Paytm layoffs news : వేలాది మంది ఉద్యోగులను తొలగించిన పేటీఎం..!

Paytm layoffs news : ఆర్టిఫీషియల్​ ఇంటెలిజెన్స్​ని ఉపయోగించుకుని, కాస్ట్​ కటింగ్​ చేయాలని భావిస్తున్న ఫిన్​టెక్​ సంస్థ పేటీఎం.. సంచలన నిర్ణయం తీసుకున్నట్టు తెలుస్తోంది. గత కొన్ని రోజులుగా.. 1000కుపైగా మంది ఉద్యోగులను పేటీఎం మాతృసంస్థ వన్​97 కమ్యూనికేషన్స్​ తొలగించినట్టు సమాచారం. సేల్స్​, ఇంజినీరింగ్​తో పాటు అనేక విభాగలపై ఈ పేటీఎం లేఆఫ్​ ఎఫెక్ట్​ పడింది!

పేటీఎం లేఆఫ్​ 2023..

ఖర్చులను తగ్గించుకుని, ఎఫీషియెన్సీని పెంచుకుని, కోర్​ బిజినెస్​ని మెరుగుపరుచుకునే క్రమంలో.. ఆర్టిఫీషియెల్​ ఇంటెలిజెన్స్​వైపు అడుగులు వేస్తోంది పేటీఎం. ఏఐ వల్ల ఎంప్లాయీ కాస్ట్​లో తమకు 10శాతం మిగులుతుందని సంస్థ చెప్పడం గమనార్హం. కాస్ట్​ కటింగ్​తో పాటు ఊహించిన దాని కన్నా రెట్టింపు ఎఫీషియెన్స్​తో పని జరుగుతోందని స్పష్టం చేసింది.

Paytm layoffs 2023 : "మా కార్యకలాపాలకు ఆర్టిఫీషియెల్​ ఇంటెలిజెన్స్​ శక్తిని ఇస్తున్నాము. ఫలితంగా మాటిమాటికీ చేసే పనులు తగ్గుతాయి. ఖర్చులు తగ్గుతాయి. అందుకే మా సిబ్బందిని తగ్గించుకోవాల్సి వచ్చింది. మేము ఊహించిన దాని కన్నా ఎక్కువ ఫలితాల్ని ఇస్తోంది ఏఐ. దాని వల్ల మాకు 10-15 శాతం ఖర్చులు ఆదా అవుతున్నాయి. దీనితో పాటు ఏడాది పొడవునా పర్ఫార్ఫెన్స్​ రివ్యూ చేస్తాము," అని పేటీఎం ఓ ప్రకటనలో తెలిపింది.

ఆర్టిఫీషియెల్​ ఇంటెలిజెన్స్​పై ఫోకస్​ చేయాలని పేటీఎం ఉద్యోగులకు ఆ సంస్థ ఫౌండర్​- సీఈఓ విజయ్​ శేఖర్​ శర్మ చెబుతున్నట్టు సమాచారం. టెక్నాలజీ, ప్రాడక్ట్​, ఇంజినీరింగ్​ బృందాలు.. మైక్రోసాఫ్ట్​ కార్ప్​, గూగుల్​ ఏఐ టూల్స్​ల పట్టు సాధించాలని విజ్ఞప్తి చేసినట్టు తెలుస్తోంది. ఆ టూల్స్​ని ఉపయోగించుకోవడంతో.. సాధారణంగా వారాలు పట్టే ప్రాడక్ట్​ డెవలప్​మెంట్​.. కొన్ని రోజుల్లోనే రెడీ అయిపోయింది.

Paytm layoffs latest news : నాన్​- పర్ఫార్మెన్స్​ కింద.. 2021లో 500 నుంచి 700 మంది ఉద్యోగులను తొలగించింది పేటీఎం. ఇక ఇప్పుడు ఆర్టిఫీషియెల్​ ఇంటెలిజెన్స్​ పేరుతో మరికొందరిని లేఆఫ్​ చేసింది.

అయితే.. కోర్​ బిజినెస్​ కోసం మ్యాన్​ పవర్​ని పెంచాలని సంస్థ భావిస్తోందట. వచ్చే ఏడాదిలో 15వేల మందికిపైగా ఉద్యోగులను కొత్తగా యాడ్​ చేసుకోవాలని సంస్థ చూస్తున్నట్టు సమాచారం. సంస్థ చేపడుతున్న చర్యలతో ఇండియాలో వేగంగా అభివృద్ధి చెందుతామని పేటీఎం పేర్కొంది.