Realme 13 Pro+ : అదిరిపోయేలా రియల్​మీ 13 ప్రో+.. ఫీచర్స్​ లీక్! పూర్తి వివరాలు ఇవే..-realme 13 pro leak reveals variants colours model number check full details here ,బిజినెస్ న్యూస్
తెలుగు న్యూస్  /  బిజినెస్  /  Realme 13 Pro+ : అదిరిపోయేలా రియల్​మీ 13 ప్రో+.. ఫీచర్స్​ లీక్! పూర్తి వివరాలు ఇవే..

Realme 13 Pro+ : అదిరిపోయేలా రియల్​మీ 13 ప్రో+.. ఫీచర్స్​ లీక్! పూర్తి వివరాలు ఇవే..

Sharath Chitturi HT Telugu
May 31, 2024 12:05 PM IST

Realme 13 Pro+ India launch : రియల్​మీ 13 ప్రో+ ఫీచర్స్​ ఆన్​లైన్​లో లీక్​ అయ్యాయి. వాటి వివరాలను ఇక్కడ తెలుసుకోండి..

రియల్​మీ 13 ప్రో+
రియల్​మీ 13 ప్రో+ (Realme)

Realme 13 Pro+ launch date in India : వివిధ మార్కెట్ల కోసం రియల్​మీ కొత్త స్మార్ట్​ఫోన్స్​ని అభివృద్ధి చేస్తున్నట్లు సమాచారం. చైనా రియల్​మీ జీటీ నియో 6కు రీబ్రాండెడ్ వెర్షన్ అయిన రియల్​మీ జీటీ 6 గ్లోబల్ రిలీజ్​ని కంపెనీ ఇటీవలే ధృవీకరించింది. అదనంగా, రియల్​మీ చైనా మార్కెట్ కోసం రెండు ఫోన్లపై పనిచేస్తోంది. అవి.. రియల్​మీ 13 ప్రో సిరీస్, రియల్​మీ జీటీ 6 స్పెషల్​ ఎడిషన్​. ప్రస్తుతానికైతే రియల్​మీ 13 ప్రో సిరీస్​లోని ప్రో+ స్మార్ట్​ఫోన్​పై విపరీతమైన బజ్​ నెలకొంది. అందుకు తగ్గట్టు.. బయటకు వస్తున్న లీక్స్​ సైతం.. ఈ గ్యాడ్జెట్​పై అంచనాలను పెంచుతున్నాయి. ఈ నేపథ్యంలో.. ఈ రియల్​మీ 13 ప్రో+ స్మార్ట్​ఫోన్​పై ఇప్పటివరకు ఉన్న వివరాలను ఇక్కడ తెలుసుకుందాము..

రియల్​మీ 13 ప్రో+ లాంచ్​ ఎప్పుడు..?

వీబో లీకర్ డిజిటల్ చాట్ స్టేషన్ నుంచి వచ్చిన సమాచారం ప్రకారం.. రియల్​మీ మిడ్ రేంజ్ నంబర్డ్ సిరీస్, జీటీ సిరీస్ నుంచి రెండు స్మార్ట్​ఫోన్స్​ రావొచ్చు. ఈ మిడ్-రేంజ్ ఫోన్.. రియల్​మీ 13 ప్రో + కావచ్చని ఊహాగానాలు ఉన్నాయి. ఇది కొత్త 50 మెగాపిక్సెల్ 3ఎక్స్ పెరిస్కోప్ కెమెరాను కలిగి ఉంటుంది. ఇది రియల్​మీ 12 ప్రో + ట్రెండ్​ని కొనసాగిస్తుంది.

Realme 13 Pro+ price in India : రియల్​మీ జీటీ 6 ఫ్లాగ్​షిప్ స్మార్ట్​ఫోన్​లో 100 వాట్ ఫాస్ట్ ఛార్జింగ్ సపోర్ట్ చేసే సిలికాన్ నెగటివ్ ఎలక్ట్రోడ్ హై-డెన్సిటీ బ్యాటరీలు ఉండవచ్చు. అయితే బ్యాటరీ సామర్థ్యంపై వివరాలపై క్లారిటీ లేదు.. ఈ ఫ్లాగ్​షిప్​ మోడల్ కోసం రియల్​మీ స్ట్రెయిట్, క్వాసి-స్ట్రెయిట్ (మైక్రో-కర్వ్డ్) స్క్రీన్లను పరీక్షిస్తున్నట్లు సమాచారం.

రియల్​మీ 13 ప్రో+ కాన్ఫిగరేషన్స్..

నివేదికల ప్రకారం.. రాబోయే రియల్​మీ 13 ప్రో+ స్మార్ట్​ఫోన్​లో స్నాప్​డ్రాగన్ 7ఎస్ జెన్ 3 చిప్​సెట్ ఉంటుంది. రియల్​మీ 13 ప్రో +.. భారతీయ వెర్షన్ ఆర్​ఎంఎక్స్​3921 మోడల్ నంబర్ ద్వారా గుర్తించడం జరిగింది. మోనెట్ గోల్డ్. ఎమరాల్డ్ గ్రీన్​ కలర్స్​లో లభిస్తుంది.

రియల్​మీ 13 ప్రో+ భారతదేశంలో నాలుగు కాన్ఫిగరేషన్లలో రానుంది. అవి.. 8 జీబీ ర్యామ్​+ 128 జీబీ స్టోరేజ్​, 8 జీబీ + 256 జీబీ, 12 జీబీ + 256 జీబీ, 12 జీబీ + 512 జీబీ. ధర వివరాలు ఇంకా తెలియరాలేదు.

Realme 13 Pro+ price : ఈ ఏడాది ప్రారంభంలో విడుదలైన రియల్​మీ 12 ప్రో+ లో 3ఎక్స్ ఆప్టికల్ జూమ్​తో కూడిన 64 ఎంపీ పెరిస్కోప్ టెలిఫోటో కెమెరా ఉంది. రియల్​మీ 13 ప్రో+ లో 3ఎక్స్ ఆప్టికల్ జూమ్తో కూడిన 50 మెగాపిక్సెల్ పెరిస్కోప్ టెలిఫోటో కెమెరా ఉండనుంది. రియల్​మీ 13 ప్రోలో పెరిస్కోప్ కెమెరా లేదా స్టాండర్డ్​ టెలిఫోటో కెమెరా ఉంటుందా అనేది తెలియాల్సి ఉంది.

ఈ గ్యాడ్జెట్​కి సంబంధించిన లాంచ్​ డేట్​తో పాటు ఇతర ఫీచర్స్​, ధరకు సంబంధించిన వివరాలపై త్వరలోనే ఒక అప్డేట్​ వెలువడే అవకాశంది. లాంచ్​ తర్వాత.. ఇది ఇండియా మార్కెట్​లో ఏ మేరకు ప్రదర్శన చేస్తాయో చూడాలి.

WhatsApp channel

సంబంధిత కథనం