OnePlus Diwali Sale : వన్​ప్లస్​ స్మార్ట్​ఫోన్స్​, ఇయర్​బడ్స్​, ప్యాడ్స్​పై క్రేజీ డిస్కౌంట్లు..

వన్​ప్లస్​ తన దీపావళి 2024 సేల్​ని ప్రకటించింది. ఈ సేల్​లో స్మార్ట్​ఫోన్స్​, టాబ్లెట్లు, ఇయర్​బడ్స్, స్మార్ట్​వాచ్​లు సహా వివిధ ప్రాడక్ట్స్​పై డిస్కౌంట్లు లభిస్తాయి. సెప్టెంబర్ 26, 2024 నుంచి డిస్కౌంట్ వస్తువులను కొనుగోలు చేసుకోవచ్చు.

వన్​ప్లస్​ దీపావళి 2024 సేల్: డేట్​..

వన్​ప్లస్​ అధికారిక వెబ్​సైట్​, వన్​ప్లస్​ ఎక్స్​పీరియెన్స్ స్టోర్స్, అమెజాన్, బజాజ్ ఎలక్ట్రానిక్స్, రిలయన్స్ డిజిటల్, విజయ్ సేల్స్, క్రోమా వంటి ఇతర రిటైల్ ప్లాట్​ఫామ్స్​లో ఈ వన్​ప్లస్​ దీపావళి సేల్ అందుబాటులో ఉంటుంది. ప్రైమ్ సబ్​స్క్రైబర్స్​ కోసం అమెజాన్ గ్రేట్ ఇండియన్ ఫెస్టివల్ సెప్టెంబర్ 26న ప్రారంభం కానుంది. 27న అందరికి అందుబాటులోకి వస్తుంది.

వన్ ప్లస్ దీపావళి సేల్ ఆఫర్లు: డిస్కౌంట్స్​..

దీపావళి సేల్ సందర్భంగా వన్​ప్లస్ పలు రకాల ఉత్పత్తులపై డిస్కౌంట్లను అందించనుంది. వన్​ప్లస్​ 12, వన్​ప్లస్​ 12ఆర్, వన్​ప్లస్​ నార్డ్ 4, వన్​ప్లస్​ నార్డ్ సీఈ4, వన్​ప్లస్​ నార్డ్ సీఈ4 లైట్ స్మార్ట్​ఫోన్ సేల్​లో ఉన్నాయి. ఫోన్లతో పాటు వన్​ప్లస్​ ఓపెన్ అపెక్స్ ఎడిషన్, వన్​ప్లస్​ ప్యాడ్ 2, వన్​ప్లస్​ ప్యాడ్ గో, వన్​ప్లస్​ వాచ్ 2, వన్​ప్లస్​ బడ్స్ 3 ఫోన్లపై ఈ సేల్​లో అదిరిపోయే డిస్కౌంట్స్​ లభించనున్నాయి.

ఇదీ చూడండి:- iPhone 16 Pro : మీ ఐఫోన్​ 16 ప్రో టచ్​స్క్రీన్​ సరిగ్గా పనిచేయడం లేదా? కొన్న కొన్ని రోజులకే​..!

బ్యాంక్ ఆఫర్లు, కూపన్లు, స్టూడెంట్ డిస్కౌంట్ల ద్వారా మరిన్ని డిస్కౌంట్లను కంపెనీ అందించనుంది. రెడ్ కేబుల్ క్లబ్ సభ్యులు, అధికారిక వెబ్​సైట్ నుంచి కొనుగోలు చేసే వారు ఎంపిక చేసిన ఉత్పత్తులపై ఎక్స్​క్లూజివ్ డీల్స్​ను యాక్సెస్ చేసుకోవచ్చు.

ఆఫర్ల పరంగా వన్​ప్లస్ 12 కొనుగోలుదారులకు అదనపు ఖర్చు లేకుండా వన్​ప్లస్ బడ్స్ ప్రో 2 లభిస్తుంది. వన్​ప్లస్​ నార్డ్ సీఈ4ను కొనుగోలు చేసే వినియోగదారులకు వన్​ప్లస్​ నార్డ్ బడ్స్ 2ఆర్ ఉచితంగా లభిస్తుంది! వన్​ప్లస్​ సీఈ4 లైట్ కొనుగోలు చేసేవారికి వన్​ప్లస్​ బుల్లెట్స్ వైర్లెస్ జెడ్2 ఇయర్​బడ్స్​ అందించనున్నారు. అదనంగా, వన్​ప్లస్​ ఓపెన్ కొనుగోలుదారులకు వన్​ప్లస్​ వాచ్ 2, వన్​ప్లస్​ ప్యాడ్ గో కొనుగోలుదారులకు ఫోలియో కేస్ ఉచితంగా లభిస్తుంది.

ఈ సేల్​లో భాగంగా వన్​ప్లస్​ 12 లేదా వన్​ప్లస్​ 12ఆర్ కొనుగోలు చేసిన వారు వన్​ప్లస్​ బడ్స్ 3, వన్​ప్లస్​ బడ్స్ ప్రో 3 పై అదనపు డిస్కౌంట్ పొందవచ్చు. మరిన్ని వివరాల కోసం వన్​ప్లస్​ అధికారిక వెబ్​సైట్​ని చెక్​ చేయవచ్చు.