Lava Yuva 5G: రూ. 10 వేల లోపు ధరలో, అడ్వాన్స్డ్ ఫీచర్స్ తో 5జీ స్మార్ట్ ఫోన్ ‘‘లావా యువ 5జీ’’

లావా ఇంటర్నేషనల్ తన లేటెస్ట్ 5జీ స్మార్ట్ ఫోన్ ‘లావా యువ 5జీ’ (Lava Yuva 5G) ని మే 30న భారత్ లో విడుదల చేసింది. యూనిసోక్ టీ750 5జీ చిప్ సెట్ ను ప్రవేశపెట్టిన తొలి డివైజ్ ఇదే కావడం గమనార్హం. లావా యువ 5జీ స్మార్ట్ ఫోన్ లో 90 హెర్ట్జ్ రిఫ్రెష్ రేట్ తో పంచ్ హోల్ డిస్ప్లే ఉంటుంది. అలాగే, ఇందులో డ్యూయల్ రియర్ కెమెరా సెటప్ ఉంది.

లావా యువ 5జీ ధరలు

లావా యువ 5జీ ధర 4 జీబీ ర్యామ్ + 64 జీబీ స్టోరేజ్ వేరియంట్ కు రూ.9,499 గా, 4 జీబీ ర్యామ్ , 128 జీబీ స్టోరేజ్ వేరియంట్ కు రూ.9,999గా నిర్ణయించారు. మిస్టిక్ బ్లూ, మిస్టిక్ గ్రీన్ రంగుల్లో ఈ ఫోన్ లభిస్తుంది. జూన్ 5 నుంచి అమెజాన్, లావా ఈ-స్టోర్, రిటైల్ అవుట్లెట్ల ద్వారా లావా యువ 5 జీ (Lava Yuva 5G) స్మార్ట్ ఫోన్ ను కొనుగోలు చేయవచ్చు. ఏడాది వారంటీతో ఈ ఫోన్ వస్తుంది.

స్పెసిఫికేషన్లు, ఫీచర్లు

లావా యువ 5జీ (Lava Yuva 5G) స్మార్ట్ ఫోన్ ఆండ్రాయిడ్ 13 ఆపరేటింగ్ సిస్టంపై పనిచేస్తుంది. లావా (Lava) రెండేళ్ల పాటు సెక్యూరిటీ అప్ డేట్స్ అందిస్తుంది. అదే సమయంలో ఆండ్రాయిడ్ 14కు అప్ గ్రేడ్ అవుతుంది. లావా యువ 5జీ స్మార్ట్ ఫోన్ లో 6.52 అంగుళాల హెచ్డీ+ ఐపీఎస్ డిస్ప్లే (720×1,600 పిక్సెల్స్), 269 పీపీఐ పిక్సెల్ సాంద్రత, 90 హెర్ట్జ్ రిఫ్రెష్ రేట్ ఉన్నాయి. ఇందులో 2.5డీ కర్వ్డ్ గ్లాస్, ఫ్రంట్ కెమెరా కోసం సెంట్రల్లీ పంచ్ హోల్ ఉన్నాయి. ఆక్టాకోర్ యూనిసోక్ టీ750 5జీ ఎస్ వోసీ ప్రాసెసర్ పై పనిచేసే ఈ ఫోన్ లో 4 జీబీ ర్యామ్ ఉంటుంది. దీనిని అదనపు స్టోరేజ్ తో 8 జీబీ వరకు పెంచుకోవచ్చు.

లావా యువ 5 జీ కెమెరా, ర్యామ్

లావా యువ 5 జీ స్మార్ట్ ఫోన్ లో డ్యూయల్ రియర్ కెమెరా కాన్ఫిగరేషన్ లో 50 మెగాపిక్సెల్ ప్రైమరీ సెన్సార్, 2 మెగాపిక్సెల్ సెకండరీ షూటర్ ఉన్నాయి. సెల్ఫీల కోసం 8 మెగాపిక్సెల్ ఫ్రంట్ కెమెరా, స్క్రీన్ ఫ్లాష్ ఉన్నాయి. స్టోరేజ్ ఆప్షన్లలో 128 జీబీ ఇంటర్నల్ మెమరీ, మైక్రో ఎస్డి కార్డు ద్వారా 1 టిబి వరకు విస్తరించవచ్చు. కనెక్టివిటీ ఫీచర్లలో 4జి వోల్టే, బ్లూటూత్ 5, జిపిఆర్ఎస్, ఒటిజి, వై-ఫై 802.11 బి / జి / ఎన్ / ఎసి, 3.5 ఎంఎం ఆడియో జాక్, యుఎస్బి టైప్-సి పోర్ట్ ఉన్నాయి. యాక్సెలరోమీటర్, యాంబియంట్ లైట్ సెన్సార్, మాగ్నెటోమీటర్, ప్రాక్సిమిటీ సెన్సార్ వంటి పలు సెన్సార్లను ఇందులో అందించారు. ఫింగర్ ప్రింట్ సెన్సార్, ఫేస్ అన్ లాక్ సపోర్ట్ వంటి ఫీచర్లు ఇందులో ఉన్నాయి. లావా యువ 5జీ లో 18వాట్ ఛార్జింగ్ కు సపోర్ట్ చేసే 5,000 ఎంఏహెచ్ బ్యాటరీ ఉంటుంది.