Ola electric : ఓలా ఎలక్ట్రిక్​ ‘భారత్​ ఈవీ ఫెస్ట్​’.. అదిరిపోయే ఆఫర్స్​, డిస్కౌంట్స్​..!

Bharat EV fest OLA : పండుగ సీజన్​లో కస్టమర్లకు మరింత దగ్గరయ్యేందుకు ప్లాన్​ చేస్తోంది ఓలా ఎలక్ట్రిక్​. "భారత్​ ఈవీ ఫెస్ట్​" పేరుతో.. ఆఫర్స్​, డిస్కౌంట్స్​, బెనిఫిట్స్​ వంటివి అందిస్తోంది. ఈ నేపథ్యంలో వీటిపై ఓ లుక్కేద్దాము..

భారత్​ ఈవీ ఫెస్ట్​..

ఈ ఫెస్ట్​.. ఇండియావ్యాప్తంగా సోమవారమే ప్రారంభమైంది. బ్యాటరీ వారెంటీ నుంచి ఎక్స్​ఛేంజ్​ వరకు పలు ఆకర్షణీయమైన ప్రోగ్రామ్స్​ని నిర్వహిస్తోంది ఓలా ఎలక్ట్రిక్​. అంతేకాకుండా.. తమ ఎలక్ట్రిక్​ స్కూటర్లను టెస్ట్​ డ్రైవ్​ చేసిన వారికి ప్రైజ్​లు కూడా ఇస్తోంది. రిఫరల్​ బెనిఫిట్స్​ని కూడా అందిస్తోంది.

ఈ భారత్​ ఈవీ ఫెస్ట్​లో బ్యాటరీలపై 5ఏళ్ల వరకు వారెంటీ ఇస్తోంది ఓలా ఎలక్ట్రిక్​. ఆల్​ న్యూ ఎస్​1 ప్రోపై 5ఏళ్ల ఎక్స్​టెండెడ్​ వారెంటీని కూడా అందిస్తోంది. ఇక ఎస్​1 ఎయిర్​పై 5ఏళ్ల ఎక్స్​టెండెడ్​ వారెంటీ మీద 50శాతం డిస్కౌంట్​ని కూడా ఇస్తోంది. బ్యాటరీలపై ఉండే వారెంటీని కూడా 50శాతం డిస్కౌంట్​లో అందిస్తోంది.

సాధారణంగా అయితే.. సంస్థకు చెందిన ఈవీ బ్యాటరీలపై కేవలం 3ఏళ్ల వరకే వారెంటీలు ఇస్తుంది ఓలా. కానీ ఈసారి దానిని 5ఏళ్లకు పెంచింది.

ఇదీ చూడండి:- Car paint protection tips : మీ కారు పెయింట్​ను పదిలంగా చూసుకోండి ఇలా..!

ఇతర ఆఫర్స్​, డిస్కౌంట్స్​ ఇలా..

Discounts on Ola Electric : వెహికిల్​ ఎక్స్​ఛేంజ్​పై రూ. 10వేల వరకు డిస్కౌంట్​ ఇస్తోంది సంస్థ. పెట్రోల్​ స్కూటర్​ను ఇచ్చి, ఓలా ఎస్​1 ఎలక్ట్రిక్​ స్కూటర్​ను కొనుగోలు చేసుకోవచ్చని సంస్థ చెబుతోంది. ఓలా ఎస్​1 ఈ-స్కూటర్​ ప్రారంభ ఎక్స్​షోరూం ధర రూ. 85,099గా ఉంది.

ఇక తమ ఈవీలను టెస్ట్​ డ్రైవ్​ చేసిన వారికి లక్కీ ప్రైజ్​లు కూడా ఇస్తోంది సంస్థ. అదే సమయంలో.. ఎవరికైనా ఎస్​1 మోడల్​ని రిఫర్​ చేస్తే.. మీరు రివార్డులు కూడా పొందొచ్చు. ఇక ఓలా ఎలక్ట్రిక్​ స్కూటర్లపై కొన్ని ఎంపిక చేసిన బ్యాంక్​ కార్డుల మీద రూ. 7,500 వరకు తగ్గింపు పొందొచ్చు.

ఈ నెల వరకు ఈ ఆఫర్స్​ ఉంటాయి. మరి వచ్చే నెలలోనూ ఉంటాయా? లేదా? అన్న విషయంపై స్పష్టత లేదు.

Ola Electric latest news : ఇక ఇతర విషయానికొస్తే.. ఎస్​1 ప్రో జెన్​2 ఎలక్ట్రిక్​ స్కూటర్​ డెలివరీలను ఇటీవలే ప్రారంభించింది ఓలా ఎలక్ట్రిక్​. ఇది ఆగస్టులో లాంచ్​ అయ్యింది. దీని ఎక్స్​షోరూం ధర రూ. 1.48లక్షలు. 100కుపైగా నగరాల్లో ప్రస్తుతం ఈ మోడల్​ డెలివరీలు జరుగుతున్నాయి.