎస్​యూవీని వచ్చే ఏడాది ప్రథమార్థంలో విడుదల చేసేందుకు స్కోడా ఏర్పాట్లు చేసుకుంటోంది.

స్కోడా కొత్త కాంపాక్ట్ ఎస్​యూవీ కోసం ప్రత్యేకంగా ఉత్పత్తి సామర్థ్యంలో 30 శాతం పెంపు ఉంటుంది. ఇండియాలోనే దీని డిజైన్​, ప్రొడక్షన్​ ఉంటుందని సమాచారం. స్కోడా ఆటో ఇండియా.. ఈ కొత్త ఎస్​యూవీని ఒకే సంవత్సరంలో 1,00,000 యూనిట్లను విక్రయించాలని లక్ష్యంగా పెట్టుకుంది. ఇది రెండు సంవత్సరాల వ్యవధిలో కుషాక్, స్లావియా మోడళ్లు సాధించిన సంఖ్యకు రెట్టింపు! అదనంగా, వోక్స్​వ్యాగన్ రాబోయే సంవత్సరాల్లో సబ్-కాంపాక్ట్ ఎస్​యూవీ సొంత వెర్షన్​ను ప్రవేశపెట్టే అవకాశం ఉంది.

ఇంకో విషయం! హెచ్​టీ తెలుగు ఇప్పుడు వాట్సప్ ఛానల్స్​లో అందుబాటులో ఉంది! ఆటోమొబైల్​ ప్రపంచం నుంచి ఎటువంటి అప్​డేట్​ని మీరు మిస్ కాకుండా ఉండటానికి హెచ్​టీ తెలుగు వాట్సాప్​ ఛానెల్​ని ఇప్పుడే సబ్​స్క్రైబ్​ చేసుకోండి.

WhatsApp channel

సంబంధిత కథనం